|
المطبات و الشكمان
يا جماعة انا بصراحة مرتاح جدا للفيرنا بس شايف مشكلة واحده بس خنقانى منها وهى انها واطيه - يعنى بتحك فى المطبات - واحنا عندنا المطبات فى مطروح كل 50 م تقريبا ايه الحل وارجو ان يكون الحل فعلا عملى لعلبة الشكمان |
رد: المطبات و الشكمان
يبقي نصيحه متجبهاش
لونها معموله تاكسي عندكم بعدين مطروح صغيره وشوارعها نضيفه هاتلك حاجه تانيه لو عايز نفس الفئه يبقي لوجان او لانوس او افيو او اعلي وهات نيسان او تيجو ده رائي المتواضع |
رد: المطبات و الشكمان
نفس المشكلة كانت عندى فى السويس لحد ما كنت فى التوكيل وقالى العلبة المصفة بتاعتها باظت وغيرتة جابلى واحد رفيع جدا لدرجة انى شكيت انة بتاعها لانة صغير بطريقة ملحوظة والزلومة المشهورة بتاعتة مش موجودة حتة حديدة 10 سم بس معوجة بشكل جميل قلتة لاة مش عايز لانى شاكك الصراحة دخلنى وورانى كل العجل الجديد جوة نفس الشكمان بالمللى هوهو المهم ركبت والله اكاد اكون مبسمع صوتة بيحط اساسا ولا مرة والله كلام عن تجربة شوفة وجربة حاجة تانى
بالنسبة للوجان هى جميلة انما شكلها فقير كماليات فقيرة جدا والكالاكس فى الدراع زى الميكروباص الافيو مش حلوة طبعا والناس بترميها لانها كلها عيوب ودا كلام توكيل كمان واسال وشوف وانما الصينى دا عن راى ازبل عربية ممكن تركبها اما الصينى اولا غالية ثانيا عاملة زى البطيخة ممكن تطلع حلوة وممكن اكثر يبقى كلها عيوب انما العيب المذكور فيها ضعف السحب وبيزيد بطريقة ملحوظة مع التكييف دا برضة بيعيبها انما واسعة وشكلها معقول لكنى بكرة االنيسان لضعف توكيلها اللى فى مصر دا راى شخصى يعنى محدش يهاجم ويقول انت غلط وحوار اللى عندة راى عادى يقولة ومن حقك تنتقط بلطف شكرا ليك اخوك محمد |
رد: المطبات و الشكمان
يا راجل دا في مطروح المطبات اللي عالكورنيش جميلة و كنت باخدها عالتاني كمان
تعلى شوف الدلتا عاملة ازاي و انت تعرف لية العربية بنقول العربية بتحك :( (على فكرة مش بتحك غير لو محملها جامد) |
رد: المطبات و الشكمان
ركب العلبة الجديدة المضغوطة زى مو2010 وادعيلى
|
رد: المطبات و الشكمان
بص يا باشا بالنسبه للفيرنا فيه حلين لموضوع الإرتفاع دا الأول تركيب جنوط 14 ودا هيرفع العربيه وكمان هيزيد من اتزان العربيه لذالك بتنزل العربيه الأتوماتك الفول اوبشن بجنوط 14
الحل التانى ودا مش مرغوب من ناس كتير هو تركيب علايات لسست المساعدين ودا بردو هيرفع العربيه وفى الحالتين العربيه صعب جدا تحك فى المطبات |
رد: المطبات و الشكمان
- كل العربيات فى فئة الفيرنا بنفس ارتفاعها عن الارض تقريبا ً
- ومشكلة الفيرنا ان نهاية الشكمان ملفوفة لاسفل - وممكن ناخد المطبات بزاوية عليها وتتحل المشكلة |
| الساعة الآن 01:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017