هام جدا ارجوا القراءة بخصوص كوارث لاقدر الله قد تحدث فى يوم 26/9/2011
السلام عليكم ورحمة الله وبركاته شباب انا سمعت والله اعلم ان بعد حوالى اسبوع او اقل من الان حيحصل كوارث فى الارض واله اعلم وان دول عظمى زى اليابان و وكل الدول اللى مطله على المحيط الهادى حيحصل فيها كوارث بمعنى الكلمة غير زلازل تتعدى قياسها 12 ريختر عارفين يعنى ايه 12 ريختر غير والله اعلم يقال ان هيحصل كسوف للشمس لمدة ثلاث ايام كل ده بسبب (مذنب ايلين)( ممكن تعملوا بحث على جوجل وتتاكدوا من كلامى) على فكره انا بتكلم بجد والله وفيه عالم سعودى قال ان الكلام ده مش هيمس دول الشرق الاوسط واللى احنا منها بس الله اعلم الحقيقة فيين وانا لا يسعنى غير انى اطلب الرحمة والمغفره ليا ولكل المسلمين من الله عز وجل الرحمن الرحيم الغفور اللطيف اللهم هون اللهم هون اخوكم فى الله سيد |
رد: هام جدا ارجوا القراءة بخصوص كوارث لاقدر الله قد تحدث فى يوم 26/9/2011
والله يا عم سيد انا عمال اقول الكلام ده فى كذا موضوع بقالى فترة والمفروض الحكومات فى كل مكان يبقى عندها اجراءات للتصرف فى حالة حدوث اى كوارث بيئيه او طبيعية لكن للاسف احنا دايما نتستنى لحد ماالمصايب تحصل وبعدين نشوف هنعمل ايه
ربنا يسترها علينا وعلى عيالنا ويحسن ختامنا جميعا ياااااااااااااارب |
رد: هام جدا ارجوا القراءة بخصوص كوارث لاقدر الله قد تحدث فى يوم 26/9/2011
ده خبر من موقع اليوم السابع زياده فى المصداقية بعد اذن ادارة الموقع
http://www.youm7.com/News.asp?NewsID=495668&SecID=89 وفيه ان رئيس جمعية الفلك بيقول ان المذنب مش هيعمل حاجه والله اعلم اشهد ان لا الله الا الله اشهد ان محمد رسول الله اللهم ادخلنى جنتك برحمتك وليس بعدلك يا ارحم الراحمين |
رد: هام جدا ارجوا القراءة بخصوص كوارث لاقدر الله قد تحدث فى يوم 26/9/2011
على فكره اللى اعرفه برده كلها اخبار قد يكون فيها الصح وقد يكون فيها الخطاء ان روسيا الان بتنى زى مخابىء تحت الارض ضد الهجمات النووية ومش عارف ايه تانى طيب روسيا تعمل كده ليه وهيا حاليا صعب انها تدخل حرب بالذات بالنووى مع حد تانى مع العلم انى عرفت انهم هيبنوا مخابىء باعداد كبيرة جدا بص يا اخى والله انا انسان قد اكون مقصر فى العباده وانا اعترف بذلك وارجوا ان يسامحنى الله ولكن كل ما اريده من الله عز وجل عندما تحين ساعتى ان اكون فى خير اعمالى وتكون خالصه لوجه الله تعالى وان الله عز وجل يدخلنى الجنة برحمته لانه رحيم غفور وان عيلتى كلها تدخل معايا الجنة برحمة ربنا وصدقنى ما الدنيا الا ساعه وانها فى زوال
اللهم اغفر للمسلمين والمسلمات الاحياء منهم والاموات سبحانك فانت الرحمن الرحيم الغفور فالطف بنا يالله . |
رد: هام جدا ارجوا القراءة بخصوص كوارث لاقدر الله قد تحدث فى يوم 26/9/2011
انا رائي حقوله كده
كذب المنجمون ولو صدقوا انتوا عارفين يعني ايه 12 ريختر؟؟؟ |
رد: هام جدا ارجوا القراءة بخصوص كوارث لاقدر الله قد تحدث فى يوم 26/9/2011
يا جماعة الموضوع مش تنجيم وديه دورة حياة الارض كل فترة بتحصل تقلبات تعيد تشكيل الكرة الارضية وده متوقع يحصل عموما ما بين نهاية 2011 الى نهاية 2012 ومش بنقول القيامة هتقوم بس بنقول فيه مؤاشرات كتير ان كوارث كبرى هتحصل فمفيهاش حاجة نكون مستعدين يا ناس
|
رد: هام جدا ارجوا القراءة بخصوص كوارث لاقدر الله قد تحدث فى يوم 26/9/2011
عموما كلامك مظبوط مفيش مانع نكون مستعدين
اليابان تخطت الازمه لان عندا خطة ما بعد الكارثه لكن احنا في مصر لسه محتارين ندخل الجمام بالرجل الشمال ولا اليمين ده احنا كم مظاهره علي كم اضراب البلد واقفه امال لو كان حصل زي اليابان لا قدر الله ربنا يلطف بينا |
الساعة الآن 02:05 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017