اختراعي (ايه رأيكو فيه)
 

السلام عليكم و رحمة الله وبركاته
انا سيد محمد عبيد مخترع على قدي كده
وعندي فكره سياره ذكيه بتكلم الانسان
يعني تنبهه اذا كان الشارع اللى هو دخله ده سد او مثلا ان فيه اشاره مرور على بعد 150 متر
تنبهه ان ممنوع استخدام الكلاكس ويتم فصله اوتوماتيكيا فى المناطق الموجود فيها ممنوع استخدام الكلاكس ايضا تنبه السائق من الكثافه المروريه وطبعا كل ده بالصوت يعني العربيه بتكلم الانسان
انا كنت عاوز اعرف رأيكو فى الاختراع حلو ولا لا
وكمان عاوز اعرف لو فيه حد اخترعه قبل كده
ملحوظه : الفكره جاتني من فيلم اجنبي فيه العربيه بتتكلم بس طبعا مش حقيقي
بس انا عندي فكره المشروع كامله يعنى مش ناقصني الا اني اجمعه
بس كنت عاوز اعرف رأيكو قبل ما اجمعه بم انكم كلكم ليكم فى سواقه العربيات وعارفين ليها فايده ولالا

رد: اختراعي (ايه رأيكو فيه)
 

عن نفسي لو عربيتي كده حبقي مبسوط
توكل علي الله ربنا يجعلك من اسباب النهضة

رد: اختراعي (ايه رأيكو فيه)
 

فكرة جميلة جدا مع انها هتكون مكلفة وصعبة بس ربنا يعينك ويقدرك ع تنفيذها واى كلام تسمعة خلية يكون دافع ليك انك تنفذ مشروعك

رد: اختراعي (ايه رأيكو فيه)
 

ولو حبيت تستفسر عن اى حاجة هتلاقى اخواتك هنا هيقفو معاك ويفدوك باى حاجة يعرفوها ان شاء الله

رد: اختراعي (ايه رأيكو فيه)
 

رد: اختراعي (ايه رأيكو فيه)
 

شكرا جزيلا على تشجيعكم ده وان شاء الله يخلص على خيير بس كان نفسي يكون فيه مصنع سيارات مصري بعد ما اخلص واخد برأه اختراع هما اللي ينفذوه فى عربياتهم المصريه الصنع بدل ما تشتريه شركه اجنبيه وكل شركات العربيات اجنبيه مفيش حاجه بتاعت مصر خالص

رد: اختراعي (ايه رأيكو فيه)
 

فكرة ممتازة طبعا , وربنا يوفقك وتقدر تعملها وتنجح بنسبة 100% ..
بس يا ريت تحط للعربية اضافة مهمة , انها ترسل موجات فوق صوتية , زى اللى بيطلعها الخفاش كده عشان تقدر المسافة بينها وبين العربيات اللى حوليها وبالتالى تتفادى الاصتضام بها مما يقلل نسبة الحوادث , انا مش عارفة اشرح الفكرة قوى بس يارب تكون وصلت ...
بالاضافة طبعا لنظام الملاحة ولو انى ماكنتش احب انه يبقى عن طريق النت , يعنى اسجل بيانات الطريق اللى انا عايزاه وبعد كده العربية ترشدنى بالصوت والصورة ...
وطبعا كده هاتبقى العملية تماااااااااام قوى
وربنا يوفقك