لوجان و لا اوبترا
 

السلام عليكم و رحمة الله و بركاته
هل اللوجان انسب و أفضل ام الاوبترا ؟ انا متطلباتي كما يلي :
1- واسعة من الداخل و خاصة الكنبة لخلفية.
2- شنطة واسعة لأننا اسرة من 5 أفراد.
3- مش مهم ثمن قطع الغيار المهم توافرها و ان تكون معمرة.
4-لا يهمني التسارع و الجري و الغرز و غيره
5- تكييف و باور
6-الثبات و عالية عن الارض و الامان( و كلما زاد الامان كلما كان افضل 2 ايرباج مهم دعامات في الابواب مهم و ياريت abs و يفضل ebd وباور محكم )
7 - سهل صياناتها خارج التوكيل .
8 - مش مهم اوي سعر اعادة البيع لاني بإذن الله لن ابيع قبل 10 سنين
9 - عالية عن الارض علشان المطبات عندنا بخيرها و العفشة تكون متميزة علشان الطرق عندنا صعبة جدا
انا من النوع اللي يحب يحافظ على السيارة و لا احب ادفع فلوس لن يكون لها عائد على.
على فكرة أنا كان بذهني الالنترا المانيوال الشكل القديم 2011 و لكن كل الزملاء أجمعوا انها غير مناسبة نظرا لصعوبة تعاملها مع المطبات و خاصة عند التحميل
و شكرا

رد: لوجان و لا اوبترا
 

رد: لوجان و لا اوبترا
 

زى ما قولت لحضرتك هناك
معظم اللى انت طالبة فى اللوجان
اتوكل على الله وهاتها وعمرك ما هتندم عليها وهتكون عربية العمر ان شاء الله

رد: لوجان و لا اوبترا
 

طبعا هو من المقارنة اللي حضرتك عاملها من الواضح انك هتجيب اوبترا مستعملة او لوجان جديدة وفي الحالة دي ارشحلك اللوجان جديدة لاني المستعمل يخوف لكن لو تقصد اوبترا جديدة يبقي اوبترا طبعا واصلا دي فئة ودي فئة تانية خالص ولو حاجة بردو قريبة من رينج العربيتين فيه عندك الافضل لانسر او نيسان انا كنت محتار زيك نفس الحيرة بس دلوقتي حيرتي كلها بقت بين لانسر ونيسان

رد: لوجان و لا اوبترا
 

سعة المحرك 1598عدد السلندرات 4 القوة ( الحصان / دورة * دقيقة ) 107/5800 العزم (نيوتن / دورة × دقيقة) 150/3600 صندوق التروس اوتوماتيك عدد السرعات 4 قاعدة العجلات 2600 طول / عرض / ارتفاع 4295 * 1725 * 1445 سعة خزان الوقود (لتر) 6 التسارع (الثانية) 11.5 السرعة القصوى (كم/ساع) 187 معدل استهلاك الوقود (1لتر/100كم) 6 المكيف يوجد عدد الأبواب 4 مواصفات اخرى شبابيك كهربية -- قفل مركزى -- نظام الفرامل المانع للانغلاق-ABS -- وسادة هوائية للسائق -- حامل اكواب -- مسند زراع امامى
اللوجان
لوجان سيدان
لوجان MCV

• الطراز صالون
• المحرك الاساسي 1.6 / 90 / 4
• المحرك الاختياري غير متوفر
• منظومة الدفع امامى
• ناقل الحركة يدوى 5
• الطول 4250
• العرض 1740
• الارتفاع 1525
• قاعدة العجلات 2630
• وزن السيارة 980
• سعة خزان الوقود 50
• من 0 الى 100 كلم 11.5
• السرعة القصوى 175
• معدل استهلاك الوقود 7.3
• وطبعا انا برجحلك الاوبترا برقبته اللوجان
• برغم ان اللوجان عربيه ممتازه بس الاوبترا عمليه وفيها كل اللى تحتاجه

رد: لوجان و لا اوبترا
 

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
http://www.loganclub.ro/
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور

http://www.masrmotors.com/vb/showthread.php?t=67787

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.masrmotors.com/vb/forumdisplay.php?f=160

رد: لوجان و لا اوبترا
 

لو اوبترا مستعمل و رينو جديدة ..تبقى اللو جان
انما لو اوبترا جديدة ..حرام عليك تدفع الفلوس دي فيها ..
النترا جديدة الشكل القديم او اللانسر او حتى الصني ..
الشيفروليه الكوري .. وحش اوي
و ربنا يكرمك