رايح التوكيل بكرة وناوي شر !!!!
 

يا جماعة أنا معايا مازدا 2011 بيسيك !!!
العربية عملت بيها 1600 كم ،........من أول يوم استلمتها وفي صوت زنة ف الدركسيون لم بلفه أنا قلت د صوت عادي مفهوش حاجة بس واحد شافها وقالي أنا مسمعتش الصوت د ف أي مازدا قبل كدا !!!! وقالي إن أكيد في حاجة ف البور ولازم أروح التوكيل ،.....دا كدا أول سبب يخليني أروح

تاني سبب إستهلاك البنزين !!!! يعني أنا ال-55 لتر بتعمل معايا 260 كم !!
وجربت تاني امبارح حسبت ال-10 لتر بتعملي 54 كيلو جوا المدينة !

بغض النظر بحرق ولا لأ ! بس أكيد إستخدام العربية للبنزين كدا !

أنا شكلي هبدأ أكرة العربية بسبب الموضوع دا !!

أي نصائح ؟؟

رد: رايح التوكيل بكرة وناوي شر !!!!
 

نصائح
متنويش شر
قولهم على مشاكلك
العربية لسة فى مرحلة التليين
المرجعية الحقيقية للاستهلاك مش جوه البلد لأ المفروض طريق سريع سرعة شبه ثابتة على 90
متكرهش العربية

رد: رايح التوكيل بكرة وناوي شر !!!!
 

نصيحتي ليك الهدوء وتمالك اعصابك حتى لو اتعصبت من التوكيل علشان تعرف تحل المشكله
وان شاء تنحل بالزوق يا باشا
وبالتوفيق

رد: رايح التوكيل بكرة وناوي شر !!!!
 

مافيش حاجه بتيجي بالعصبيه
روح التوكيل قولهم علي عيوبها
ولو متصلحتش اكيد هيبقي في تصرف تاني
بس مترحش متعصب
وربنا معاك

رد: رايح التوكيل بكرة وناوي شر !!!!
 

يل ريت حضرتك تهدة شوية وتقولهم على المشكلة وهتنحل باذن الله

رد: رايح التوكيل بكرة وناوي شر !!!!
 

لسه بدرى على الشر ياباشا وان شاء الله مفيش حاجة وحشة انت بس روح بدرى من اول اليوم وسلم العربيه وقولهم على العيوب اللى فيها وان شاء الله بسيطة

اما موضوع استهلاك البنزين فطبيعى انه ميبقاش مظبوط ويكون عالى فى الفترة الاولى استنى بعد 4 - 5 الاف كم وشوف الاخبار ايه

وانصحك تفول التانك على الاخر تاخد مشوار طوالى السرعة فيهه تكون مابين 90 - 110 مثلا لمسافة 100 كم وروح فول تانى شوف اللى خلص من التانك قد ايه بالظبط
ديه طريقة سهلة وتاكد طبعا ان العربيه الكاوتش بتاعها مظبوط ومفيش فيها اى احمال زيادة ويفضل تكون متاكد كمان من الترصيص وظبط الزوايا وده كله بعد الصيانة الاولى طبعا

رد: رايح التوكيل بكرة وناوي شر !!!!
 

مثل ما ذكر كل الاعضاء الكرام
عليك بالهدوء فى عرض المشكلة
توقع كل الخير تجدة ان شاء الله
:fun_36_3_13[1]: