|
رجاء من الإدارة إيقاف حسابى
وصلتنى من فترة رسالة خاصة من ألستاذ / مدير الموقع ، رسالة تنبيه بعدم التعرض لثورة 25 يناير أو الثوار و عدم الإساءة للثورة و الثوار و الا سيتم ايقاف حسابى ، أنا حاولت بصراحة ايقاف الحساب بس معرفتش ، يا ريت بقى الإدارة توقف حسابى لعدة أسباب الأول : أن ما شهدته مصر فى شهر يناير لم يكن ثورة بل كان مجرد احتجاجات أدت إلى تنحى رئيس الجمهورية و تفويضه المجلس الأعلى للقوات المسلحة لإدارة شئون البلاد . ثانياً : الثورة هى تغيير الأنظمة السياسية و الإقتصادية فى الدولة و هو ما لم يحدث ، بل لا تزال الشرعية قائمة و لم تسقط باحتجاجات 25 يناير لأن التسلسل القانونى للأحداث مؤداه أن الشرعية لا تزال قائمة و انها انتقلت من رئيس الجمهورية إلى المجلس الأعلى للقوات المسلحة بموجب قرارى التنحى و التفويض ثالثاً : أنا لم أقم بالإساءة لا للحركة الإحتجاجية ولا للمحتجين بل عرضت الأمور من منظور واقعى مؤيداً هذا العرض بالأدلة التى كانت جميعها صادرة ممن تزعموا الإحتجاجات رابعاً : الموضوع كله تم طرحه من قبل أحد الأعضاء بعنوان : بصراحة هل تحب مبارك ، و لم أكن أنا صاحب الموضوع من الأساس . و أخيراً : الحب و الكره كتقييم للرؤساء غير موجود إلا فى مجتمعاتنا و أنا قلت يجب التقييم الموضوعى ما الإنجازات و ما الإخفاقات . أتمنى من الإدارة إيقاف الحساب |
رد: رجاء من الإدارة إيقاف حسابى
:090104~384:
|
رد: رجاء من الإدارة إيقاف حسابى
هما الجماعة بتوع 25 يناير ممنوع حد يتكلم عليهم والا اية ؟؟؟؟؟؟
امال فين الديموقراطية اللى بيقولو عليها دى ؟؟؟؟؟؟؟ :sd: |
رد: رجاء من الإدارة إيقاف حسابى
فعلا يجب ان تكون هناك مساحة لجميع الاراء الراى والراى الاخر
|
رد: رجاء من الإدارة إيقاف حسابى
لو كانت الثورة اتعملت من اجل اسقاط النظام الفاسد ومحاسبته فانا من مؤيدى الثورة وان كانت الثورة اتخذت من فساد النظام القديم حجه لقيام ثورة ضده لاسقاطه وتسليم مصر الى عميل بدلآ منه فانا لا أويد الثورة
|
رد: رجاء من الإدارة إيقاف حسابى
استاذى الفاضل كلام حضرتك مهذب وموضوعى ويسعدنى انى اتناقش معاك
بس انا مش عارف اتناقش معاك فى اللى حضرتك ذكرته بخصوص الثورة ورايك فيها - وهو راى يحترم بلاشك ولا نتكلم فى غلق الحساب ؟ عموماً انا بأكد لحضرتك ان مساحة الحوار فى مصر موتورز تتسع لجميع الاراء وبنتناقش طول عمرنا فى كل حاجة وكتير اتناقشنا فى موضوعات خلافيه حساسة وغالباً ما كانت مناقشات اعضائنا مثالاً تحتذية المواقع الاخرى فى اسلوب الحوار ومستواه ومضمونة فممكن حضرتك بس تكون استخدمت الفاظ او اسلوب عنيف بزيادة وده اللى دفع مدير الموقع لتنبيهك على الخاص والتنبية على الخاص بالمناسبة اسلوب حضارى تتبعة الادارة للتواصل مع الاعضاء فيه ادارات تانية بتحذف ومبتتناقشش حتى ويمكن حضرتك اعتبرت الرسالة الخاصة نوع من التهديد او الامر فى حين ان الادارة دائما بتتعامل فى كل حاجة بالتفاهم والنقاش وعليه فحضرتك اذا حبيت ترد على الرسالة وتناقش المرسل وتعرف اسبابة او زى ما حضرتك عملت تفتح الموضوع على العام للنقاش او حتى تعمل شكوى اما لو حضرتك عايز متشاركش تانى فالموضوع بسيط خالص .. متدخلش على الموقع تانى |
رد: رجاء من الإدارة إيقاف حسابى
الأستاذ المحترم / أبو نورا ، عدم المشاركة فى المنتدى دا شئ مؤكد ، لكن كان لازم يتم طرح الموضوع على العام ، علشان يتضح أنه موضوع حرية الرأى و التعبير و الكلام دا وهم ، و الدليل أنه لا يمكن تطبيقه فى منتدى للسيارات حفاظاً على قواعد و شروط المنتدى فمن المؤكد انه لا يمكن تطبيقه فى دولة تعدادها جاوز 80 مليون حفاظاً على نظام الدولة
|
| الساعة الآن 11:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017