ايه الفرق بين (فيورا-نصر-توب-المانى-ايطالى) فى 127...؟؟؟؟
 

السلام عليكم اخوانى الافاضل
انا سمعت كتير عن عربيات 127 بموديلات ومسميات مختلفة منها 2 باب (سبور) ومنها 4 باب عادية .... منها 900 سى سى ومنها 1050 سى سى ومنها اقوى ومنها الضعيف
ياريت حد مخضرم مع 127 خصوصا يفيدنى بالفرق بين الموديلات والمسميات دى وايه افضليتهم بالترتيب (لو امكن) وايه انسب المواتير اللى ممكن تتسقط فى نفس الحوض بدون تعديلات او بتعديلات وايه موضوع الموتور ابو فيتيس واللى من غير فتيس واللى بيركب على نفس الفتيس القديم واللى ماينفعش يركب ..... الخ
شوفت موضوعات وصور كتير للـ 127 عموما وام 2 باب خصوصا وعجبنى جدا فكرة قابليتها للتعديل الجوهرى ده غير التعديل الشكلى
اتمنى الاقى تفاصيل توضحلى اه نسيت .. ازاى افرق بيت الموديلات دى كلها عن بعضها بمجرد النظر كده (من الشكل يعنى)...
والف شكر لكم جميعا:fun_36_1_47[1]:

رد: ايه الفرق بين (فيورا-نصر-توب-المانى-ايطالى) فى 127...؟؟؟؟
 

عملت الموضوع فى قسم الفيات ....
ووضحت العنوان جدا
ومافيش ولا كلمة ..... يعنى ماحدش عارف الفرق؟؟؟

رد: ايه الفرق بين (فيورا-نصر-توب-المانى-ايطالى) فى 127...؟؟؟؟
 

من واقع خبرة مش كبيرة في موضوع ال 127

127 فيات 4 باب : 900CC تتميز بكابوت مستوي وفوانيس امامية كبيرة وتابلوه فقير نوعا - التقييم متوسط
127 سيات 4 باب : 900CC فيورا تتميز بكابوت فية بومبية بسوكة من الكنتصف وفوانيس امامية صغيرة - التقييم متوسط
127 توب 2باب : ودي فيها 1050CC , 900CC عربية كويسة وماسكة نفسها عن ال 4 باب بس عيبها صغر حجمها وفي منها الماني ودا ممكن يتظبط ويتروش وبيبان فية الشغل وفية منها ايطالي مش وحش بس شكلة قديم شوية - التقييم جيد

عموما اي ماتور سواء كان 900 او 1050 يركب علي نفس الحوض والقواعد بتاعة اي نوع وفية منة فيتيس 4 سرعات ودا غالبا بيبقي في ال 900 وفية منة 5 سرعات ودا غالبا بيبقي في 1050

بس خلي بالك ان سعر الصاج في ال 127 اغلي من 128 بكتير بس لما ال 127 بتتظبط بتبان احسن من 128

ارجو اني اكون افادتك ولو فية اي استفسار تاني انا تحت امرك

رد: ايه الفرق بين (فيورا-نصر-توب-المانى-ايطالى) فى 127...؟؟؟؟
 

Fiat 127

http://static.cargurus.com/images/si...pic-40729.jpeg

Seat 127

http://upload.wikimedia.org/wikipedi...127_evo%29.jpg

رد: ايه الفرق بين (فيورا-نصر-توب-المانى-ايطالى) فى 127...؟؟؟؟
 

مش عارف اقول لحضرتك ايه على الرد اولا والتوضيح ثانيا الف الف الف شكر
الصورتين اللى حضرتك حاتطهم مافيش فرق بينهم غير الابواب وشكل الكبوت لكن ازاى زاحدة فيات والتانية سيات؟؟؟؟ مش دى شركة ودى شركة؟؟
وعلى حسب مافهمت ان مسمى التوب يطلق على 2 باب فقط صح كده ولا لأ؟
طيب ايه موضوع النصر ده لانى بشوف منها عليها علامة نصر بالعربى او الانجليزى وكمان 127 بالعربى والانجليزى...
ايه فكرة ان الصاج فى 127 اغلى منه فى 128 ؟؟؟؟ ليه؟
هل مثلا فى موديلات فى سنوات معينة لها مواصفات واسم معين ومع مرور الوقت (سنوات اخرى) تم ايقاف الانتاج القديم وبدأ انتاج اخر بمواصفات ومسميات جديدة؟؟؟
معلش انا عارف انى مش قادر اوصل لك اللى فى دماغى بس بحاول اربط المعلومات ببعضها
ومشكور مره تانية

رد: ايه الفرق بين (فيورا-نصر-توب-المانى-ايطالى) فى 127...؟؟؟؟
 

يا باشا انا تحت امرك

اولا النصر عموما كان بينزل 4 باب سواء كان فيات او سيات وال 2 باب عموما فيات ايطالي او الماني

ثانيا اوقات كتير كانت شركة الفيات (الايطالية) والسيات (الاسبانية) بينزلو نفس اسم الموديل وبيبقي قريب من الشكل مع شوية تغييرات بسيطة بس نفس الماتور والعفشة علي سبيل المثال فيات 124 وسيات 124

ثالثا فعلا التوب بيطلق علي ال 2 باب فقط

رابعا الصاج اغلي في ال 127 عن ال 128 مش عشان احسن بس عشان مش موجود زي ال 128 وساعات بيبقي نادر

وبالنسب للموديلات علي ما اتذكر انها ابتدت من 79 لغاية 86 واللي كان اسمها سوبر فيورا ودي برضة كانت نصر

رد: ايه الفرق بين (فيورا-نصر-توب-المانى-ايطالى) فى 127...؟؟؟؟
 

بص انا اقدر اتكلم علي الفيورا لانها عربيتي
بص اولاهي اربعه باب هتش باك فيها 5 سرعات مبتسحبش بنزين خالص
وب 20 جنيه يفولوها
قطع غيارها رخيصه
الفرق بينها وبين اللي مش فيورا ان فيها خامس
هي 900 سي سي
عضمها ناشف اوي ومتتاثرش بالخبطات
تقريبا كده ماشي بدبابه
عيوبها ان صالونها مش واسع
والكانبه الخلفيه تاخد 3 بس هيبقوا مزنقين في بعض
بس بتشيل يعني احنا سفرن بيها من بنها الي المطار 5 ركاب و4 شنط علي الشبكه واكياس كتير اوي في الشنطه وكانت حلوه اوي علي السريع
وبتاخد المطبات عادي اوي ولا كان فيها حاجه
ومن عيوبها كمان انها لما بتفتح بقها بتصرف كتير
وكمان نور الكشافات بتاعها ضعيف مهما تعمل في ايه
وفي الفتيس بتاعها تقيل غيرتوا وبرضوا الاول بيجي بالعافيه عايزتجيب التاني الاول وبعدين تجيب الاول
والمرشدير بيجي بصعوبه شويا علشان السسته يعين اللي مش متعود عليها مش بيعرف يجبها
ياريت اكون عرفت افيدك في الفيورا :balloons71: