opel astra 2001
 

عايز اعرف معلومات من اهل الخبرة عن اوبل استرا موديل 2001لانها بصراحة عجباني اووي وبفكر اشتريها وكنت عايز اعرف معلومات عن العربية دي من حيث الاداء الموتور التكييف الباور وكماليات والشكل وكل حاجة عن العربية دي وشكرا

رد: opel astra 2001
 

بص انا ححكيلك عن تجربه من خلال صاحب ليا
استراها من الزيرو و لسه معاهم لحد دلوقتي
العربيه 1200 سي سي
سحبها معقول و تقفيلها من جوه جيد جدا
بس مشكلتها نفس مشاكل الاوبل الصغير برضه
الحساسات بتاعتها بدأت تضرب واحد ورا التاني و غاليه
كمان سخنت منه مرتين و مره غير وش السلندر
هو بيتعامل معاها بمنتهي الغباء و برضه مستحملاه
بس قطع غيارها غاليه شويه.
و لحد انهارده لسه واقفه و ماسكه نفسها و شكلها كويس

رد: opel astra 2001
 

يعني العربية من الاخر تعبانة ولا ايه يا استاذ حازم انا كنت بفكر في بيجو 206 وبعد كده العربية دي شفتها وعجبتني ولقيتها اكبر وتمشي شبابي وعائلي اكتر وتتظبط جامد فتقريبا غيرت رأيي عن 206 فأنت رأيك ايه فيها بصراحة واكيد كل العربيات ليها عيوب وكل حسب اهتمامه واستعماله

رد: opel astra 2001
 

وايه رأيك في تكييفها والبور بتاعها وهل هي كاملة يعني زجاج كهرباء 4 ومرايات كهرباء ولا ايه وشكرا ليك جدا

رد: opel astra 2001
 

عن تجربه شخصيه لمده عام 00
سياره جيده جدا وثابته وسحبها ممتاز
اعطالها قليله
قطع غياره غاليه
التكييف معقول وان كان ضعيف
لها وزنها على الطريق
الموتور 1200 يعنى عاوز عقل شويه
الصالون واسع ومريح

رد: opel astra 2001
 

بصراحه العربيه كمجمل معقوله لو تقدر علي قطع غيارها الغاليه شويه
تكييفها متوسط و اللي مع صاحبي اتنين زجاج كهرباء
بالنسبه لمقارنتها بال 206
فالاسترا فئه و ال 206 فئه تانيه خالص
بس اعتقد انه بالنسبه لقطع الغيار الاسترا حتبقي قطع غيارها اسهل و ارخص من ال206
و برضه شاور نفسك و شوف انت مرتاح لايه
و اهم حاحه الحاله اوعي تسترخص و تجيب عربيه متبهدله علشان سعرها حنين
لا ادفع ازيد 2000 او 3000 او حتي 5000 بس تركب عربيه بحالتها احسن ميت مره

رد: opel astra 2001
 

شكرا يا جماعة علي الردود الجميلة وتحية خاصة لاستاذ حازم خضر وياريت لو حد يعرف رنج السعر كام في السوق