تجربتى الشخصيه فى تنظيف المحرك من الداخل
 

منذ 3 اسابيع كنت قاعد مع واحد صاحبى صاحب محل مكن رى زراعى كنت بتكلم عن عمرات المكن فقلى ان الصنايعيه سعات بيحطوا بنزين بدل الزيت وده بينظف المكنه من الداخل فجات لى الفكره انى ممكن احط للعربيه بنزين بدل الزيت لتنظيف محرك السياره على اساس
1- يداتير العربيه بيتسد من الاملاح ويجب تنظيفه كل فتره
2- الزيت بيكون فيه اضافات وممكن ان تتصلد فى مجارى الزيت داخل المحرك
3- فكره تصلب الشراين فى جسم الانسان
راجعت نفسى اكثر من مره لعمل الموضوع ده الى ان اتكلت على الله وقلت اجرب الموضوع ده على اساس انى عايز اغير الزيت
المواد المطلوبه
1- 4 لتر بنزين
2- 4-لتر زيت قديم ( كان عندى فى العربيه حطه احطياطى فى شنطه العربيه لاى طارئ
3- زيت السياره الى فى المحرك

الخطوات
1- سخنت العربيه لحد ما الحراره وصلت الى 90
2- فضيت الزيت من طبه الزيت ( طبعا فى جركن مفتوح زى بتاع غيار الزيت )
3- قفلت طبه الزيت وبعدين حطيت البنزين فى فتحه الزيت الى موجوده فى اعلى المحرك
4- الخطوه ده مهمه جدا فصلت سلك الموبينه الى رايح الى الاسبراتير علشان البوجيهات متشتغلشى او ممكن نشيل كل سلوك البوجيهات للامان
5 - قعدت اشفل العربيه 4 ثوانى واستنى 10 ثوانى علشان المارش ميتحرقشى من كل التدوير . قعدت اعمل الموضوع ده 5 مرات تقريبا علشان البنزين يطلع فى كل مكان فى المحرك
6-انتظرت 30 دقيقه وبعدين كررت الخطوه السابقه
7- نزلت تحت العربيه وفكيت طبه الزيت علشان انزل البنزين فى جركن تانى واستنيت 15 ساعه لحد ما اتصفى كل البنزين وبعدين قفلت الطبه
8- حطيت الزيت القديم الى انا لسه منزله من العربيه
9- ركبت سلوك البوجيهات
10 - قلت بسم الله وشغلت العربيه 5 دقائق
11- نزلت الزيت الى اكيد كان خفيف بفعل البنزين الى موجود فى المحرك وقفلت الطبه
12- حطيط الزيت القديم الى كان موجود فى العربيه معايا احتياطى لو مش موجود ممكن تشترى ارخص زيت وتستعمله
13- شغلت العربيه وسبتها شغاله 30 دقيقه
كد انا خلصت ان شاء الله همشى بالزيت ده 20 كيلو وبعدين اروح واغير زيت جديد وفلتر عند بتاع الزيت بكره انشاء الله

ملاحظاتى
عند الانتهاء من وضع الزيت شغلت العربيه وسبتها شغاله 30 دقيقه وقعدت اراقبها من حيث لمبه الزيت ودرجه الحراره الحمد لله كله تمام الحراره لم ترتفع عن 70 طول فتره التشغيل بينما فبل ذلك كانت الحراره ترتفع تدريجيا الى 90 وتشتغل المروحه للتبريد الى ان تصل الى 80 وبعد كام دقيقه ترتفع الى 90

تفسيرى للى حصل ان مجارى الزيت تكون فيها ترسبات للزيت لا يقدر الزيت الجديد على اذابتها زى البنزين

ممكن تكون فى اضافات للتنظيف بس انا معرفشى عنها حاجه
التجربه ديه فيها شويه بهدله ونصيحه لو هتعملها تلبس هدوم مش عايزها لانك اكيد هتتوسخ بالزيت
ممكن الموضوع ميعجبشى كل الناس بس هى جديره بالمحاوله الى بيحب يعمل الحاجه بايده
وربنا يصلح الحال

رد: تجربتى الشخصيه فى تنظيف المحرك من الداخل
 

ياقلبك الجامــــــــــــــــــــ ـــد هـى عربيتك ماركه ايــه ؟

رد: تجربتى الشخصيه فى تنظيف المحرك من الداخل
 

جامد دي كلمه قليه

رد: تجربتى الشخصيه فى تنظيف المحرك من الداخل
 

فعلا العربية نوعها اية اعتقد موديل قديم

رد: تجربتى الشخصيه فى تنظيف المحرك من الداخل
 

ممكن بدل البهدله دي تستخدم فلاش موتور ب 26 جنيه وهو بينظف كل دورة الزيت ويظبط الموتور كمان

رد: تجربتى الشخصيه فى تنظيف المحرك من الداخل
 

رد: تجربتى الشخصيه فى تنظيف المحرك من الداخل
 

بالنسبه للزيت القديم فيه شوائب انا معاك فى الموضوع ده ولاكن الشوائب عالقه فى الزيت وبتنزل مع الزيت ولا تسبب اى مشكله مع المحرك لان الفلتر يحجز الشوائب الكبيره الضاره وفى المره الاوله لما وضعت الزيت كان المقصود ان يختلط مع البنزين الى فى المحرك كغسيل مبدئى وبعدها اضع الزيت الثانى الى معايى احتياطى وبعد كدهاغير زيت نضيف وفلتر
بالنسبه للزيت الى انا شايله معايا فى الشنطه اولا انا عندى يقين ان الزيت الى بنغيره من 1000 الى 3000 ك صالح للاستخدام الى 7000 ك والدليل لو بصيت فى اى كاتالوج اى سياره هتلاقى انه يتم تغيره فى الحدود ده ( مش مجال مناقشتنا )اذا الزيت ممكن يفيد لاى طارئ مثل نقص الزيت لاى سب لحد ما اصل لاى محطه بنزين مثلا
عامة النتيجه مرضيه جدا بالنسبه لى والتجربه ناجحه بسبه 100 % 100 بدون اى خسائر الحمد لله
الموضوع ده متخصص بعض الشئ ولا انصح اى شخص ان يقوم به الا اذا كان ملما بالميكانيكا واجزاء المحرك ودوره الزيت بصفه خاصه
انا خرجت بالعربيه امبارح وعينى على لمبه الزيت والحراره وصوت المحرك الحمد لله كله تمام
شكرا يا خى الكريم على المرورSLAM