|
طلب بخصوص مصطلحات اجزاء السياره بلغة الصنايعيه
السلام عليكم
الحمد لله بفضل الله ووجود المنتدي تكونت عندي فكره عن السيارات الي حد ما واستفدت كتير من موضوع الاستاذ حسام البورسعيدي بخصوص اجزاء السياره لكن تبقي بعض المصطلحات التي لا افهمها عند التحدث عن اجزاء السياره بلغة الصنايعيه فارجو من الاعضاء سواء في هذا الموضوع او بعمل موضوع مستقل يبين هذه الاجزاء لاني كتير بسمع عند الميكانيكي وهنا في المنتدي اجزاء مش فاهمها مثل صدر العربيه__الشنب _العتب _البلوكات __وش التاكيهات___قاعدة الشاسيه((مثلا الشاسيه فتح)) الشدادات القنطره __المقصات_____العضلات البوبينه_______سبويلر او اي مصطلح اخر حضراتكم شايفينه شائع ويا سلام لو صورة لكل جزء حيكون موضوع مفيد لكل الاعضاء الجدد شكرا |
رد: طلب بخصوص مصطلحات اجزاء السياره بلغة الصنايعيه
متابع:286::286:
|
رد: طلب بخصوص مصطلحات اجزاء السياره بلغة الصنايعيه
امممممممممممممممممممممممم ممممممممممم
|
رد: طلب بخصوص مصطلحات اجزاء السياره بلغة الصنايعيه
انا متابع برضة وبجد لازم نعرف الاسماء دى
|
رد: طلب بخصوص مصطلحات اجزاء السياره بلغة الصنايعيه
نسيت أهم حاجة :
الميكانيكية ما بيقولوش لتر بنزين بيقولوا: رتل بالظبط زي جدتي ما بتقولش ينسون بتقول: ليسون |
رد: طلب بخصوص مصطلحات اجزاء السياره بلغة الصنايعيه
طب ايه يا شباب الموضوع محلوقله ليه كده مش عوايد المنتدي
نقضيها شات وخلاص |
رد: طلب بخصوص مصطلحات اجزاء السياره بلغة الصنايعيه
اقتباس:
بس انت قولت عايز صور وكنت هصورلك عربيه بحالها واوريك ماشي المسميات دي نمشيها ساده الياتير : الرادياتير العفشه : كل الاجزاء اللي تحت في العربيه وهيا الكبالن والمقصات والجلب وش السرندل : اللي هوا بالصدفه وش السلندر صدر العربيه : اللي هوا يا سيدي قدام الرادياتير علطول المنافو : ده مكان دخول الهوا للسلندرات الفرن : ده مكان خروج العادم من المكنه اللي هيا الماسوره اللي دايما مولعه وسخنه الطرمبه : طلمبة الميه التيش : ده اللي بيوصل من الفرده الشمال لليمين قدام الفارغه : اللي هياالبلوك او جسم الموتور من غير وش السلندر غطا التاكيهات : هوا الغطا اللي فوق الموتور فوق وش السلندر وفيه فتحه تحط منهاالزيت لما بتغيره الفنتر : الفلتر دول مؤقتا على ما شوفلك شويه تانيين |
| الساعة الآن 05:01 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017