مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   Accent Verna RB اكسنت فيرنا (https://www.masrmotors.com/vb/forumdisplay.php?f=237)
-   -   استفسار عن ترشيح زيت خفيف (https://www.masrmotors.com/vb/showthread.php?t=71177)

hamadaginoo 03-11-2011 11:42 AM
استفسار عن ترشيح زيت خفيف
 
السلام عليكم ورحمة الله وبركاته وكل عام وانتم بخير بمناسبة عيد الاضحى المبارك

انا عندي سيارة فيرنا موديل 2006 - 1500 سي سي انا اشتريتها في شهر ديسمبر 2010 وهي ماشية وفقا للعداد 154000 كم عند شرائها ولما اشتريتها بصيت على الموتور مكنش فيه اي ترشيح زيت مش عارف بأه صاحبها كان غالبا غاسل الموتور المهم انا مشيت بها تقريبا 9 آلاف كم بس وما شاء الله موتورها كويس جدا وكبس الموتور الحمد لله تمام ومعنديش اي شكوى منه بس ملاحظ ترشيح زيت خفيف جدا على الموتور على الرغم ان الموتور ناعم جدا ومبسمعش اي صوت خشانة او اي زنه بس الترشيح ده معرفش ايه سببه وهل يقلق ام ده شيء عادي مع ملاحظة ان هذا الترشيح جي من من تحت ولا يوجد اي ترشيح اعلى الموتور ؟ افيدونا وجزاكم الله خيرا

memodina1 03-11-2011 07:38 PM
رد: استفسار عن ترشيح زيت خفيف
 
ترشيح فين من تحت عند الفتيس ولا الفرن ولا الماتور نفسة وهل فى نقط زيت بعد ما تركب الصبح بتلاقيها تحت العربية اتاكد من الاماكن لانها هتفرق اوى وان شاء الله خير

M.TONSY 03-11-2011 11:17 PM
رد: استفسار عن ترشيح زيت خفيف
 
انزل تحت العربية واعرف بالظبط الترشيح جاى منين
وهل الزيت بينقص منك لانه ممكن يطلع الموضوع بسيط ويكون اللى غيرلك الزيت والفلتر مربطش الطبة كويس وممكن يكون جوان الكرتيرة
فلازم تعرف بالظبط الترشيح جاى منين بالظبط :THE_PR~18:

M.TONSY 03-11-2011 11:19 PM
رد: استفسار عن ترشيح زيت خفيف
 
واهم حاجة تراقب مستوى الزيت عامل ايه لانه لو نقص ده خطر شديد على الموتور

hamadaginoo 04-11-2011 02:26 AM
رد: استفسار عن ترشيح زيت خفيف
 
اقتباس:
المشاركة الأصلية كتبت بواسطة hamadaginoo (المشاركة 545563)
السلام عليكم ورحمة الله وبركاته وكل عام وانتم بخير بمناسبة عيد الاضحى المبارك

انا عندي سيارة فيرنا موديل 2006 - 1500 سي سي انا اشتريتها في شهر ديسمبر 2010 وهي ماشية وفقا للعداد 154000 كم عند شرائها ولما اشتريتها بصيت على الموتور مكنش فيه اي ترشيح زيت مش عارف بأه صاحبها كان غالبا غاسل الموتور المهم انا مشيت بها تقريبا 9 آلاف كم بس وما شاء الله موتورها كويس جدا وكبس الموتور الحمد لله تمام ومعنديش اي شكوى منه بس ملاحظ ترشيح زيت خفيف جدا على الموتور على الرغم ان الموتور ناعم جدا ومبسمعش اي صوت خشانة او اي زنه بس الترشيح ده معرفش ايه سببه وهل يقلق ام ده شيء عادي مع ملاحظة ان هذا الترشيح جي من من تحت ولا يوجد اي ترشيح اعلى الموتور ؟ افيدونا وجزاكم الله خيرا
بخصوص ان العربية لا تنقط زيت مفيش اثار لاي نقط زيت اسفل الموتور ومستوى الزيت لا ينقص كل ما في الامر ان في ترشيح زيت خفيف على الموتور نفسه من عند المسامير اللي رابطة وش الموتور بس كده ارجو الافاده

احمد على 1999 04-11-2011 06:27 AM
رد: استفسار عن ترشيح زيت خفيف
 
وش الماتور ؟
ده فوق !!
طالما الزيت مبينقصش يبقى عادى معظم العربيات كده
لو من غطا التاكيهات و عايز تعالجعه حيبقى بتغيير جوان غطا التاكيهات و ده رخيص و مبيخدش وقت و ممكن تحط معاه سيلكون حرارى رمادى امريكانى لمنع الترشيح نهائيا

hamadaginoo 05-11-2011 12:41 AM
رد: استفسار عن ترشيح زيت خفيف
 
اقتباس:
المشاركة الأصلية كتبت بواسطة احمد على 1999 (المشاركة 546191)
وش الماتور ؟
ده فوق !!
طالما الزيت مبينقصش يبقى عادى معظم العربيات كده
لو من غطا التاكيهات و عايز تعالجعه حيبقى بتغيير جوان غطا التاكيهات و ده رخيص و مبيخدش وقت و ممكن تحط معاه سيلكون حرارى رمادى امريكانى لمنع الترشيح نهائيا
شكرا لجميع الاعضاء المحترمين الذين قاموا بالرد على الاستفسار عن ترشيح الزيت وانا رحت انهاده عند الميكانيكي اللي انا بتعامل معه وبالفعل طلع شيء عادي وقالي فعلا الميكانيكي ان جوان غطاء التاكيهات عايز يتغير فاشتريته مع سيلكون رمادي امريكي وقمت بتغيير الجوان وان شاء الله هيمنع الترشيح الخفيف وجزاكم الله خيرا على الافادة


الساعة الآن 01:34 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017