|
اسف مقارنة و طلب غريب شوية
السلام عليكم و رحمة الله و بركاته
إخواني انا اعرف انه لا توجد سيارة بها كل شئ و لكن قد يكون لان طلباتي قليلة اصبح المعروض او المتاح كثير و محير فارجو من إخواني بصدق و عن تجربة ان يساعدوني في اختيار سيارة حسب متطلباتي للعلم هي ستكون سيارة ثانية مخصصة في الاغلب للسفر و المناسبات العائلية ( اقصد ان يكون معي الاسرة ) لان معي ماروتي تكفيني في مشاويري داخل البلد الى حد ما.و لا يهم مانيوال او اتوماتيك و الاهم اني لا يهمني فخامة الشئ قدر ما يهمني ان يكون اعتماديا فمثلا التابلوه الفخم شئ مميز و لكن الاهم ان يحتفظ بجودته اطول فترة بدون تغير فيه فهذا قصدي بكلمة اعتمادية و لا مانع طبعا من بعض الدلع المتطلبات: 1- واسعة من الداخل و خاصة الكنبة لخلفية. 2- شنطة واسعة لأننا اسرة من 5 أفراد. 3- مش مهم ثمن قطع الغيار المهم توافرها و ان تكون معمرة. 4-لا يهمني التسارع و الجري و الغرز و غيره 5- تكييف و باور 6-الثبات و عالية عن الارض و الامان( و كلما زاد الامان كلما كان افضل 2 ايرباج مهم دعامات في الابواب مهم و ياريت abs و يفضل ebd وباور محكم ) 7 - سهل صياناتها خارج التوكيل . 8 - مش مهم اوي سعر اعادة البيع لاني بإذن الله لن ابيع قبل 10 سنين 9 - عالية عن الارض علشان المطبات عندنا بخيرها و العفشة تكون متميزة علشان الطرق عندنا صعبة جدا انا من النوع اللي يحب يحافظ على السيارة و لا احب ادفع فلوس لن يكون لها عائد على انا رسيت على سيارتين ارجو ان تفيدوتي في ضوء ما سبق فرق السعر بينهم سوف يشعرني بفرق يساوي فرق الثمن؟ السيارتين هما رينو لوجان و هيونداي النترا مانيوال و اسف على الاطالة |
رد: اسف مقارنة و طلب غريب شوية
في ضوء ارتياحك لعربيتين الي هما لوجان والنترا طبعا حضرتك لو بتكلم عن الشكل القديم هتبقي تقريبا 95 الف مانيوال تقريبا اما الشكل الجديد فـ 115 مانيوال تقريبا اما اللوجان فهي 71 الف بلاك لاين 2012 وان كنت انا بميل للوجان مش لفرق السعر لوحدو . ولكن العربيه فيها معظم طلباتك . طبعا السعر مش عايز كلام وهيوفرلك كتير . واسعه ومريحه . عاليه عن الارض بالنسبه للالنترا . مش هتلاقي ايرباج في الالنترا المانيوال . تقريبا دا كل الي اعرفو ومنتظرين رد باقي الاعضاء المتخصصين أه نسيت حاجه الالنترا كفايه ان توكيلها غبور . بصراحه متعاملتش معاه بس خلي الاعضاء الي اتعاملو معاه يقولولك عليه |
رد: اسف مقارنة و طلب غريب شوية
لوجان ممكن
|
رد: اسف مقارنة و طلب غريب شوية
متابع بأهتمام
جزاك الله خير نفس تفكيرى بس أنا بدور على مستعمل فى حدود 40000 الف |
رد: اسف مقارنة و طلب غريب شوية
متابع بأهتمام
جزاك الله خير نفس تفكيرى بس أنا بدور على مستعمل فى حدود 40000 الف |
رد: اسف مقارنة و طلب غريب شوية
اقتباس:
|
رد: اسف مقارنة و طلب غريب شوية
ألكلام النهائي فى
رينو لوجان اوربي ( فرنسي - رومانى ) تقفيل المغرب اهم المميزات اهم واحدة >> عالية عن الارض بطريقة فظيعه مش هتحك مع اى مطب مستحيل حتى لو محمل 6 افراد فيها والشنطة مالينة مصفحة من تحت كمان ودا مش موجود فى فئتها العربية الوحيدة اللى تحت الـ 100 الف نازلة بكاوتشات 15 العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى عفشة نعمه مالهاش زى انعم دبرياج هتشوفه فى حياتك كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف اير باج مستوى امان 3 نجوم اوسع شنطة 510 لتر امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع موفرة فى البنزين بسبب ان الماتور 8 صباب ( يفضل بنزين 92) اوسع صالون فى فئتها واوسع تانك بنزين اكتر من (60 لتر بالاحتياطى ) صاج اللوجان صاج قوى والاقوى برضوا فى فئتها طبعا فى اوبشنز تانية يختلف على حسب اذا كنت هتجيب هاف او فول اوبشنز ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو * العيوب ( ومش هنسميهاعيوب ) هنسيمها حركات غلسة بس هتتعود عليها الكلاكس فى درع الاشارة زارير الازار فى التابلوة ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية تنك البنزين والشنطة بمفتاح ترجيع الكراسي بتقعد تلف البكرة صوت الماتور عالى سنة الباور تقيل شوية ودا لثبات العربية على السرعات العالية رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو * قطع الغيار بدات فى الانتشار الفانوس الامامى ب 250 جنية والخلفى ب 150 وجوز المقصات ب 400 جنية ثمن الفول اوبشنز 70 الف جنية وتمنها برة تمنها الاصلى 7500 يورو يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك ودا المصدر http://www.loganclub.ro/ نوع العربية Preference 1.6 MPI 90 CP بعشقها عشق لولو حبيبتى وبس يا سيدى وان شاء الله ربنا يوفقك فى اختيار العربية المناسبة لك ----------------- العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية تقرير مفصل عن العربية بالشرح والصور http://www.masrmotors.com/vb/showthread.php?t=66948 بتنزل على 5 ماركات فى كل انحاء العالم فى اسيا وافريقيا والشرق الاوسط Renault Logan وروسيا فى رومانيا والبرزيل وامريكا الجنوبية Dacia Logan فى الهند Mahindra Renault Logan فى اليابان Nissan Aprio Tondar 90 فى مناطق بدول العالم دى فيدوهات ليا بالعربية Logan 180 km/h with 6 Passenger [1] - YouTube 180 و 6 راكب وغرز بيها على الطريق الصحرواى - مصر اسكندرية ودا لما عديت الـ 180 Logan 180 km/h with 6 Passenger [2] - YouTube واتفضل اسال فى اى وقت ودا قسم اللوجان بالمنتدى http://www.masrmotors.com/vb/forumdisplay.php?f=160 |
| الساعة الآن 07:48 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017