مساعدة فى شراء سيارة
 

السلام عليكم

يا جماعة انا بجد محتار عايز اشترع عربية بالمواصفات دى - تكون عائلية واسعة - عالية عشان المطبات - قطع غيرها متوفرة و سعرها معقول - و انا محتار بين العربيات دى يارييت الى عندة خبرة يقلى انهى احسن ليا



- كيا كارينز

- كيا سول

- رينو داستر

- جراند تريوس

- نيسان ليفنيا

- نيسان تيدا هاتش باك

- تيوتا افانزا

و راريت يا جماعة الى يرشحلى عربية يقلى هى احسن لية و اية مميزاتها و عيوبها



و لو فى حد يقدر يعمل مقارنة بين العربيات دى لهو منى جزيل الشكر

و لو حد شايف ان فية عربية احسن من دول بالنسبة للمواصفات بتاعتى يقلى عليا

مع العلم ان استخدامى للعربية هو للتنقلات العائلية و السفر و مش بجرى بالعربية
و السعر فى حدود 140الف

رد: مساعدة فى شراء سيارة
 

الرينو مانوال فقط السول روعه وفيها كل ده لكن الكارينز اكبر شنطه و صالون اريح و اكبر شئ بسيط لكن متعه السول اكبر ولو بتحب المانيوال ارشحلك الرينو

رد: مساعدة فى شراء سيارة
 

السول حلوه بس شنطتها صغيره

رد: مساعدة فى شراء سيارة
 

متشكر جدا على الرد بس تقدر تقلى اية الاوبشن الزيادة فى السول او الفرق بين الكارينز و السول غير الحجم

رد: مساعدة فى شراء سيارة
 

بص السول افضل من جميع النواحى كاوبشن و ثبات و حتى حجما انا حاجز واحده هستلمها قريب ان شاء الله و شوفت الكارينز كويس
كسهوله حركه فى شوارع مصر و سيطره على العربيه و زوغان و ركن السول احسن

شنطه السول تاخد شنطتين سفر فوق بعض مستريحه و تقدر تحط فوقهم الى يعجبك لان الشنطه للسقف معاك

السول فى رايي من افضل ما انتجت كيا فى اخر 3 سنوات (راى شخصى )

هوا انا ممكن اكون متحيز للسول لانها عجبانى فانتا افضل حاجه تاخد راى باقى الاعضاء و ممكن تشوف فيدوهات للعربيات دى ع اليوتيوب و تشوف الدنيا ماشيه ازاى

الرينو بصراحه روعه بس انا شايف ان المنوال مبقاش ينفع عندنا فى مصر خلاص عشان الزحمه ولولا انها منوال كانت هتكون تحفه

رد: مساعدة فى شراء سيارة
 

السول تربح فى تلك الفئة السعرية
توكل على الله وصلى صلاة استخارة
وفقك الله لما يحب ويرضى ان شاء الله
:CHUBBY~36::CHUBBY~36::CH UBBY~36::CHUBBY~36:
سوقسوقسوقسوقسوقسوقسوقسوقس وقسوقسوقسوقسوقسوقسوقسوقسو قسوقسوقسوق

رد: مساعدة فى شراء سيارة
 

السول كويسة جدا بس انا بستريح للكارينز من جهة الوسع لكن الاتنين اوبشن واحد يعنتبر بس التحير للسول فى الاوبشن