تكلفة الرش كام
 

انا أرش العربية

الشنطة والإكصدامين امامى وخلفى ( جداد لسة ) والحزام من العتب حتى تحت الأبواب تحت الجرايد

ممكن أعرف تكلفة تقريبية عشان أعمل حسابى

العربية نيو أكسنت لونها فضى

وهل فية نصائح ليا اراعيها مع الصنايعى عند الدهان

وشكـــــرا

رد: تكلفة الرش كام
 

(اعتقد)ممكن يعملوا فى حدود من 500 الى 750 على حسب نوع الدهان واجره الصنايعى
المهم ان حضرتك تشوف صنايعى كويس عن طريق اصحابك او معارفك ويكون حد اتعامل معاه قبل كده وتعرض عليه الامر وتتكلم فى السعر برضه باللى يناسبك
النصائح:
حاول تفضى نفسك فى الوقت اللى هايشتغل فيه فى العربية لان بكل تأكيد ممكن يبقى عندك ملاحظات تقوله عليها وهوه شغال واقعد معاه على اساس انك قاعد معاه شوية اتكلموا اشربوا شاى عشان ما يحسش انك قاعد على دماغة وفى نفس اوقت ماتديهوش اهتمام يعنى روح وتعالى عليه
ممكن تجيب انت الخامات وهوه ياخد اجره بس وممكن تتفق معاه مقاوله اجره+خامات وهوه هايقولك على الكمية اللى هاتحتاجها وممكن يدلك على انواع برضه
واسأل كتير قبل ماتاخد اى خطوه وبعد ماتقرر توكل على الله ونفذ وخلص حالك وماترجعش تبص وراك حتى لو النتيجه مش عجباك
وربنا يوفقك:THUMBS~220:

رد: تكلفة الرش كام
 

شكرا أستاذ ايمن

المبلغ دة الخامات بس ولا كله:THE_PR~18:

رد: تكلفة الرش كام
 

كنت من فترة كبيرة سألت من باب المعرفة على الرش للاكصدامات الاكصدام بيعمل 150 جنية بالخامات والرفرف نفس الموضوع يعنى الاكصدامين 300 جنية والشنطة حوالى مثلا 200 والعتب من تحت والحزام يعنى حوالى 300 والنسب دى بتختلف من صنايعى لصنايعى طبعا وعلى حسب الصانيعى الكويس بس لازم تراعى الصانيعى تكون سمعتة حلوة ويكون جامد فى الصنعة وربنا معاك

رد: تكلفة الرش كام
 

العفو يا افندم تحت امرك
المبلغ ده كله المصنعية + الخامات

رد: تكلفة الرش كام
 

كلام جضرتك مظبوط جدا
بس فى نقطة بالنسبة لرش الاكصدام لان طبعا التكلفة والخامة والمصنعية هاتفرق على حسب ... هل الاكصدام فيبر خام (لونه اسود خشن) كده؟؟ ولا عليه معجون وبويه بنفس لون العربية ؟؟؟ زى كل العربيات الجديدة
لان الفايبر عندى كان من النوع الاول يعنى يادوب ياخد رشه اسود مط على خفيف للنظافة بس بدون معجون ولا يحزنون لكن طبعا التكلفة هاتزيد فى الاكصدام اللى بيتمعجن الاول ويترش نفس لون العربية
ولعى حسبة حضرتك كده الموضوع بالنسبة للاستاذ سمير هايقرب من 1000 جنية
شنطة ورفارف واكصدام وحزام او بمعنى اوضح العربية كلها هاتترش ماعدا السقف والكبوت
للعلم انا رشيت عربيتى كلها(بس ماكانش فيها شغل معجون كتير لانه كان رش نظافة يعنى بيستهلك خامات اقل) والاكصدام والفيبر الداخلى بتاع الصالون كله والجنوط بتكلفة اجمالية 800 للعربية +100 للفيبر الداخلى(ده كان اختيارى)
يعنى كله 900جنية
البوية ميتاليك (بس مش عارف نوع البويه ايه بالتحديد) والرش فرن MADDRIVE

رد: تكلفة الرش كام
 

يسمع من بقك ربنا