مصر موتورز مجتمع السيارات - مشكلة فى استهلاك البنزين

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

- - مشكلة فى استهلاك البنزين (https://www.masrmotors.com/vb/showthread.php?t=68870)

وائل فؤاد

29-09-2011 10:33 AM

مشكلة فى استهلاك البنزين

عندى كيا برايد العصفورة استهلاكها عالى شوية فى البنزين الصفيحة يتعمل معايا 200 كيلو بس انا بمشى بيها فى وسط البلد وبتبقى لمدة نصف ساعة تقريبا ومش عارف ابتدى حل المشكلة منين

احمد على 1999

30-09-2011 06:44 AM

رد: مشكلة فى استهلاك البنزين

ده اذا كانت مشكلة اصلا
احتمال يكون طبيعى كده لان نص ساعة قليل و اى عربية تقريبا بتاخد على الاقل ربع ساعة عشان توصل لدرجة حرارة التشغيل الطبيعية فبيبقى الاستهلاك طبيعى عالى و العربية باردة
زائد ان المشوار نص البلد
الا بقى لو حضرتك متابعها من زمان و مكنتش كده
ممكن تبتدى بتغيير فلتر الهوا و تظبط ضغط الكاوتش و زوايا و تنقل بدرى

ezzat2002mo

30-09-2011 10:18 AM

رد: مشكلة فى استهلاك البنزين

اقتباس:

المشاركة الأصلية كتبت بواسطة وائل فؤاد (المشاركة 523013)

بس انا شايف ان الاستهلاك كده طبيعى

بس لو كان عندك الاستهلاك غير كده الاول ممكن تعمل الاتى :

ضبط الاسبراتير كويس
نظف الكاربراتير كويس وشوف حجم البكات وهل هوة مناسب للعربيه ولا لا
غير كابلات البوجيهات لو كانت قديمه ومزيته
شوف تنك البنزين بينقط ولا لا وغطا التنك
شوف الكاوتش عندك حالته ايه لانه بيفرق فى الاستهلاك جامد وكمان الزواياوالترصيص

ramykiller2002

30-09-2011 11:31 AM

رد: مشكلة فى استهلاك البنزين

الكيا برايد تعمل بالكاربراتير ممكن تكون بوابة الكاربيراتير بدات تتاخر فى الغلق ودة يسمح بدخول هواء زيادة فينتج عنة نسبة احتراق اعلى و دة هتلاقية السبب الاساسى و الاستهلاك دة مش طبيعى بالنسبة لعربية 1300 cc وبعدين اكشف على بيك الصالانسيية ممكن يكون وسع و تاكل مع الوقت الطويل و دة هو المسؤل عن كمية البنزين الداخلة للموتور اما لو انت حاسس ان العربية طلعطها غير طبيعية اكشف على الزوايا لانها كدا بتستهلك وقود اكتر مقابل اعاقت العجل لحركة العربية السلسة و خلييييي بالك لو مكيفة تفرق كتيير مع التكييف و اللة المستعان

وائل فؤاد

02-10-2011 10:11 AM

مشكلة فى استهلاك البنزين

عندى كيا برايد العصفورة استهلاكها عالى فى البنزين الصفيحة بتعمل 200كم البوجيهات بتكربن بصرعة وتقطع وكمان الشكمان فيه دخان اسود مش عارف ايه المشكلة وابدا الحل منين .
لو سمحتم لو فية حد يعرف السبب والحل يساعدنى سواء الاخ ابونورا او اى حد متخصص من رابطة ملاك كيا

sherif fersh

02-10-2011 12:06 PM

رد: مشكلة فى استهلاك البنزين

الاستهلاك عالى جدا ..
و البوجيهات اللى بتكربن بسرعة
تبقى دى أعراض خليط مشبع بالوقود
يعنى البنزين كتير و الهوا قليل
حضرتك محتاج ضبط الكاربيراتير ( أو الانجكشن .. مش عارف البرايد كويس )
و ده يبقى عند فنى متخصص مش أى ميكانيكى
و الله الموفق ‘

AbOnOrA

02-10-2011 12:23 PM

رد: مشكلة فى استهلاك البنزين

بص يا استاذ وائل اى مشكلة فى عملية الاحتراق فى الموتور لازم تؤدى لاستهلاك بنزين مش مظبوط فقصة استهلاك البنزين ديه عرض لمشكلة
المشكلة عندك عموما فى عملية الاحتراق فى الموتور وديه سببها اما مشكلة فى خلط وتزويد المحرك بالوقود وده بيبقى سببة الكاربراتير او الانجكشن حسب موديلل عربيتك

او مشكلة فى جسم الموتور نفسه وجواناته بتخلى الزيت يختلط بالوقود فيفسدة ويعمل المشاكل ديه

فى الحالتين انت محتاج ميكانيكى كويس يبص على العربيه علشان يعرف اذا كان الموتور محتاج عمرة او شغل فيه عموما ولا الموضوع ضبط كربراتير

الساعة الآن 09:45 AM.