عن الابشن اللى فى الفرنا gls
 

انا يا حماعة اشتريت فيرنا كسر زيرو2011 يادوب عاملة 3000 كيلو من راجل مسافر برة بس الراجل مدانيش الكاتلوجات بتاعتها بس الى انا شايفة ان فيها زجاج كهرباء وسنتر وتكيف وبور هل فة حاجة تانى ممكن اعرفها عن الابشن الى فى العربية حد يعرفة ويقلى علية معلش اصل اول مرة اركب عربية زى دى فلوجد يعرف حاجة زيادة عن كدة يقول عليها ولة عند الله خير الجزاء .

رد: عن الابشن اللى فى الفرنا gls
 

فيه فتح الشنطة والتانك من الداخل هتلاقي السنتر جنب الكرسي من ناحية الشمال
كمان الأريال بيترفع لوحدة
واكيد طبعا الريموت
وبعض الزيادات زي التحكم في تعديل عجلة القيادة لفوق او تحت والدراع هتلاقية ورا الدركسيون , واماكنية طي الكنبة الخلفية لتوسيع الشنطة ولمبة الماب اللي فوق
ممكن كمان تعلية الكرسي وخفضة
دول اللي افتكرهم :)

رد: عن الابشن اللى فى الفرنا gls
 

كلام سليم .. واحب اضيف وجود عداد RPM وفوانيس شبوره

رد: عن الابشن اللى فى الفرنا gls
 

للأسف ياحسام مبتنزلش بفوانيش شبورة خاااالص بيبقا مكانها موجود بس هو اللي بيركبها لو عايز :/

رد: عن الابشن اللى فى الفرنا gls
 

FLASHCarFLASHCarFLASHCarF LASHCarFLASHCarFLASHCar

كلام ممتاز لا يوجد اكثر من ما ذكرة الاعضاء الكرام

رد: عن الابشن اللى فى الفرنا gls
 

انتوا نسيتوا اهم اوبشانات فيها

- مساحات زجاج زباله تنشف بعد شهرين استخدام
- سماعات سيئه جدا لا تصلح حتى لسماع الراديو
- تقفيل زباله لدرجة انى رحتلهم كتير مره عشان يربطوا سلوك فى الموتور اتفكت ومره عشان وير الفتيس اتقطع ورمه عشان كاوتش داير الباب نشف هو راخر واتقطع زى ورق التواليت
- واخر حاجه واهم حاجه الشكمان المصرى الخطير اللى مسامه بتقفل بعد خمسين الف كيلو بعد ما تكون انت زهقت من ام صوته فيقى قدامك حل من الاتنين لتكلف نفسك فلوس تانى غير تمن العربيه وتغير الشكمان بشمكان نظيف وفى الحاله دى هتريح نفسك من صوت الشكمان بس هتخسر الضمان او انك تستحمل صوته زى الكلب واكنك شاحت العربيه دى مش دافع فيها دم قلبك .

يا ريت تاخدوا بالكم من الاوبشانات كويس

رد: عن الابشن اللى فى الفرنا gls
 

هى الفيرنا تقفيل وحش بس لكن عربية كويسة
وطبعا اغبى واعفن تقفيل المصرى لما يحطلك جنوط تبع المصانع الحلل تصنع جنوط شوف انت بقى