|
مساعده بخصوص الشكمان (هام)
السلام عليكم جميعا يا شباب انا في الفتره القادمه ان شاء الله هبدا تعديل سياراتي كليا بس مش كليا اووي يعني ههههههههه و كنت عيز ازود اداء الموتور بدون تغيير الموتور و انا كنت عدلت الموتور بتركيب وش سلندر موتور البرستيج ال 2000 سي سي علي الموتور الخاص بي ال 1600 و بدات افكر هركب ايه فلتر هواء رياضي بوجيهات سبليت فاير و لازم شكمان رياضي فا بدات ادور علي الحوار ده فا دلوقتي انا كل المحتاجه من الشكمان (اداء عالي - صوت هادي غير مزعج في السفر ) http://i30.photobucket.com/albums/c3...st/D6_0292.jpg فا ناس قلتلي راكب هيدرز بس و ناس قلتلي ركب علبه شكمان بس و ناس قلتلي ركب شكمان كامل رياضي و هيبقي صوته هادي فا انا مش عارف اعمل ايه شكمان كامل ولا هيدرز ؟؟ و مين هيزود الاداء اكتر و شكرا لتعبكم معايا |
رد: مساعده بخصوص الشكمان (هام)
ايه يا شباب فين هميتكوو
|
رد: مساعده بخصوص الشكمان (هام)
كان نفسي أخدمك بخصوص هذا الموضوع لكن مابليد حيله ........... لكن بالنسبه لفلتر الهواء أنا عمل موضوع حيخدمك جدا إن شاء الله
تركيب الفلتر بطريقة صحيحة لزيادة قوة المحرك (عدد الأحصنه) راجع الموضوع إللي أنا عملته قبل كده بخصوص الفلتر |
رد: مساعده بخصوص الشكمان (هام)
معلش يا بيجو انا معنديش الخبرة اللى تفيدك بس انا بقول انك تغيير الشكمان كاملا ودي مش معلومه مأكدة
وربنا يوفقق وتجدد العربية وتطلع احلى بيجو بأذن الله وأبقى قولنا اخبرها لما تخلص علشان نباركلك |
رد: مساعده بخصوص الشكمان (هام)
ان شاء الله لما اخلص العربيه بالكامل هورهلكم و هشرحلكم عملت ايه
و برده مستنين الرد من اهل الخبره |
رد: مساعده بخصوص الشكمان (هام)
مبدئياً يا نور بدام الموتور هو هو فالفرق مش هيبقى كبير لان الشكمان الاصلى متصمم بشكل يناسب متوسط الخرج بتاع الموتور بقوتة ديه
لكن لو الموتور اكبر او هتركب تربو يبقى لازم تغير كله من اول الهيدر للشكمان كلة ديه بعض النصائح لتعديلات نظام العادم عامة - بالنسبة للهيدرز يفضل انها تكون مصممة بشكل 4-2-1 يعنى اربع مواسير خارجة من الموتور تدى ماسورتين ثم ماسورة واحدة (اللى هى الرئيسية لعلبة الشكمان) فى العربيات العادية بتبقى 4-1 فى العربيات السبور اكتر بتبقى 4-2-2 والخرج بيبقى على ماسورتين وديلين شكمان (ده للمواتير الاكبر من 3 لتر ) - احيانا تستخدم مواسير وهيدرز مطلية بالسيراميك او مغلفة بمواد توصيلها الحرارى قليل لان كل ما كانت المواسير والهيدرز اقل حرارة كل ماكان افضل للمحرك ولخرج العادم - عامة للمحركات الاقل من 2 لتر ينصح ان مواسير الشكمان تكون بقطر 1.5 - 2 بوصة - يفضل ان المواسير تكون من الاستانلس ستيل لانها اكثر نعومة وبالتالى اقل مقاومة للهواء وبتبرد اسرع واقل عرضة للصداء - اذا كان تصميم مواسير الشكمان فيه تعرجات كتير فتغيرها بمواسير مستقيمة اكتر هيأثر ايجابياً فى الاداء لان كل ما المواسير طولها قل كل ما كانت افضل (لاحظ فى العربيات السبور والعربيات الخاصة بالدراج مواسير الشكمان بتبقى قصيرة جداً) - علبة الشكمان وظيفتها الاساسية تقليل الانبعاثات حفاظاً على البيئة وتقليل الضوضاء واحيانا بيكون فيها سنسور (فى المحركات المدارة الكترونيا) - نهاية الشكمان (ديل الشكمان) مش مؤثر فى الاداء لكن مؤثر اكتر فى الصوت كل ما كان الديل اوسع كل ما كان الصوت اكثر ضخامة (نفس نظرية الصب ووفر لاخراج صوت البيز) موقع شركة ديفيل المتخصصة فى صناعة الشكمانات الرياضية http://www.devil-exhaustcar.com مواقع شركات متخصصة فى نظم العادم الرياضية <table border="0" cellpadding="0" cellspacing="0" width="825"><tbody><tr align="left" valign="top"><td><table border="0" cellpadding="0" cellspacing="0" width="246"><tbody><tr align="left" valign="top"><td class="TextObject" width="210"> </td></tr></tbody></table></td><td> </td><td> </td></tr></tbody></table> |
رد: مساعده بخصوص الشكمان (هام)
مش عارف اشكرك ازاي يا وائل باشا
و ان شاء الله اجيب شكمان كامل و اريح دماغي |
| الساعة الآن 10:41 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017