طلب مساعدة من الأعضاء لدراسة مشروع car care
 

السلام عليكم
بدون مقدمات ....
أنا طقت في دماغي مشروع ال car care من كام يوم كدة
و كنت عايز اخد رأيكم في الموضوع دة
ما جدوى عمله الان ؟؟
و ماهي التكلفة المبدئية ؟؟
و ما هي المعدات اللازمة ( في البداية ) لكل يبدأ هذا المشروع ؟؟
.....
يار ريت اللي عنده معلومة لا يبخل بها علي
SLAM

رد: طلب مساعدة من الأعضاء لدراسة مشروع car care
 

بص أنا نش بحبط حضرتك ولا حاجة بس حضرتك يا تعمله على مستوى عالي أوى يا بلاش لأن كان لي معاه تجربة مريرة :01AD96~139: بس الحمد لله بس هى تتلخص فى أنه هناك مرتب ثابت ل 2 أو 3 موظف وإيجار ومياء وكهرباء ومصاريف نثرية كانت أحيانا بتعدي شهور مبدفعها من جيبى وطبعا كنت بنام مديون :pty: وشهور تانية بتمشى كويس جدا بص هو بإختصار أنت متضمانش إن كل يوم الناس هتغسل عربياتها عندك لأ دى مواسم يعنى أيام الجمع بتدخل يمكن تلات تربع الدخل قى الشهر وأيام الأعياد والأجازات الرسمية بتدخل أضعاف مضاعفة عن بقية السنة بس لما تيجى تحسبا تلاقيها مش جايبة همها دى وجهة نظرى وتجربتى اامتواضعة يمكن غيرى يكون عنده تجربة أحسن وهى عموما فى الأخر أرزاق تقبل تحياتى:fun_36_3_9[1]:

رد: طلب مساعدة من الأعضاء لدراسة مشروع car care
 

جزاك الله خيرا
بس إيه أخبار التكلفة المبدئية ؟؟؟

طلب مساعدة من الأعضاء لدراسة مشروع car care
 

[QUOTE=alymonir;537783]السلام عليكم
بدون مقدمات ....
أنا طقت في دماغي مشروع ال car care من كام يوم كدة
و كنت عايز اخد رأيكم في الموضوع دة
ما جدوى عمله الان ؟؟
و ماهي التكلفة المبدئية ؟؟
و ما هي المعدات اللازمة ( في البداية ) لكل يبدأ هذا المشروع ؟؟
.....
يار ريت اللي عنده معلومة لا يبخل بها علي
SLAMhttp://masrmotors.com/vb/images/icons/b9.gifشركتين محترمين جدا الاولى اسمها الشركه الدوليه للمعدات الصناعيه ودى عنونها 53 شارع الجمهوريه امام المستشفى الانجيلى ورقم تليفون المدير المسئول 01225296506 واسمه على المصرى وايميله eldawlya2011@hotmail.com
والشركه التانيه اسمها مركز خدمه معدات السيارات وعنونها 55 شارع الجمهوريه امام البنك العربى ورقم تليفون الشركه 25937296
وايميل الشركه gec_eg@yahoo.com

http://masrmotors.com/vb/images/icons/b9.gif
مشروع مغسله السيارات مشروع مش عاوز خبره جامده وتكاليفه مش كتيره يعنى ممكن 25 الف جنيه تكون بدايه ممتازه
عشان تفتح مغسله سيارات هتكون محتاج
اولا مكان يكون مناسب وكبير على الاقل 4 مترعرض فى 6 متر طول وتكون مجهزه يعنى هتركب شبكه مواسير او زى مابيسموها (بطاريه) عشان المعدات تبقى بعيده عن الميه وهتعمل الحيطان كلها سيراميك والارضيه يفضل انه تكون بلاط مزايكو عشان يستحمل وتعمل فى الارضيه شبكه صرف عشان الميه الموضوع ده كله مش هيتكلف 5000 جنيه
ثانيا المعدات
هتحتاج اربع معدات اساسيه عشان تبداء بيها المشروع
وهيا
1- كمبرسر هوا 200 لتر وده سعره 3850 جنيه وده ايطالى و 3 حصان و 3 مخرج يعنى احسن حاجه وبتاع شغل
ودى صورته
http://a7lashare.com//uploads/images...ce973a3fba.jpg

2- طلمبه غسيل ودى وظيفتها انها بتدى قوه دفع للميه رهيبه عشان تزيل اى اوساخ او طين ودى سعرها 4850
دى تقفيل ايطالى ودى صورتها
http://a7lashare.com//uploads/images...971971be73.jpg
وفيه منها تقفيل مصرى ودى بصراحه فى ناس فضلتها لى عشان سهله الصيانه وبتتكون من موتور بلغارى وطلمبه ايطالى وشكلها بسيط جدا وسعرها 4100 جنيه
3-ماكينه الفوم ودى فيه منها المستورد والمحلى بس المحلى افضل واتقل انا شوفت الاتنين ووزن المستورده لا يتعدى ربع وزن المحلى والمحلى مكونتها ايطالى و120 لتر اما المستورده فاصينى و80 لتر وسعر المكنه المصرى عامل 1200 جنيه
وفيه مسدس فوم صغير سعره 650 جنيه ميزته انه بدى رغوه عاليه اوى زى كريم الحلاقه كدا بس عيبه التنك بتاعه صغير جدا يعنى فى حدود لتر لتر ونص هتلاقوه فى الصوره جمب مكنه الفوم
http://a7lashare.com//uploads/images...885e56a9ac.jpg
4-مكنسه شفط اتربه وسوائل 3 موتور ايطالى ودى سعرها 2850 جنيه ودى صورتها
http://a7lashare.com//uploads/images...801c2a36ac.jpg
وبكدا تكون تكلفه المعدات كلها فى حدود 13 الف جنيه بس متنسوش تضيفو نسبه 10 % ضريبه مبيعات
اما لو عاوز تزود امكانيات المغسله ممكن تضيف لها مكبس رفع هيدروليكى غسيل وتشحيم وده سعره 17 الف جنيه ودى صوره ليه
http://a7lashare.com//uploads/images...9174f45c62.jpg
او وحده كار كير بس الصراحه دى مش عارف سعرها كام ؟؟؟؟!!

:pod_of_gold::pod_of_gold ::pod_of_gold::pod_of_gol d::pod_of_gold::pod_of_go ld::pod_of_gold:

رد: طلب مساعدة من الأعضاء لدراسة مشروع car care
 

الاستاذ واحد من الناس قام بالواجب كله وزياده وطبعا موضوع نجاحه او فشله ده طبعا هيبقي مترتب علي الخدمة اللي بتتقدم وتكون بعديد شوية عن اي نطاق مغسله اخري او بنزينه فيها خدمات غسل وكمان الدعايا والعروض

ثالثا انا كنت لسه قاعد مع احمد بدر المنياوي مش الاسكندراني من اسبوع تقريبا وكاان اتفق علي شراء عدد المغسله بالكامل وكلفته تقريبا حوالي 15 الف جنيه وطبعا شارع الجمهورية عندنا في القاهره قايم بموضوع المعدات ديه وزياده

حضرتك تعمل بس دراسة جدوي للمشروع كويس وبالنسبة لاجر العمال هتعملهم اجر بسيط ثابت في حدود مثلا من 300 الي 400 وطبعا التيبس هيغطي بقية المصاريف

اهم حاجه المكان اللي هتفتح فيه ووسعه ويكون ليه مدخل ومخرج زي جراج مثلا علشان ميبقاش في مشكله في دخول وخروج العربيات يعني حضرتك تحاول تشوف مكان يكون بيسع ل عربيتين تلاته تشتغل فيهم في وقت واحد

وربنا يوفقك لما فيه الخير يا استاذ علي

رد: طلب مساعدة من الأعضاء لدراسة مشروع car care
 

استاذ .على :السلام عليكم
مثل ما ذكر السادة الاعضاء الكرام ان اجمالى تكلفة المعدات حوالى 18000الى 25000 جم
وهذا بخلاف المكان سواء ان كان ايجار وهذا بند لا بد من عدم اغفالة لان الايجارات الان مرتفعة
يجب ان يتوفر لاى car care ناجح عدة عوامل
1.المكان المناسب /يفضل الاتساع على قدر الامكان /نقطة هامة اذا توفر مكان اراحة العملاء حتى انتهاء العمل
2.العمالة ولا بد ان تكون مدربة او على الاقل من الممكن تدريبها
3.ان يكون المشروع مقام فى منطقة لا تتوفر فيها هذة الخدمة /الشكل العام والمظهر فى غاية الاهمية
4.فى البداية لا بد من حجم دعاية ضخم للفت الانظار على الاقل
5.اى مشروع دائماً يحتاج سياسة النفس الطويل والصبر حتى يتحقق المرجو منه /بعض الايام من الممكن ان تمر بدون زبائن /فى البداية لابد من استخدام سياية سعرية جاذبة
6.وفققك الله لما يحب ويرضى ان شاء الله

رد: طلب مساعدة من الأعضاء لدراسة مشروع car care
 

عفارم عليك يا استاذ على انا لسه بفكر فى الموضوع ده امبارح وقولت ادور الاول على شوية معلومات او دراسة جدوى وبعدين اسأل اهل الخبره فى المنتدى بصراحة حضرتك سهلت عليا كتير وبإذن الله هتابع معاك فى موضوعك ده يمكن سؤال على سؤال يساعد برضه تيحياتى لحضرتك
قدر الله وما شاء فعل وفعلا زى ما حضرتك قولت دى ارزاق ولكن يسبقها التوفيق من الله وما علينا الا السعى وربنا يبحانه وتعالى عليه (جبران الخاطر) بالبلدى كده وان شاء الله ربنا يعوضك فى خير اكتر لكن لو بصينا بالعقل (احتمال) يكون فى قصور فى احد اسباب النجاح وزى ماحضرتك ذكرت ان كان فى مصاريف نثرية بتتجمع وتعمل مبلغ على مدار الشهور اهى حاجه زى كده لو اغفلناها( على الرغم من ضئالتها) ربما تؤدى الى ضرر على المدى البعيد
واخيرا قدر الله وما شاء فعل...
[QUOTE=cars admire;537829]الباشا cars admire انا شخصيا مبسوط جدا من كم المعلومات اللى حضرتك قدمتهالنا ومبسوط اكتر من مشاركتك اللى بتعتبر من النوادر نظرا لكتابتها باللغة العربية على غير ما اتعودت فى موضوعاتك
واسمح لى اسألك؟؟
هل مكبس الرفع الهيدروليكى محتاج تجهيزات معينة لتركيبة ؟؟؟ وحد يكون فاهم عشان يشتغل عليه ؟؟
ايه هى وحدة الكار كير اللى حضرتك ذكرتها فى الاخر دى وايه الفرق بينها وبين ما تقدم من معدات؟؟؟؟؟
وعلى حسب حضرتك ما ذكرت الاسعار والمعدات تقريبا هايكون سعرها حوالى 30 الف ... تمام؟؟؟ طيب الامكانيات تفتح كار كير على اى مستوى؟؟؟ يعنى هاتحتاج مكان مايقلش عن كام متر؟؟؟ وكام فرد ؟؟وسعة العربيات اللى ممكن تشتغلها؟؟؟
تقبل احترامى وتقديرى ولك جزيل الشكر على التعاون والعطاء
والف شكر على توجيهات سعادتك يا احمد بك
بارك الله فيك ونفعك بما قدمت من صح وايضاح يا استاذ محمد

طيب حد عنده فكره(او خطوات) ازاى نعمل دراسة جدوى صحيحة؟؟؟ ولا لازم نروح لواحد محاسب وكده؟؟؟
لانى شوفت دراسات جدوى كتير لكن طبعا كل دراسة على حسب صاحبها ماهو عايز ومافيش مثلا ستاندارد نحط فيه الارقام ويطلع لنا بنتائج زى جداول الاكسيل الجاهزة ياريت حد يفيدنا فى النقطة دى بالذات:08da300846c84943ae 1
اخيرا يا جماعة اتمنى ربنا يوفقنا جميعا الى مافيه الخير والفلاح