صيانة وقطع غيار لاسيتي
 

اشتريت سيارة دايو لاسيتي 2009 وبها بعض المشاكل وذهبت بها لوكيل شيفروليه ولكنهم رفضوا إصلاحها بحجة عدم وجود الكمبيوتر الخاص بها . فهل يوجد مركز صيانة لهذه السيارة في القاهرة وهل قطع الغيار مثل فلتر الزيت متوفرة ام لا . برجاء المساعدة من أهل الخبرة ولكم جزيل الشكر *

رد: صيانة وقطع غيار لاسيتي
 

ان شاء الله العضو المحترم HaMaDa-ToUBaR يرد عليك لانة معاه لاسيتي وعلي ما اتذكر انة كان جاب البرنامج بتاعها

رد: صيانة وقطع غيار لاسيتي
 

متقلقش ياباشا وان شاء الله كل حاجة متوفرة وهقولك على اماكنهم بالضبط بس ياريت تعرفنى بس المشاكل الى عندك اية ... علشان متلفش كتير وان شاء الله كل حاجة هتكون حلها بسيط .. وانا معاك فى اى استفسار

رد: صيانة وقطع غيار لاسيتي
 

اشكركم يا جماعة على تعاونكم وردكم السريع . مشكلة السيارة ان فيه لمبتين في الطابلوه دائماً منورين لمبة ABS ولمبة الماكينة او الموتور فكنت عايز أتأكد هل فيه فعلا مشكلة ام لا وكيفية حلها ولكم جزيل الشكر

رد: صيانة وقطع غيار لاسيتي
 

انشاء الله الموضوع يطلع بسيط وربنا يحميهالك

خلاص يا باشا استاذنا ملك العربية هنا في المنتدي هيرد عليك وانشاء الله حلها بسيط

رد: صيانة وقطع غيار لاسيتي
 

حبيبى وصديقى المحترم .... انت الى استاذى طبعا وربنا يخليك ليا وميحرمنيش من كلامك الحلو دة ابدا

رد: صيانة وقطع غيار لاسيتي
 

العفو يا باشا واحنا هنا فى مصر موتورز كلنا اخوات وواحد

بالنسبة للمشكلة الى عندك لمبة ABS

دى معناها ان فى مشكلة فى الاية بى اس وهو فى الغال الحساس عاوز يتغير ودة هتجيبة من التوكيل بتاع شيفرولية كروز عادى جدا وثمنة 220 جنية وتركيبة سهل وبسيط ومهواش مشكلة

طيب دلوقتى العربية فيها 4 حساسات يعنى ( فى كل عجلة حساس) هتعرف منين الحساس المطلوب تغيرة .. عن طريق برنامج الكمبيوتر هيحددلك الحساس البايظ اية بالضبط ..

بالنسبة للمبة الاتشيك .. دى لازم تعمل تشيك ع الكمبيوتر علشان تشوف لو فى مشكلة فى حساسات تانية او ممكن تختفى بحل مشكلة الاية بى اس .

ملحوووووظة .. موضوع الحساس دة حصل عندى وعملت الى قولتلك علية بالضبط

البرنامج بتاع العربية متقلقش هو موجود بس هتتعب شوية ولو واحد مش عارف مكانة فين كلمنى وانا اقولة يوصلة ازاى عن طريق الجهاز .

وانا تحت امرك فى اى استفسار تانى فى اى وقت وان شاء الله تحل مشكلتك والموضوع ينتهى ع خير ......:01FDAB~189: