استفسارعن بى ام دبليو e28 الفئه الخامسه
 

انا معايا بى ام دبليو e28 الفئه الخامسه 1984 حالتها نظيفه جدا بس انا كنت عاوز اخليها اكتر شبابيه واعدل فيها شويه حاجات فى الشكل والالات الجر بس فى احد الاصدقاء حظرنى من المصاريف الى هصرفها وقالى العربيات دى بيبقى متحدد لها سعر معين ما بتزيدش عنه ومهما تصرف مش هتبقى زى العربيات الجديده ونصحنى ابيعها واشترى حاجه يابانى قطع غيار متوافره وسوق اسرع
فكنت عاوز راى حضراتكم لانى محتار وخايف اصرف ومالاقيش بعد كده وابقى رميت فلوسى على الارض

رد: استفسارعن بى ام دبليو e28 الفئه الخامسه
 

لو العربيه حالتها نظيفة ومريحاك تماما وناوى زى ما بيقولو تانيها وتحافظ عليها سنين قدام ومش ناوى تبيعها قريب يبقى توكل على الله وابداء فى تعديلها الاول هتبداء بالحاجات الشكلية وبعدين نفكر هنعمل ايه فى الالات الجر لان ديه تكاليفها اكبر وشغلها اكتر

رد: استفسارعن بى ام دبليو e28 الفئه الخامسه
 

انا بدور علي عربيه زيها علي فكرة ياريت تقولي مواصفاتها وسعرها نهائي كام لو يناسبني هاخدها منك علي حالتها

رد: استفسارعن بى ام دبليو e28 الفئه الخامسه
 

انا كنت عاوز ا غير العفشه واجيب عفشه جديده بالكامل ففكرت انى ممكن اعدل واجيب عفشه يابانى وتكون جديده واريح بس مش عارف التعديل هيتم ازاى وهل ينفع اركبلها عفشه عربيه تويوتا مثلا ولا افضل ان اجيب عفشه بى ام وخلاص

رد: استفسارعن بى ام دبليو e28 الفئه الخامسه
 

مينفعش طبعا كلام ده ازي تركب عفشه ياباني علي بي ام

رد: استفسارعن بى ام دبليو e28 الفئه الخامسه
 

طب انا عاوز اجيب فتيس شورت هينفع ولا لا وهل لوغيرت المكنه مستقبلا وجبت مكنه اكبر هحتاج اغير الفتيس الشورت تانى ولا وكنت عاوز اعرف سعر الفتيس الشورت بيتراوح من كام لكام

رد: استفسارعن بى ام دبليو e28 الفئه الخامسه
 

طيب هسالك انا سؤال عشان انا معايا نفس العربيه وداااااااااااايخ على قطع غيارها . انا عاوزلها تابلووه كامل بالقنصله والديل بتاعهم وفتحه سقف كهرباء . لو انت عارف قطه غيارها الاقيها فين وعند مين بالظبط في الحرفيين تبقى عملت معايا واجب . علما باني سالت عند العمده والمتحده والناس الحلوه دي كلها قالولي معندهمش . ولو فيه اي تابلووه او اي حاجه تنفع تركب عليها يا ريت تفيدني يا برنس