مصر موتورز مجتمع السيارات - بالله عليكم افيدونى فى ال128

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - بالله عليكم افيدونى فى ال128 (https://www.masrmotors.com/vb/showthread.php?t=67960)

بالله عليكم افيدونى فى ال128

اكرمكم الله بصراحه دى اول مشاركه لى فى منتدكم العظيم وجزاكم الله خيرا على المعلومات القيمه جدااا اولا انا ربنا اكرمنى بعربيه 128 موديل 89 الحمد لله مش وحشه شكلا بس فيها مشكله اظن كدة العربيه بيطلع منها دخان من تحت الكبوت لما جيت اشتريها صحابها قالى للامانه المكنه خفيفة فى ناس قالت لى عايزه عمرة كامله وفى ناس قالت عايزه طقم شنبر وناس قالت غير الموتور وريح نفسك فانا مش عارف وخايف اروح لحد يشتغلنى والمكنه دى هى الموتور ولا حاجه تانيه هى العربيه مش وحشة بالعكس حاله 90% حلوه بالله عليكم افدونى اولا اعمل ايه اغير موتور ولا طقم شنبر ولا عمرة وياترى تكاليف الاحتمالات ال3 ايه على فكرة هى معايا بقالها اقل من شهر رجاء سرعه الرد

رد: بالله عليكم افيدونى فى ال128

اهلا وسهلا بيك فى مصر موتورز
اخوك محمد جاب عربيات 128 كتير اوى
اولا الف مبروك على السيارة وربنا يديك خرها ويكفيك شرها
ثانيا المكنة يقصد بها الموتور + الفتيس المهم ناخد حركة فى الاخر
نيجى بقى لمشكلتك
روح لميكانيكى يفك وش السلندر بس ويشوف الشمايز فيها عتب ولا لا
لقى الشمايز كويسة يبقى تكمل فك الموتور وتعملة عمرة او هاتبقى نص عمرة بمعنى انك بعد الفك اكيد بما ان الشمايز كويسة يبقى البساتم كويسة والكلام دة طبعا لو الموتور مفهوش ترزيع ..........باختصار وبدون دخول فى فنيات لو الميكانيكى قال ان يمشى الحال فى طقم شمبر وتظبيط الوش يبقى اتكل على الله وكمل ..........انما لو فى اكتر من كدة زى مثلا طقم سبيكة او بساتم او خرط شمايز تخلية يقفلة تانى ونروح نجيب موتور استيراد
بالنسبة للاسعار
طقم شمبر فى حدود 600 جنية
عمرة كاملة فى حدود 1500 جنية
موتور استيراد 1500 جنية بدون فتيس
يبقى الحل الامثل بالترتيب طقم شمبر ( نصف عمرة )
2- موتور استيراد
وربنا يوفقك واى استفسار تانى انا قاعد لغاية الساعة 3 عصرا

رد: بالله عليكم افيدونى فى ال128

يا بشمهندس ازاي دخان بيطلع من تحت الكابوت المفروض تعرف الكلام ده من الشكمان لو بيدخن لكن ازاي يعني دخان طالع من تحت الكابوت

وثانيا الدخنه ديه ليها اسباب يعني الدخان عندك لونه ايه ابيض ولا ازرق ولا اسود

وديه تفاصيل هتفيدك عن الوانهم واسبابهم من موضوع لازميلنا في المنتدي حبيب الناس

اقتباس:

المشاركة الأصلية كتبت بواسطة حبيب الناس (المشاركة 178448)

الدخان الأسود

يعني احتراق غير كامل للوقود يتصف بتسببه للاختناق السريع طبعا تختلف كثافة الدخان تبعا للحالة اذا كانت شديدة ام لا . أول أسباب الدخان الأسود خلل في عوامة الوقود في الكربريتر وتحتاج وزن أو تغير اذا كانت تالفة ، أو ان لوحة الخانق ( اللوحات الدائرية الشكل التي داخل اسطوانات الكربريتر التي تفتح وتغلق الفتحة ) التي تشغل السيارة وهى باردة علقت وتحتاج لتحرير بمنظف بخاخ الكربريتر كما تشمل قائمة الأسباب الحالات التالية :

1. مجس الأوكسجين تالف بالذات في السيارات الإنجكشن .

2. تلف في كومبيوتر السيارة المسئول عن تزويد السيارة بالوقود وممكن غبرة تسبب العطل استعمل بخاخ تنظيف خاص بالكمبيوتر .

3. منظم ضغط الوقود عطلان .

4. سدد فلتر الهواء أو حاقن تالف .

5. ترك العطل بـدون إصلاح يـؤدي لتلف في الصفيات التي في الشكمـان ( الكاتلك او علبة الرصاص ) وممكن تدخل في تكاليف زائدة .

6. تأكد من هذا العطل هل هو في الوقت الذي تكون فيه السيارة باردة ام لا اذا كانت باردة ستكون المشكلة في نظام التشغيل البارد في اغلب الأحيان .

الدخان الأزرق

الدخان الأزرق: يعني أخباراً سيئة أي أن المحرك يحرق الزيت.. السبب الرئيس قد يكون حلقات مكابس متآكلة أو مكسورة وطبعا تتفأوت النسبة بتفأوت التلف وهناك حالتين لاحتراق الزيت تدخين مستمر وفي الصباح عندما تكون السيارة باردة .

1. اذا كان مستمر فهذه البداية لنهاية المحرك والتبويش والخلل قد يكون في

2. تلف الشنابر .

3. تلف في جدار الاسطوانات .

4. تلف في البساتم

أما اذا كان وقتي عند التشغيل

1. تلف في مجاري البلوف .

2. تلف في جلود الجايدات .

الصورة تظهر جلدة الجايدة بعد إزالة السستة والبلف :
والاثنين اسوأ من بعض...

له عادة رائحة اللحم المحمص المحروق.. عليك بفحص مستوى الزيت عبر عصا فحص زيت المحرك لمعرفة مدى انخفاض الزيت في المحرك ( أضف الزيت حسب الحاجة لإعادته إلى الحد الأعلى المطلوب. لا تدع مستوى زيت المحرك ينخفض إلى حد كبير جداً وإلا فإن ذلك سيتسبب بنتائج خطيرة، كذلك عليك بالقيام بفحص نسبة الانضغاط أو فحص التسرب لتشخيص كفاءة المكابس وحلقاتها ).

الدخان الأبيض

سببه دخول الماء إلى غرف الاحتراق نتيجة تلف في وجه الرأس وهذا أكثر الاحتمالات الثاني شرخ في جدار الاسطوانات أو شرخ في الرأس. اذا فتحت غطاء اللديتر والسيارة باردة ممكن تشوف ان هناك مواد بيضاء تعوم وتجري مع الماء تدل على اختلاط الماء بالزيت .

واخيرا لو لقيت عمرة الماتور هتكلفك قد قرب تمن الماتور يبقي تجيب ماتور استيراد نضيف وتريح نفسك وافضل ماتور يركب علي ال 128 اللانشيا والاونو

رد: بالله عليكم افيدونى فى ال128

اخى العزيز " corsair "
الدخان اللى بيطلع من الكبوت دة بتاع فايظ الموتور والناس بتشيل الخرطوم دة اما الفايز بيتمزج بالزيت المحروق وبيسد الكربارتير ويعمل مشاكل فى السحب والدوارة
اما الدخان اللى بيطلع من الشكمان دة سببة الاساسي جلد الصبابات

رد: بالله عليكم افيدونى فى ال128

شكرا جدا ا/محمد على الرد المفيد وجزاكم الله خيرا على المعلومة التى افادتنى كثيرا وان شاء الله هروح لمكانيكى يكون يبتقى الله واساله اما بالنسبه لموضوع الدخنه فانا سالت واحد قالى ركب خرطوم فايظ ونزله فى الكبوت لتحت العربيه بس يكون خرطوم طويل شويه يعنى كده ان ماخافش من العربية يا ا/ محمد ولو جت فى عمرة او نص عمرة العربيه هتتظبط ان شاء الله
ولا ايه
:GROWIN~12:

رد: بالله عليكم افيدونى فى ال128

انا بقول تجيب ماتور استيراد ارخص

عندك اخوك الشيخ طارق ابو زيد حبيب قلبى
بيبيع الحاجات ده
و هيفيدك باذن الله فى المواتير

تحياتى
:Bravo::Bravo::Bravo::Bra vo::Bravo:

رد: بالله عليكم افيدونى فى ال128

السلام عليكم ورحمة الله وبركاته
اهلا بيك معانا اخى هريدى
مشكلتك مثل مشكلتى تماما حاليا والفكره كلها تتمثل فى ان الموتور عندنا احنا الاتنين خفيف

المهم انا عن نفسى عندى نفس مشكلتك تمام بس انا هسيب الموتور لغاية ما يكون جاب اخره واول ما يطلع زيت على البوجيهات هروح عمل عمره كاملة ليه علشان معنى انك بتعمل عمره كاملة للماتور انك بتحط كا حاجه جوه الموتور جديده تماما وبتبقى متاكد ان الموتور ده هيشتغل معاك لمده كبيرة من غير اعطال ميكانيكية بداخل الموتور بس لازم تعرف ان لازم لما تيجى تعمل عمره تكون عارف ميكنيكى كوييييييييس جدا جدا جدا جدا جدا لان لو الميكانيكى شاطر هيعملك العمرة بمنتهى الحرفية وبالتالى يبقى معاك موتورك احسن من الجديد بس لو الميكانيكى تعبان هيبهدل الموتور الى الابد ومش هينفع تانى وتكون خسرت مرتيين انك عملت عمره واشتريت موتور استيراد بدل الى باظ المهم مشكلة انك تشترى موتور استيراد انه بيبقى كانك بتشترى بطيخه وانت وحظك ياحمرا يا قرعه يعنى ممكن تشترى موتور 5 او 6 شهور تلاقيه عاوز عمرة وحتى لو اشتريت موتور نضيف فى اعتقادى اقصى مده ممكن يستحمل فيها سنتين او ثلاث سنوات وبعد كده يحتاج عمره غير كده لسه بقى تروح المرور علشان تثبت الموتور الجديد ووجع دماغ بس زى ما بقول لحضرتك لو تعرف ميكانيكى شاااااااااااطر جدا جدا جدا يبقى عمرة واتكل على الله عز وجل مش واثق فى الميكانيكية اللى عندك يبقى موتور استيراد بس ده خيار مش بفضلة وممكن لو فيه ميكانيكى شاطر وواثق فيه وكده لو اغلى شوية مش مشكلة خالص المهم ان انتا بتدفع الفلوس ووجع الدماغ هيه مره واحده بس لمدة حوالى اسبوع اينعم هيكون اسبوع فل ولازم تكون مفضى نفسك وتروح للميكانيكى من اول اليوم لاخره لمدة اسبوع ورجلك على رجله على طول فى اى حاجه بيعملها بس بيبقى اسبوع وحيد فى حياتك وبالمرة بقى كمالة المصاريف تجيبلك طرمبة مياه وطرمبة بنزين واللذى منه وردايتير وكده بس طبعا تبقى حاجات نضيفه بس الكلام اللى بقوله ده لو حضرتك ناوى ان العربية ديه تقعد معاك على طول ومش ناوى تبيع بس لو هتقعد معاك سنه ولا اتنين يبقى طقم شنبر وخلاص ب 500 او 600 جنية وخلص الحوار وقضيها بالعافيه وبعد كده هات اللى عاوز تجيبة وبعها على عيبها ما كده كده هتخسر فيها حتى لو صرفت عليها وظبتها ولو مش واثق فى الميكانيكية اللى عندك لو انت قريب من دار السلام فيه الميكانيكى اللى بتعامل معاه راجل اكثر من رائع بس غالى شوية بس ولو عاوز كهربائى بردوا عندى فى دار السلام كهربائى وبردوا واااد جامد بس عيبه غالى شوية وهتلاقى تجاربى معاهم فى مواضيعى ووالله انت تؤمر وبس كده
اخوك الصغير سيد