افيدونى فى شراء سايبا برايد
 

السلام عليكم
انشاء الله هشترى السايبا برايد قريبا عايز اى حد اشتراها يقولى اية اخبارها
انا قريت كل الى انكتب فى الموقع عن السايبا بس انا عايز تجربة شخصية من الاعضاء لهذه العربية خاصة انا هدفع تحويشة العمر فى شراء سيارة
عايز اعرف عن عيوبها و مميزاتها
1-التسارع
2-قوة الموتور
3-اقتصادية فى استهلاك الوقود
4-بتستخدم اى نوع من الوقود (80 او 90او 92)
5-الصيانة صعبة او اى حد ممكن يفهم فيها
6-الوكيل اية اخبارة
7-التقفيل
8-الثبات
9-العفشة
10-واسعه من جوة ولا لا
واى ملاحظة حد شافها عليها بس من التجربة العمليه
ارجوكم عاجل جدا جدا جدا انا هشتريها بعد 3 ايام
ممكن تتصل بيا (رنلى هكلمك) او ابعتلى ميل
eng_samehsaid@hotmail.com
0124821248


افيدونى يااهل الخبرة

رد: افيدونى فى شراء سايبا برايد
 

اتفضل
http://www.masrmotors.com/vb/showthr...C8%D1%C7%ED%CF

رد: افيدونى فى شراء سايبا برايد
 

1-التسارع
جيد جدا - ممتاز

2-قوة الموتور
جيد جداً (للمكونات الميكانيكية)
جيد (لمكونات ادارة المحرك الالكترونية زى السيسنورز والانجكشن)

3-اقتصادية فى استهلاك الوقود
300 كم / صفيحة

4-بتستخدم اى نوع من الوقود (80 او 90او 92)
92 حسب توصيات المصنع (لكن ممكن تستخدم 90 او حتى 80 بشكل غير متكرر)

5-الصيانة صعبة او اى حد ممكن يفهم فيها
الصيانة سهلة جداً حتى مجموعة الانجكشن زى الكورى كله (ريو قديم واكسنت مثلا) واى حد يشتغل في الصيانات الاساسية بالاضافة لانها منتشرة فتحظت ومراكز كتير معتمدة من التوكيل الحالى او التوكيلات الاخرى (وليد توفيق - الامل ) بيشتغلوا فيها برضو

6-الوكيل اية اخبارة
الوكيل الحالى ناشيونال موتورز لسه محدش اعرفة جربة بس العربية مش محتاجة توكيل جبار

7-التقفيل
مقبول (للتقفيل عامة والاجزاء الاساسية)
سىء (لتقفيل الصالون والاكسسوارات )

8-الثبات
(سىء الى مقبول)
يتحسن بشكل كبير مع تغيير الكاوتش

9-العفشة
(جيد جداً)
لكن يراعى الكشف بصفة دورية على الكاوتشات والجلب وبيض العجل

10-واسعه من جوة ولا لا
(ممتازة) بالنسبة لفئتها فى الاتساع الداخلى للصالون او الشنطة

رد: افيدونى فى شراء سايبا برايد
 

شكرا لك على اهتمامك ولكن لدى بعض الاسئلة
1-هل انت معاك العربية دى ودة رائيك عن تجربة ؟
2-بالنسبة للتقفيل مفيش اى حل لية ممكن اعملة بعد ما اشتريها عشان التقفيل يبقى كويس سواء من االاجزاء الاساسية او الصالون وهل تقفيل الاجزاء الاساسية يؤثر على الاداء؟
3-وبالنسبة الى الثبات انا ممكن اجيب الفئة الاعلى (جنوط سبور+فوج ليت) عشان الثبات تنصحنى باى فئه؟
4-ايهما افضل اشتريها من الوكيل او اى موزع (فى فرق سعر او اى ذيادة فى زمن التسليم)؟
5-تنصحنا بشرائها ولا اجيب بيكانتو او i10 (مع ملاحظة فرق فى قوة المحرك والشنطة)؟
6-هل 62 حصان ممكن يشغل التكيف بدون التأثير على الثبات؟
واسف على الاطالة

رد: افيدونى فى شراء سايبا برايد
 

معايا برايد الكورى مو 96 1100 سى سى كربراتير
ومعايا برايد ايرانى 2006 1300 سى سى انجكشن

اللى حضرتك هتشتريها تختلف فى الباور وتصميم الاكصدام والشبكة والفوانيس والفرش الداخلى

لكن العربية نفسها واحد

2- اى مشاكل فى التقفيل سهل حلها فى الضمان

3- بالنسبة للثبات فهو معقول لحد 100 - 120 كم فى الساعة لو بتجرى اكتر من كده وعايز ثبات حقيقى يبقى محتاج تعلى العربية وترفع الكاوتش وتعرضة وتركب جنوط سبور
بس العربية متصممة عالية علشان الطرق والمطبات واثبتت كفائة فى مطبات المحروسة وتعتبر التاكسى الاول فى ايران وسوريا

4- المهم السعر لو التوكيل عنده اللون اللى انت عايزة وسعرة ارخص جيب منة انا جبتها من معرض لان التوكيل كان بيخلص الستوك ومكنتش لاقى اللون اللى انا عايزة

5- البكانتوا حاجة تانية طبعاً (جودة فى الخامات واحدث فى التصميم الداخلى والخارجى) لكن اداء اقل لصغر حجم الموتور واتساع داخلى اقل ومفيش شنطة وقطع الغيار والصيانة حاجة تانية خالص غير البرايد

6- القوة الحصانية ملهاش علاقة مباشرة بالثبات لكن عامة قوة العربية وعزمها كافية جدا على وزنها والكماليات اللى فيها

وتحت امرك فى اى استفسار

رد: افيدونى فى شراء سايبا برايد
 

1-اصل فى ناس مخوفانى من الايرانى لسمعتها الوحشة فى البيجو الايرانى
2-الموتور بتاع السابيا 2009 لا تشرف علية كيا فى التصنيع دى معلومة صح ولا خطاء
وحضرتك قلت ان الموتور 2009 مختلف عن موديل 2006 الى انت بتتمتلكها مختلف بس فى الانجيكشن ولا فى هيكل المتور كلة
3-وهل انت جربت موديل 2009

اعتمد على الله اشتريها ولا افكر تانى تنصحنى باية
وشكرا لسعه صدرك

رد: افيدونى فى شراء سايبا برايد
 

1- مفيش علاقة بين البيجو الايرانى وبين البرايد الايرانى ديه شركة وديه شركة وديه عربية بتتصنع على نفس خط الانتاج بمكون محلى بنسبة اكبر لكن البيجو عربية متغير فى تصميمها اصلاً فمفيش علاقة او مقارنة

2- معلومة اول مرة اسمعها ومقدرش افيدك فى صحتها

مواتير البرايد واحدة كلها وهى نفس مواتير Mazda B3 واستخدمت فى مازدا دومينو ومازدا 121 وفورد فيستيفا والبرايد بجميع موديلاتها الفرق بس فى الانجكشن

موديل 2009 يختلف فى اضافة الباور والتغييرات الشكليه فى الخارج وفى الصالون فقط

3- مو 2009 شوفتة فى المعارض بس مسوقتهاش