|
فيات 128 ولا ريتمو
السلام عليكم
عايز مشورتكم بخصوص شراء سيارة مستعمله في حدود 14 الف ومحتار بين 128 و ريتمو ايهم افضل وهل في حاجة افضل منهم في حدود ال 14 الف وشكرا |
رد: فيات 128 ولا ريتمو
ريتمو افضل او بنظرة شمولية اى سيارة افضل من الـ 128
|
رد: فيات 128 ولا ريتمو
العكس صحيح الريتمو عربية منظرها احلى وشبابى واوسع فى الصالون انما عيوبها كتير واضعف بكتير من 128 عشان بتكسر قوايم وده عيب تصميم والعيب ده فى موديلات تحت سنة 84 كلها وارشحلك 128 بس تكون نضيفة وحاول ديما تفحص العربيات الفيات من عند العلب والصدر والقنطره وربنا يوفق لحاجة كويسة باذن الله.
|
رد: فيات 128 ولا ريتمو
اولا انا بشكركم جدا لاهتمامكم
ثانيا نفسي الاقي 2 متفين على حاجة هههههههههه ديما حيرتي تزيد بسبب اختلاف الاراء وبالامانة مش عارف اعمل ايه ولا قادر اخد قرار |
رد: فيات 128 ولا ريتمو
اقتباس:
ال128 طبعا وعن تجربه كان معايا 128 موديل 1977 ولمده 10 سنين عمرها ماعملت معايا الصغيرة وكنت بسافر بيها مسافات بعيده وان كنت شاب فهى جميله وبيتغير فى شكلها زى ما انت عاوز ولو كنت صاحب اسرة فبرضه شغال ،ومبروك مقدما عل أى اختيار لك |
رد: فيات 128 ولا ريتمو
السلام عليكم
انا كنتا من ملاك الريتمو لمدة 10 سينين كانت موديل 82 1500 سى سى عربية محترمة جدا اولا علشان متحترش نعمل مقارنة بسيطة وانتة ليك الاختيار الريتمو الصلون اوسع من 128 تشيل خمس افراد مرتحين وهية هية صالون الريجاتا انا معايا ريجاتا العفشة الامامية هية هية 128 نفس العفشة العفشة الخلفية ريجاتا امتن من ال128 يعنى حمل برحتك نيجى للشاسية كل العربيات اللى على علب بتفتح شاسية وبتشرخ العيب دة فى العربيتين لية علاج اة لية علاج علاج الشروخ انك تحافظ على المساعدين المساعد لو بايظ المطبات بتسمع فى جسم العربية فتحان الشاسية بتركب شداد بين البطحتين بتوع المساعدين العيب دة موجود فى 128 اكتر من الريتمو ممكن الكوبلين يفلت من مكانو لو العربية خدت مطب جامد انا مكنتش مركب شداد والعربية كانت سليمة بس كنت محافظ على العفشة الموتور الاتنين موتور واحد بس الريجاتا فى منها 1500 سى سى وفى 1300 سى سى 128 1100 سى سى دة من موديل السبعينات لحد موديل 1988 موديل 1989 1300 سى سى لحد اخر موديل الشكل الخاريجى دة شىء نسبى قطع الغيار الاتنين موجودين الريتمو الشكل القديم الفونيس موجودة فى اماكن معينة مش منتشرة وفى قطع غيار مش موجودة غير استيراد 128 اخر موديل ليها 2006 من السهل انك تلاقى الفوانيس جديدة ومتوفرة احسن موديلات الريتمو الريتمو ريجاتا الالمانى ودى بتنزل فول ابشن وفى منها اتومتيك زجاج كهرباء تكييف كمبيوتر اعطال ومعالجين الشاسية ومركبين شداد فى الحوض وبالتوفيق ان شاء الله وتجيب عربية محترمة واهم حاجة الحالة لو ها تجيب اى عربية لازم الحالة ومتستعجلش :CHUBBY~36: |
رد: فيات 128 ولا ريتمو
شكرا جدا لردودك وارائكم
على فكرة السمكري خوفني من الريتمو بالاضافة الى انها تقيلة في بيعها عكس ال 128 |
| الساعة الآن 07:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017