حيرة
 

رد: حيرة
 

aked lanos a3talha 2olyla wm7d4 a4tka mnha l7d dlw2te

رد: حيرة
 

بص يا بشمهندس انا املك الفيرنا وجربت الانوس كتير بس انا هقولك علي جوانب مشتركة ما بينهم زي اعادة البيع والصيانة وقطع الغيار تقريبا واحد

اللي مش مشترك بقا

الانوس 1500 سي سي 86 حصان

الفيرنا 1600 سي سي 108 حصان فرق شاسع طبعا

استهلكم للبنزين واحد علي فكرة عن تجربة

الفيرنا تتفوق في الشكل الخارجي طبعا ديه ازواق وكمان الشكل الداخلي

الانوس معملوش فيها حاجه من سنة 99 لحد وقتنا هذا غير تغير الشعار من دايو ل شيفورليه

الانوس قعدتها مريحة شوية للي قاعد ورا لكن متعبه للسائق

بعكس الفيرنا اللي قعدتها مريحة جدا للسائق بس قعدتها ورا ضيقه شوية

الفيرنا تكنولوجيا اعلي من الانوس

انا مش عايز ابينلك اني منحاز للفيرنا بس انا بقولك اللي شوفته الفيرنا داخله علي 4 سنين معايا ومفيش مشاكل فيها تذكر

الفيرنا ثابتها اعلي علي الطرق السريعة عن الانوس

وربنا يوفقك لما فيه الخير واللي قالبك يرتحلها هاتها

رد: حيرة
 

الف شكر ياجماعة .... ولكن بالنسبة للاسعار دى بكام ودى بكام ..... سمعت ان فى مشكلة سخونة فى الفرنا ياترى ده صحيح ؟؟؟؟

رد: حيرة
 

الفيرنا افضل بكتير...استهلاك بنزين اقل...موتور اقوى...اعطال اقل....

رد: حيرة
 

أيه ده ... هو أحنا لسه فى منتدى اللانوس ولا رحنا منتدى الفيرنا والواحد مش واخد باله ؟؟؟ الجماعة الفيرناوية جايين يقطعوا علينا هنا فى منطقتنا ولا أيه ؟؟؟
لأ يا عم اللانوس عربية ميه ميه وزى الفل (((أنا بقارن مع الفيرنا طبعاً علشان محدش يضحك عليا)))

والى صاحب السؤال ::: الحقيقة ان كل واحد مش هيقدر يفيدك غير بوجهه نظره الشخصية , لأن السؤال ده تقدر تقول عليه من الأسئلة المطلقة اللى ملهاش أجابة محددة وإنما إجابات تقديرية تختلف حسب رؤية كل شخص وتجربته والعبرة فى النهاية بحكمك انت شخصياً وتقديرك لمتطلباتك وتقييمك الشخصى لكل واحدة من العربيتين دول.
عموماً أنا بأستأذنك أشارك برأيى الشخصى وهو أن اللانوس أحسن من الفيرنا.
عموماً أعتقد ان التقييم بين العربيتين (اذا حصرنا المقارنة بينهم فقط ومدخلناش الرينو لوجان والكيا ريو بنفس رينج السعر) لازم تشمل حاجات تانية كتير ومن اهمها ايه هو المقابل قصاد المبلغ المدفوع بمعنى انك هتدفع فى اللانوس الكاملة ال 1500 سى سى وهتاخد باور ستيرنج وأزاز كهرباء وفوانيس شبورة ومرايا كهربا ناحية الراكب الامامى وراديو بدون اريال (بهوائى) والسنتر مفتاح ومفيش معاه ريموت .... لكن فى حالة الفيرنا الكاملة ال 1600 سى سى هتاخد باور ستيرنج وأزاز كهرباء وبس بمعنى مفيش مرايات كهربا ولا فوانيس شبورة والراديو بأريال كهربا بس السنتر بريموت ....
أدرس النقاط دى بالراحة وشوف طلباتك أيه وحاول تقعد فى كل عربية منهم ولو امكن تجرب تسوقها واختار الشكل المريح ليك اكتر وخد قرارك بتمهل وبدون تسرع وفى النهاية العربيتين تجميع مصرى ووكيل محلى وقطع غيار رخيصة ومتوفرة جداً وصيانة سهلة لأى ميكانيكى وأكسسوارات متنوعة وماسكين سعر اعادة بيع ... ومدامت شغالة تاكسى بوفرة كدة ده فى صالح وفرة ورخص قطع الغيار والمصنعيات.
اتمنى انى ماكونش اثقلت عليك وزى ماقولت فى الاول ده تقييمى انا الشخصى والعبرة فى النهاية لرأيك وقرارك انت فقط.

رد: حيرة
 

اعتقد لانوس اعلى شويه + صالون اوسع وشنطه اضيق عكس الفيرنا صالون اضيق شنطه اوسع