الى ملوك الجدعنه : طالب عربي بينكم يستنجد
 

السلام عليكم ورحمه الله
انا طالب يمني فيي الزمالة المصرية تخصص عيون ومعايا مراتي وابني ..
والمستشفى اللي حتوزع فيه بعيد اوي عن عنوان بيتي ..
بصراحه محتاج عربية للمشوار الجااامد ده ..
وفلوسي على قدي يعني ممكن اجمعلي حدود 15الف جنيه او بنظام تقسيط كل شهر 600 جنيه .
بس والله حرااااااااااااااااااااااا ااام اسعار العربيات عندكم عالية جدا جدا جدا اغلى من عندنا ب 3 مرات ؟؟؟
كنت عايز عربية بتكييف صغيرة وجديده ولم تستعمل موديل سنة 2008 او 2007 عشان الجديد عالي جدا ..
ومافيش ولا شركة عربيات بتنفعني او تضمن طالب ؟؟؟
كنت بفكر لو فيه طريقة اجيب عربية من اليمن او السعودية وادخلها مصر حتى لو اعملها باسم صاحبي اللي في البكاليريوس .. ياريت لو حد يكون عنده خلفية كويسة في الموضوع ده يفيدني

اخوكم محتاج مساعدتكم ... فلا تبخلوا علينا بنصائحكم ومعلوماتكم
مع جزيل الشكر

رد: الى ملوك الجدعنه : طالب عربي بينكم يستنجد
 

اهلا بيك فى مصر (ام الدنيا) وفى مصر (موتورز) نورت الدنيا كلها ptmnlo123per122

اعتقد التقسيط صعب لكن ممكن تزود شوية وتجيب حاجة مستعملة ولما تخلص تبيعها

بالنسبة لانك تدخلها من برة فديه فكره كويسة بس انا شخصياً مش ملم بيه اوى

عامة الموضوع ده هتلاقى فيه بعض التفاصيل وان شاء الله باقى الاعضاء يقدروا يجاوبوك افضل منى

قواعد إدخال السيارات إلي مصر

رد: الى ملوك الجدعنه : طالب عربي بينكم يستنجد
 

هلا وسهلا بالأخ الغالي ابو نورا

والله نظام ادخل عربيتي من اليمن للاسف الشديد اطلعت على نظام التريبتيك المعمول به عندكم ولقيته انه يخليني ادفع زياده على الأقل في ظرف 3سنين 10 الف جنيه كلها ضرائب ؟؟؟؟ يعني بلاش من الاخر ,,
طيب رأي حضرتك ايه ؟؟؟ ترشحلي ايه ؟ وفين وازاي ؟؟

رد: الى ملوك الجدعنه : طالب عربي بينكم يستنجد
 

هو المشكلة ان 15 دول قليلين شويتين على الحاجات اللى حضرتك طالبها

يعنى محتاج عليهم 10 كمان علشان تفكر فى عربية معقولة وفيها تكييف وموديل تسعينات مثلاً

انصحك تتابع السيارات المعروضة فى قسم اعلانات البيع وموضوعات اسعار المستعمل وتشوف ايه العربيات اللى ممكن تكون مقبولة بالنسبالك واحنا هنساعدك فى المقارنات وفى تقييم العربية ان شاء الله

رد: الى ملوك الجدعنه : طالب عربي بينكم يستنجد
 

بصراحع انا مابفهامش في العربيات ..حضرتك اعتبرني اخوك الصغير واختارلي مع اني حجلس في مصر 3 سنين على الأقل وممكن اتسلف الهشرة الباقيين بس لو تنازلت عن التكييف ترشحلي ايه ؟

رد: الى ملوك الجدعنه : طالب عربي بينكم يستنجد
 

بس اللي اعرفه يا ستاذ دايسكي ... ان الطلاب العرب ممكن يدخلو عربيات بدون دفع جمارك طوال فتره دراستهم ... لكن بتدفع مبلغ كل 6 شهور رسوم و تجديد او. حاجه زي كده .. زي رسوم تجديد الرخصه عندنا ..
لكن ده طوال فتره الدراسه بس ... معرفش ظروف الزماله ايه طالما حضرتك ابتديت تشتغل

هي اهم حاجه في العربيه حالتها ...
واعتقد ان اي عربيه صغيره بقطع غيار متوفره بسعر معقول حتبقى مناسبه لحضرتك

بالنسبه لرينج ال 15 الف
127 - 128 - فولكس بيتلز - بولونيز - لادا

رينج ال 25 الف
131 - بيجو 504 - مازدا 323 - ريجاتا
وبرضو ممكن لادا او 128 بس موديل اعلا


لكن لو لقيت قدامك سيات ابيزا او فيات اونو او كيا برايد حالتهم كويسه وسعرهم مناسب يبقى ممتاز

رد: الى ملوك الجدعنه : طالب عربي بينكم يستنجد
 

الله يعينك وشد حيلك دراسة الزمالة صعبة وربنا معاك ويوفقك فى العربية والسكن والدراسة والمعيشة و مرحبا بك فى الدوامة

د.محمود حاصل على الزمالة المصرية لطب الأطفال