ارجوه المساعده في اختيار سياره زيرو في حدود 85 الف
 

السلام عليكم
كل عام و انت جميعا بخير
عاوز افكر معاكم بصوت عالي
ولا خاب من استشار
دلوقتي واحده قريبتي معاها عربيه i10 و زهقانه منها و عاوزه تبيعها
و عاوزه تجيب عربيه من 80 الي 85 الف جنيه بس زيرو
و دا اقصي مبلغ عاوزه تدفعه
هيا عاوزه عربيه اكبر من ال i10
و بتفكر في البيكانتو !!!!!!!!
فبصراحه بقالي فتره بعيده عن السوق و الاسعار
فياريت الاخوه يساعدوني و يكبروا دايره الاختيار
و ايه البدائل المتاحه في المبلغ دا

رد: ارجوه المساعده في اختيار سياره زيرو في حدود 85 الف
 

السلام عليكم و رحمة لله و بركاته

ممكن تفكر في الرينو سكالا عربية ياباني تقفيل شركة سامسونج الكورية و عليها علامة رينو الفرنسية و دي ب 82 الف اقل فئة و خليها ماخفش من قطع الغيار لأنها ممكن تجيب استيراد من الخليج قطع غيار نيسان صني و العربية دي حمالة أسية و منتشرة جدا في السعودية و شكلها بسيط و انيق و دي صورتها من موقع كونتاكت كارز http://www.contactcars.com/images/Ne.../big/380_1.jpg

و ممكن تفكر كمان في اللوجان لو عايزة عربية صغيرة ... تحياتي ROSE4U

رد: ارجوه المساعده في اختيار سياره زيرو في حدود 85 الف
 

البيكانتو مناسبة برضة عشان عربية صغيرة بس مش بتاعت جري سوقسوقو هيا بدأت في الانتشار و دي ميزة عشان قطع الغيار بس خليها تفكر في السكالا و اللوجان :waving:

رد: ارجوه المساعده في اختيار سياره زيرو في حدود 85 الف
 

ممكن تجيب بريليانس هاتشباك عربيه جميله والسيدان كمان تحفه والتوكيل بتاعهم توكيل ابو الفتوح توكيل محترم وسعرهم 78000و83000 وفى كمان الافيو دى الوتوماتيك بتاعها85000:waving:

رد: ارجوه المساعده في اختيار سياره زيرو في حدود 85 الف
 

طيب ما هى من i10 لبيكانتو كفرق حجم تقريبا أد بعض
و هل هى بتفكر فى اوتو ؟

رد: ارجوه المساعده في اختيار سياره زيرو في حدود 85 الف
 

مع اني مش متوقع انك تسئل السؤال ده يا حازم باشا لانك موسوعه في العربيات والاسعار بس انا هشور عليك بردك

عندها الهيوانداي الجيتز كسر زيرو موديل 2010 هتعمل حوالي 80 اتوماتيك

ماتريكس كسر زيرو موديل 2010 هتعمل حوالي 85 اتوماتيك اول فئة

ممكن لوجن سانديرو هاتش باك بتعمل حوالي 65 الف بس معتقدش ان فيها اتوماتيك


ده بالنسبة للهاتش باك

لكن لو بتفكر في السيدان هيبقي في اختيارات اكتر

رد: ارجوه المساعده في اختيار سياره زيرو في حدود 85 الف
 

شكرا لكل من شارك
بصراحه الاختيارات المتاحه حاليا معقوله لكن اتمني اختيارات اكبر
الاخ لومينا:متشكر ليك بس هل تفتكر ان الاسكالا هيبقي ليها قطع غيار متوافره ولا برضه هقع تحت رقبه التوكيل و خصوصا اني بخاف من علامه رينو بعد سيارتها المشينه الميجان
احمد باشا علي: بصراحه انا مش عارف هي عاوزه مانيوال و لا اتوماتيك هي عاوزه تغير العربيه و خلاص
و مش مقتنعه بحاجه اسمها سياره مستعمله حتي لو حالتها نضيفه
كروسير باشا:لا خاب من استشار يا كروسير و برضه الواحد مهما كان لازم يبقي رأيه من الناس اللي حواليه مش من دماغه
هاني باشا السويدي:مش عاوز صيني خالص و عاوزين ماركه تتباع و تتشري في اي وقت