الحقوا هيونداى النترا 2012 الشكل الجديد بمواصفات اوربية
 

السلام عليكم ورحمة الله وبركاته
اولا هذه اول مره اشترك فى منتدى بس بجد لاقيته كويس جدا وكمان الاعضاء اللى فيه حسيت انهم اخوات وبيفيدوا بعض
ثانيا للاهتمامى بشراء هيونداى الشكل الجديد فاانا لاقيت معرض فى مدينة نصر عنده هيونداى النترا 2012 بمواصفات اوربية بس المشكله اللى فيها انا بتسجل فى الرخصه انها 2011 انا مش مصدق ان العربيه دى موجوده فى مصر فا عايز اعرف رأئيكم فيها وهل اقدر انى ادخلها وكيل ولا لا لانى سمعت فى اختبار بيعملوه فى الوكيل ولو عدت الاختبار بدفع 2000 جنيه وبتبقى بالضمان ارجوا الافاده يا أهل الخبرة
مواصفاتها كالاتى :

1600سى سى 140 حصان GDI
موديل 2011
السعر 130000
اوتوماتيك
تكيف
باور ستيرنج
4 زجاج كهرباء
ريموت كونترول
جنط 15
غمازات فى المرايات
طارة متعددة الوظائف
التحكم فى مستوى ضوء التابلوه
التحكم فى مستوى ضوءالامامى للسياره
مواصفات اوربية
حساس خلفى
بلوتوث
6 ايرباج
راديو سى دى اصلى
مفتاح ريموت
فرامل EBD ,ABS

رد: الحقوا هيونداى النترا 2012 الشكل الجديد بمواصفات اوربية
 

نقطه الوكيل دى مش عارفها بصراحه لكن انا كنت عاوز اسئلك عن حاجه ليه العربيه موديل 2012 و تسجل 2011 و حاجه كمان ايه الزياده بينها و بين الوكيل

رد: الحقوا هيونداى النترا 2012 الشكل الجديد بمواصفات اوربية
 

لانها بره مصر تاريخ صنعها 2011 مش 2012 زى مابيوقولوا فى مصر الاختلاف مابينا وبين الوكيل
الموتور GDI قوته 140 حصان ودى مش نازله اصلا فى الوكيل وكمان 6 ايرباج اختلاف جامد جدا

رد: الحقوا هيونداى النترا 2012 الشكل الجديد بمواصفات اوربية
 

ايوه تمام لا تستاهل
و ربنا يوفق حضرتك لما فيه الخير :Bravo::14FEAD~151:

رد: الحقوا هيونداى النترا 2012 الشكل الجديد بمواصفات اوربية
 

الموتور صعب تلاقيله قطع غيار لأنه ما نزلش التوكيل
و gdi بيحتاج بنزين 95
و عدد الأيرباج مش هو اللى يغوض المسائل دية +الضمان و الترخيص القديم
نرجو ان نكون قد أفدناكم

رد: الحقوا هيونداى النترا 2012 الشكل الجديد بمواصفات اوربية
 

بص انا متفق معاك تمام ان هى احسن من الى موجود هنا مليون مرة حتى ولو كانت نفس المواصفات كفاية انها وارد اوروبا ودى لوحدها بتفرق جامد وعن تجربة

بس فعلا قطع غيار الموتور عندك هتختلف عن الى هنا ويوم ما هتتزنق فى حاجة هتكلم الوكيل وهيجبهالك بس باسعار عالية وهتعد فترة لحد ما يجبهالك من برة المحرك الى عندك نوعية جاما وهو محرك ممتاز ع عكس المحرك الى بينزل عندنا هنا

موضوع الترخيص دة متقلقش منة ومش هيفرق فى حاجة

شوف نفسك انت بقى لو هتقدر تستحمل موضوع قطع الغيار دة ولا لاء

رد: الحقوا هيونداى النترا 2012 الشكل الجديد بمواصفات اوربية
 

رأيي الشخصي , اني سمعت ان الموتور ده بيحتاج بنزين 95 فما فوق , وده كان السبب انه منزلش في مصر , بس انا مش عارف قطع غيار ايه اللي الماتور هيحتاجها يعني في عربية زيرو ؟ مش المفروض عربية زي دي تقعد لها 10 ولا 15 سنة متفتحش كبوتها بفرض الاستخدام النضيف ؟؟؟ يعني الكريستالة مثلا اجدع منها ؟؟؟
انا رأيي ان العقبة الوحيدة اللي بتواجهك البنزين , اسأل في الحتة دي , مع العلم ان عربيات بمحركات تقليدية زي اللانسر والكورولا مثلا مكتوب على التانك بتاعها 95 + اوكتان , وبيتحطلها 90 و80 كمان ومبتقولش لأ ....كلام كل الناس على عيني وعلى راسي بس ده رأيي