تجربتى مع مركز المصريين.... بجد وبدون مبالغة
السلام عليكم
انا استلمت عربيتى امبارح من مركز المصريين لما وديتهلهم من تلات ايام كانت فيها بعض الخبطات والخدوش والاكصدام الامامى والخلفى كانوا مخبوطين وفيهم بعض الكدمات والعتبة بتاعة العربية اليمين كانت مجروحة من اولها لاخرها مرورا بالباب اليمين والخلفى يعنى كان فيها خطبطات وتجريحات كتيرة .... لكن لما استلمتها من مركز المصريين بجد والله وبلا مبالغة حسيت انى لسة مستلمها من المعرض جديدة كانها زيروا رشو الجزء المخبوط وظبطولى كل الاجزاء المخدوشة من الاخر الناس دى فعلا والله عندهم امانة فشغلهم وحتى درجة اللون كانت اكتر حاجة مخوفانى لان لونها (نحاسى ) فتوقعت انهم مش هيعرفوا يجيبوا درجة اللون دى لكن استاذ اسلام والحج خليفة (ربنا يكرمهم) قالولى هنجيبلك نفس الدرجة بالكمبيوتر وقد كان وفعلا استلمت العربية امبارح والحمد لله جميلة جدا وانا بشكر استاذ خليفه- وهو صاحب مركز كايرو موتورز سابقا- راجل بجد خبره كبيره جدا واستاذ اسلام ابنه وهو راجل محترم بردك وناس اصحاب خبرة وتعامل راقى جدا وناس زوق واتهاودوا معايا فكل حاجة حتى الماديات ومعاد التسليم قبليها كمان استاذ اسلام لقيتوا بيتصل بيا ويقولى العربية جاهزة . بجد جزاهم الله خيراً |
رد: تجربتى مع مركز المصريين.... بجد وبدون مبالغة
مبروك عليك وربنا يبارك لك فيها ياريت حضرتك تجبلنا صور للعربية |
رد: تجربتى مع مركز المصريين.... بجد وبدون مبالغة
مبروك عليك و يا ريت فعلا تورينا الصور بتاعة العربية بعد الاصلاح |
رد: تجربتى مع مركز المصريين.... بجد وبدون مبالغة
الف مبروك ياباشا على تجديد العربيه وياريت تورينا صور ليها
وياسلام بقى لو كان عندك صور ليها قبل التجديد شكر وتقدير |
رد: تجربتى مع مركز المصريين.... بجد وبدون مبالغة
سياره استاذ محمد عاشق الفولكس الصور بعد إلاصلاح وليس قبل إلاصلاح نظرا لضيق الوقت لم يتم تصوير قبل إلاصلاح فا المعذرة http://img801.imageshack.us/img801/1893/img0010bt.jpg http://img440.imageshack.us/img440/4383/img0011sz.jpg http://img819.imageshack.us/img819/9215/img0007yc.jpg http://img545.imageshack.us/img545/6158/img0006ra.jpg http://img831.imageshack.us/img831/4372/img0004eq.jpg ربنا يكفيك شرها |
رد: تجربتى مع مركز المصريين.... بجد وبدون مبالغة
جزاكم الله خيرا على دعائكم
|
'طلب صغير من الاستاذة ايمان... مصر للتامين...
السلام عليكم بشكر كل الناس اللي بتساعد بعضها هنا فى المنتدى وفعلا بيسهلوا علينا حاجات كتيرة اوى
وليا طلب عند الاستاذة ايمان (ربنا يكرمها) لانها بجد تعبت مع ناس كتيرة اوى هنا وخدمت ناس كتيرة فجزاها الله خيرا انا كنت طلبت من حضرتك طلب بس تقريبا حضرتك نسيتينى اليومين دول انا كنت عملت عربيتى ووديتها التامين ودفعت 1000 جنية وقالولى هتاخدها من الشركة بشيك فكنت عاوز اعرف بعد اذن حضرتك هل الشيك دلوقتى طلع ولا لسة واقدر اروح استلموا امتى ومنين بالظبط علما بان وثيقة التامين بتاعتى رقمها هو 799492 وفى رقم مكتوب عندى بتاع الحوادث مش عارف رقم اية وهو 898332 فياريت حضرتك تردى عليا عشان لو طلع اروح استلموا بكرة والف شكر لتعب حضرتك معانا كلنا |
الساعة الآن 09:13 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017