مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - بخصوص صاج BYD f3 (https://www.masrmotors.com/vb/showthread.php?t=70955)

بخصوص صاج BYD f3

مساء الخير عليكم
هذه اول مشاركة لى بالمنتدى واريد ان اسال عن صاج الــ BYD f3
هل ورق ولا كويس ؟
لان في عربيات تيجى تسند عليها تلاقى الصاج اتنى وحالته مش ولابد

ومعلش انا اسف السؤال التانى هل فعلا سوست السيارة دى ردئية ؟ ولازم اغيرها ببتوع التيوتا كرولا ؟

رد: بخصوص صاج BYD f3

73 مشاهدة ولا رد واحد

رد: بخصوص صاج BYD f3

حد يكون مجرب ياريت يقول رأيه

رد: بخصوص صاج BYD f3

اولا السلام عليكم ورحمه الله وبركاته

انا كنت من اشد المعجبين للعربيه في الاول لكن وبعدين طلع فيها مشاكل ملهاش اول من اخر وامشي معايا واحده واحده ولو حد معندوش العيوب ديه يرد :-

1- العربيه صاجها اخف منما يمكن يعني لو خبط في عجله الصاج هيطبق ولو حد سند عليها الصاج هيطبق ومع اول شهر هتلاقي الصاج عمل نقر كتير واضعف حاجه فيها الابواب .

2- العربيه الفتيس بتاعها خشن كأنك راكب عربيه شاهين واسوأ واتحدى اي واحد يقدر ينقل من الثاني للأول وهو ماشي لازم تقف تماما علشان تجيب الغيار والفتيس وانتا بتنقل تحس انو فيه تروس بتتكسر .

3- بالنسبه لمشكله التيل كل ما هدوس فرامل على البطىء هتسمع صفاره عاليه وحتى لو غيرتو في التوكيل او بره هتلاقي نفس المشكله وكل الناس بتشتكي من العيب ده .

4- العربيه في المطبات ناشفه والمساعدين بتوع العربيه اسوأ منما يمكن واللي مش مصدق روح كده عند شنطه العربيه واضغط بأيدك هتسمع صوت تزيق ورزع .

5- وانتا ماشي براحه على الغيار الاول والثاني هتسمع صوت ونه بروح مع الفرامل .

6- صوت الماتور بعد 100كم عالي جدا جدا جدا .

7- استهلاك البنزين عالي يعني الصفيحه هتعمل 350-370 كم

8- دريكسيون العربيه سعات بيكون خفيف وسعات بيكون تقيل جدا .

غير كده والاهم تقفيل العربيه ردىء وتحس انو معمول عند توكيل بليه
والعربيه بيبان عليها الاهلاك بسرعه وسعرها لو هتبيعها مستعمل بيخسر حوالي 15000 جنيه
وربنا يستر عليا وعلى اللي راكبها

رد: بخصوص صاج BYD f3

1- العربيه صاجها اخف منما يمكن يعني لو خبط في عجله الصاج هيطبق ولو حد سند عليها الصاج هيطبق ومع اول شهر هتلاقي الصاج عمل نقر كتير واضعف حاجه فيها الابواب .
( صاج العربية زى اغلب السيارة الحديثة خفيف ولكن ليس اقل من اى سيارة اخرى )
2- العربيه الفتيس بتاعها خشن كأنك راكب عربيه شاهين واسوأ واتحدى اي واحد يقدر ينقل من الثاني للأول وهو ماشي لازم تقف تماما علشان تجيب الغيار والفتيس وانتا بتنقل تحس انو فيه تروس بتتكسر .

3- بالنسبه لمشكله التيل كل ما هدوس فرامل على البطىء هتسمع صفاره عاليه وحتى لو غيرتو في التوكيل او بره هتلاقي نفس المشكله وكل الناس بتشتكي من العيب ده .
[COLOR="rgb(0, 255, 255)"]( التيل فعلا كان بيسفر لكن فى صيانة 1000 كم تم تغير التيل ويعمل جيدا بدون اى تصفير )[/COLOR]
4- العربيه في المطبات ناشفه والمساعدين بتوع العربيه اسوأ منما يمكن واللي مش مصدق روح كده عند شنطه العربيه واضغط بأيدك هتسمع صوت تزيق ورزع .
[COLOR="rgb(0, 255, 255)"]( مساعدين السيارة جيدة وهى ليسة خفيفة وليست ناشفة )[/COLOR]
5- وانتا ماشي براحه على الغيار الاول والثاني هتسمع صوت ونه بروح مع الفرامل .
[COLOR="rgb(0, 255, 255)"]( صوت الموتور عادى جدا )[/COLOR]
6- صوت الماتور بعد 100كم عالي جدا جدا جدا .
[COLOR="rgb(0, 255, 255)"]( صوت الموتور بعد 100 كم عالى طبيعى وليس كام تقول جدا جدا ولكن علو مقبول واعتقد انه ده عادى خاصة انه ثابت ولا يتغير حتى 140كم و 160كم ) مع ثبات السيارة [/COLOR]
7- استهلاك البنزين عالي يعني الصفيحه هتعمل 350-370 كم
[COLOR="rgb(0, 255, 255)"]استهلاك البنزبن متذبذب ويتوقف على طريقة السواقة والظروف المحيطه وتشغيل التكيف
ولا اعرف اذا كان معدل 350-370 معدل معقول ام لا [/COLOR]
8- دريكسيون العربيه سعات بيكون خفيف وسعات بيكون تقيل جدا .
[COLOR="rgb(0, 255, 255)"]( هذا غير حقيقى بالمرة ولا يوجد احد اشتكى منه ) [/COLOR]

السيارة فى المجمل جيدة
وفى راى المشاكل الموجوده بها ليست عيوب فنية تؤخذ عليها ولكن عيوب مكن معالجتها
وهذا راى الشخصى

رد: بخصوص صاج BYD f3

اقتباس:

المشاركة الأصلية كتبت بواسطة ahmed zohier (المشاركة 544849)

اولا السلام عليكم ورحمه الله وبركاته

1- العربيه صاجها اخف منما يمكن يعني لو خبط في عجله الصاج هيطبق ولو حد سند عليها الصاج هيطبق ومع اول شهر هتلاقي الصاج عمل نقر كتير واضعف حاجه فيها الابواب .
غير صحيح بالمرة . نظرا لجسم السيارة الانسيابى بدون تعريجات لحد ما يظهر بها العيوب ولكن الصاج فى نفس مستوى جميع السيارات الحديثه عدا الاوربى

2- العربيه الفتيس بتاعها خشن كأنك راكب عربيه شاهين واسوأ واتحدى اي واحد يقدر ينقل من الثاني للأول وهو ماشي لازم تقف تماما علشان تجيب الغيار والفتيس وانتا بتنقل تحس انو فيه تروس بتتكسر .
لم الاحظ ذلك مطلقا والفتيس فى نقلاته سلس جدا . المهم ان تنتظر الى ان يثبت الغيار فى مكانه.

3- بالنسبه لمشكله التيل كل ما هدوس فرامل على البطىء هتسمع صفاره عاليه وحتى لو غيرتو في التوكيل او بره هتلاقي نفس المشكله وكل الناس بتشتكي من العيب ده .

قد يكون ولكن تجربتى ان التيل بدأ فى التصفير خلال الـ 200 كم الاولى ثم انقطع الصوت تماما عقب ذلك
4- العربيه في المطبات ناشفه والمساعدين بتوع العربيه اسوأ منما يمكن واللي مش مصدق روح كده عند شنطه العربيه واضغط بأيدك هتسمع صوت تزيق ورزع .

اجمل فى السيارة العفشه اجمالا
5- وانتا ماشي براحه على الغيار الاول والثاني هتسمع صوت ونه بروح مع الفرامل .
!!!!!!!!!!!!!!!!!!!!!!!!! !!!!

6- صوت الماتور بعد 100كم عالي جدا جدا جدا .
الصوت عالى فعلا بعد الـ 100 كم ولكنه ثابت حتى الـ 140

7- استهلاك البنزين عالي يعني الصفيحه هتعمل 350-370 كم

اذا كان استهلاك البنزين كما ذكرت فهذا يعتبر اقل معدل استهلاك بنزين لسيارة 1600 فى مصر
8- دريكسيون العربيه سعات بيكون خفيف وسعات بيكون تقيل جدا .
!!!!!!!!!!!!!!!!!!!

الاستاذ الفاضل / احمد
بعد التحيه

رد: بخصوص صاج BYD f3

والله يا جماعه انتوا كده بتجاملوا او بتضحكوا على نفسوكوا او لسه جايبين العربيه