الغيار الاول فيه مشكله
 

السلام عليكم

انا عندى مشكله ياجماعه هى ان الغيار الاول عندى بيعاكس لما اجى استخدمه بمعنى انه مش سلس زى بقيت الغيارات ولازم اضغط عليه شويه زياده او اغير الزاويه بتاعته عشان يقبل واحيانا بيبقى سلس لكن ده قليل .. مش عارف ده عيب ايه بالظبط واوديها لمين من الصنايعيه وعاوز اعرف فيها ايه عشان اتكلم مع الصنايعي وانا فاهم عشان مايشتغلنيش

اتمنى سرعه الرد لانى قلقان م الحوار ده .. وشكرا مقدما للجميع:fun_36_3_11[1]:

رد: الغيار الاول فيه مشكله
 

طيب الكلام ده و انت لسة واقف و حتجيب اول ؟
و لا بعد ما تهدى و عايز تجيب اول ؟

رد: الغيار الاول فيه مشكله
 

ف الحالتين بيعمل معايا كده

رد: الغيار الاول فيه مشكله
 

هى لو الدبرياج على واير غالبا حتبقى محتاجة رجلاش و دى حاجة بسيطة
اما لو زيت فدى محتاجة ظبط اطوال الوصلات الميكانيكية و دى شغلانة شوية

سوئال تانى هل و العربية مبطلة الغيارات كلها بتيجى بسهولة ؟

رد: الغيار الاول فيه مشكله
 

رد: الغيار الاول فيه مشكله
 

بشمهندس احمد علي


العربيه وانا واقف كل الغيارات بتيجي بسهوله عادي
الاول وانا طالع برضه عادي

لكن لو جاي مطب وبجيب الاول بيعض. يعني لو نازل علي الاول وانا مهدي خاااااالص بيعض

كمان لما اكون وقفت في اشاره دقيقه بيعض

لكن لو راكن فتره وطالع ما بيعضش ولا حاجه

فده ممكن يكون ايه

علما انه الاول بس

رد: الغيار الاول فيه مشكله
 

مخبيش عليك يا استاذ روميو انا من ساعة ما جبت اللانوس زيرو و هيا كده فتقريبا ده طبيعى فى الدايو كله لان كل صحابى كده برضه و كان واحد صاحبى زمان قالوا له فى التوكيل ان ده طبيعى كحماية للاول ان ميجبش بسهولة و العربية ماشية تجنبا للنتائج الكارثية لو جه غلط و العربية على سرعة عالية