|
شيفولية لانوس_رينو سكالا و رينولوجان
يا جماعه انا قررت اشترى عربيه جديده وطبعا واقع ف حيره غريبه
بين شيفولية لانوس_رينو سكالا و رينولوجان انا اصلا محتار بين اللوجان واللانوس بس وفى وسط حرتى دى وانا شايف ان كل عربية لها ما لها وعليها ما عليها قلت لنفسى طب لو الواحد زود شوىةيجيب اية؟ لقيت ان اةل حاجة عجبتنى لما عديت ال70 الف هيا الاوبترا ونيسان صنى والاتنين تقريبا ب 90 الف فقلت ارجع لعقلق كدة كتير اوى والقسط هيبقى كبير وبعدين شوفت فديو عن الربنو سكالا عجبتنى لما عرفت انها نيسان صنى اللى بتنزل فى الخليج وتقفيل كورى وسعرها 82 الف يعنى فى الوسط بين ال70 و ال90 يعنى عربية ابوها رينو وامها نيسان طب لية ارخص بكتير من الصنى؟ وهل قطع غيارها مماسل للصنى ؟ يعنى ينفع يتم وضع قطع غيار صنى المنتشرة فيها؟ ارجو الافادة :fun_36_1_50[1]: السكالا عربية تستاهل تمنها ولاالواحد يخلية فى التقليدى ولانوس وخلاص |
رد: شيفولية لانوس_رينو سكالا و رينولوجان
رينو سكالا
شيفروليه اوبترا شيفروليه لانوس رينو سكالا ........... تعتبر نيسان صنى الجديده |
رد: شيفولية لانوس_رينو سكالا و رينولوجان
طبعا السكالا افضلهم بمراحل
|
رد: شيفولية لانوس_رينو سكالا و رينولوجان
السكالا عربيه محترمه و فعلا عربيه كامله بس عيبها الوحيد في اعادة البيع اما قطع الغيار فانت هتلاقيها و لو ما لقيتهاش في قطع غيار الرينو هتجيبها استيراد نيسان يعني مش هتغلب بمعنى اصح و اهم مميزات السكالا انها تتمتع بنظام فرامل abs & ebd و مزوده بايرباج للسائق و الراكب الامامي و كتير من الكماليات الاخرى التي تعطي من خلال السياره للمالك رافاهيه و سهوله اكثر فالقياه و التمتع بها |
رد: شيفولية لانوس_رينو سكالا و رينولوجان
الرجاء لو حد عندة فكرة كويسة عن العربية اشتراها او جربها يقولناسوقسوق
|
رد: شيفولية لانوس_رينو سكالا و رينولوجان
طبعا رينو اسكالا افضلهم و هى نيـــــــــو نيســـــــــــــــــان صنـــــــــــــــــى فيها كل مميزات الصنى و تلاشت فيها كل عيوب الصنى .
و بعد كدر شفرليه ابتـــــــــــــــرا . و بعد كدة رينــــــــــــــــــــــ ـو لوجان . و بعد كدة مفيش لأن اللوجان تعتبر افضل عربية بالنسبة لفئة من 70 - 80 الف و دة رأيى الشخصى و اختلاف الرأى لا يفسد للود قضية . بس تأكد ان كل عربية ليها مميزاتها و ليها عيوبها لأن الكمال لله طبعا و شوف انت عاوز ايه من العربية و يا ريت تدخل و تشوف مميزات و عيوب كل عربية بنفسك و بعد كدة تروح تتفرج على العربيات اللى بتقارن بينهم و تختار اللى يناسبك و اللى انت مرتحله نفسيا و حاول كمان تشوف تقرير لكل عربية لوحدها لأنك لو عملت مقارنة الأوبترا هتكسب لأن الأوبترا منتشرة عن الأسكالا و معظم ملاكها يرشحوها و ربنا يوفقك فى اختيارك .KOORAKOORA |
رد: شيفولية لانوس_رينو سكالا و رينولوجان
الاسكالا = نيسان صنى خليجى 2012
الافضل الاسكالا لكن لو عاوز توفر هات اللوجان ودى مميزاتها وسلبياتها اللى بنصح بيهم اى حد بيشتريها ألكلام النهائي فى رينو لوجان اوربي ( فرنسي - رومانى ) تقفيل المغرب اهم المميزات اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر مصفحة من تحت كمان عند حوض الماتور ودا مش موجود فى فئتها العربية الوحيدة اللى تحت الـ 100 الف نازلة بكاوتشات 15 العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى عفشة نعمه مالهاش زى انعم دبرياج هتشوفه فى حياتك كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف اير باج مستوى امان 3 نجوم اوسع شنطة 510 لتر امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع موفرة فى البنزين بسبب ان الماتور 8 صباب ( يفضل بنزين 92) اوسع صالون فى فئتها واوسع تانك بنزين اكتر من (60 لتر بالاحتياطى ) صاج اللوجان صاج قوى والاقوى برضوا فى فئتها طبعا فى اوبشنز تانية يختلف على حسب اذا كنت هتجيب هاف او فول اوبشنز ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو * العيوب ( ومش هنسميهاعيوب ) هنسيمها حركات غلسة بس هتتعود عليها الكلاكس فى درع الاشارة زارير الازار فى التابلوة ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية تنك البنزين والشنطة بمفتاح ترجيع الكراسي بتقعد تلف البكرة صوت الماتور عالى سنة الباور تقيل شوية ودا لثبات العربية على السرعات العالية رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو * قطع الغيار بدات فى الانتشار الفانوس الامامى ب 250 جنية والخلفى ب 150 وجوز المقصات ب 400 جنية ثمن الفول اوبشنز 70 الف جنية وتمنها برة تمنها الاصلى 7500 يورو يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك ودا المصدر http://www.loganclub.ro/ نوع العربية Preference 1.6 MPI 90 CP بعشقها عشق لولو حبيبتى وبس يا سيدى وان شاء الله ربنا يوفقك فى اختيار العربية المناسبة لك ----------------- العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية تقرير مفصل عن العربية بالشرح والصور http://www.masrmotors.com/vb/showthread.php?t=67787 بتنزل على 5 ماركات فى كل انحاء العالم فى اسيا وافريقيا والشرق الاوسط Renault Logan وروسيا فى رومانيا والبرزيل وامريكا الجنوبية Dacia Logan فى الهند Mahindra Renault Logan فى اليابان Nissan Aprio Tondar 90 فى مناطق بدول العالم دى فيدوهات ليا بالعربية Logan 180 km/h with 6 Passenger [1] - YouTube 180 و 6 راكب وغرز بيها على الطريق الصحرواى - مصر اسكندرية ودا لما عديت الـ 180 Logan 180 km/h with 6 Passenger [2] - YouTube واتفضل اسال فى اى وقت ودا قسم اللوجان بالمنتدى www.masrmotors.com/vb/forumdisplay.php?f=160 |
| الساعة الآن 06:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017