صوت الإنذار لا يعمل فى النيو اكسنت 2011
 

انا معاى عربية نيو اكسنت موديل 2011 عاملة 4000 كيلو وهى ماشاء الله معاى كويسة لكن ظهرت مشكلة حيث انا من بورسعيد بعد اخر شتاء من اسبوعين ان صوت الإنذار لا يعمل رغم انه يغلق الأبواب وخلافه بكفاءة لكن بدون صوت ,, فما السبب ياترى
وانا ذهبت للكهربائى وسألته ورد مباشرة كأنه عيب معروف وقال لى ان الإنذار صوته سيعود بعد 3 ايام بعد ذهاب البخار من عليه لأن ذلك يحدث مع الإنذار اللى من بلاده ولكن صوت الإنذار لم يرجع فما الحل ياترى ؟؟ وأشكركم مقدما

رد: صوت الإنذار لا يعمل فى النيو اكسنت 2011
 

بص حضرتك هو المشكلة دي حصلت معاية ولما رحت الصيانة قالولي الاتي
اولا البطارية كانت ضعيفة
ثانيا داست علي الزرار الاخير اللي في المفتاح لمدة 30 ثانية ضغط متواصل بعدها اشتغل عادي بس دة محصلش معاها من اول مرة جربت بعد ما خلصت الصيانة عملتها واشتغل
(زي ما تكون بتعمل ريستارت للكمبيوتر)

رد: صوت الإنذار لا يعمل فى النيو اكسنت 2011
 

اشكرك د هبة على ردك وجارى تغيير البطارية رغم ان الإنذار يعمل بكفاءة واعتقد لو البطارية ضعيفة ما يعمل وساحاول اجرب حل ال 30 ثانية رغم اننى جربت بعض الحلول مثل هذا من بعض المنتديات وسأخبركم بالنتيجة

رد: صوت الإنذار لا يعمل فى النيو اكسنت 2011
 

والله جربت حل ال30 ثانية بس لم تحل المشكة وانا كنت فاكر ان حجر البطارية بالريموت مثل حجر بطارية الكمبيوتر طلع 3 احجار بطارية رفيعة جدا ياترى تتغير منين

رد: صوت الإنذار لا يعمل فى النيو اكسنت 2011
 

من عند بتاع الساعات وبعدين بعد ما تغيرها جرب تاني موضوع ال30 ثانية دة وجربة مش مرة واحدة ممكن مرتين بينهم فترة هو الريموت فيه 3 زراير دوس علي الزرار اللي بيقفل العربية اخر واحد

رد: صوت الإنذار لا يعمل فى النيو اكسنت 2011
 

وممكن كمان بتتغير من عند بتوع اكسسوارات العربيات

رد: صوت الإنذار لا يعمل فى النيو اكسنت 2011
 

السلام عليكم
كل عام وانتم بخير
على فكره موضوع عدم وجود صوت عند قفل او فتح العربيه دى خاصيه فى جهاز الانذار مش مشكله وتتحكم فيها بسهوله عن طريق الضغط المتواصل لمدة 30 ثانيه على مفتاح الفتح او مفتاح الغلق لارجاع الصوت وتكرار هذه العمليه عند كتم الصوت
بالنسبه لموضوع البطاريات ....لما بطارية الريموت تضعف مش هايشتغل خالص وتقدر تغير بطارياته من عند الساعاتى الواحده 5 جنيه يعنى كلهم ب15 جنيه وده اللى حصل معايا من شهر وكنت سألت فى التوكيل ومعندهمش تغيير للبطاريات الريموت.