عيوب لانسر (شارك - بومة)
 

كل واحد بيفكر يشترى عربية بيحتاج يعرف عنها كل حاجة قبل ما يشترى
فى أماكن كتير هتلاقى المميزات أما العيوب فحبيت نجمعها فى موضوع واحد

يا ريت كل واحد عنده العربية وشايف فيها اى عيوب او يعرف حد عنده العربية وقابلته فيها عيوب يدخل يتكبها لنا هنا، عيوب فى العربية ، الصيانة ، التوكيل ، قطع الغيار ، كل حاجة
وآهو بالمرة نقدر نعرف العيوب دى ممكن تتحل ازاى لو ليها حلول (عشان اللى اشترى العربية خلاص)

أنا هابدأ برأى واحد صاحبى:
شارك : التكييف بتاعها مش قوى زى البومة
بومة : واطية شوية ومع الحمل بتقرب قوى من الارض كأنها هتلزق فى الكاوتشات بتاعتها

مين قابل عيوب تانية ؟

رد: عيوب لانسر (شارك - بومة)
 

انا معايا بومة 2007 اوتوماتك 1600
العربية مش واطيه ارتفاعها كويس جدا و متوازن علشان العلو بيقلل الثبات
العربية بشكل عام و عن تجربة 5 سنيين و ماشي 55000 كيلوا
جميلة جدا و
ثابته لو سفلت الطريق كويسه لل190 العربيه ثابته بدرجه كبيره جدا و اكتر من كده ماحولتش اجيب و كان ممكن تكمل و الدريكسيون ما بيلعبش و لا بيتهز و الثبات ده بيقل طبعا لو الطريق وحش بمطبات و نقر
و مش هنكر تفوق العربيات الالماني في الثبات و الهوندا سيفك عن الانسر بس طبعا ده فئه تانيه و بسعر تاني خالص
العربيات البعفشه اسبور انشف من العفشه العاديه و نظلم التعليق مختلف
العفشه العاديه ناعمه جدا و مريحه و ثابته و دبت العندي في العربيه
و العفشه الاسبور مقبوله نعومتها و بتزود ثبات العربيه في السرعات العاليه و الملفات القويه
و التابلوا الالوان الداخلية و الدريكسيون بسيط و شيك
مساحه كويسه جدا من جوه بالمقارنه بالهوندا سيفك و المازدا 3 و النيسان صني
و الكراسي مريحه و خصوصا بالمقارنه العربيات السابقه
معدل استهلاك البنزيين مع cvvt كويس جدا و خصوصا ان الجير بيحس بطريقه و اسلوب السواقه
رياضي و لا اقتصادي و علي حسب الطريقه العربيه بتظبط نفسها في التسارع و معدل استهلاك البنزيين
البنزيين نوعوا بيفرق جدا العربيه مع بنزيين 98 غير ال 95 غير 92 (الامارات)
مع 98 العربيه بتمشي باداء مختلف تماما في التسارع و استجابة العربيه و حتي معدااستهلاك البنزين بيكون اقل من 95
عيبوب العربيه
1-العزل سئ سماع صوت المحرك لو بتحرق او في كيك دون
التيدا و الكرولا و السيفك احسن من الانسر في النقطه ديت الا لو الموديلات البومه الجيده نزله بعازل صوت
2- عيب بسيط الدريكسيون بور هيدرولك في الموديل المعايا و تقيل شويه بدرجه مقبوله انا مش عارف الستيرنج في الفول اسبورت هيدرولك و لا اليكتروني
بس بردوا

رد: عيوب لانسر (شارك - بومة)
 

العربيه ديت لو بتحب الجري اثبت بكتير من الكرولا و اليارس و التيدا و الصني بكل موديلتهم حتي الجديد منهم
و اثبت من الكوري الفيرنا و الماتركس و الاكسنت و الافيوا
و عن تجربه و مش كلام

رد: عيوب لانسر (شارك - بومة)
 

- معى لانسر 2010 ( 1600 A ) الفتيس الجديد
عيوبها من خلال تجربتى :-
* قلة الاضاءة الداخلية من عدم وجود انوار لمفاتيح رفع الزجاج وضعف اضاءة الصالون مقارنة بسيارات حديثة مثل السيراتو والالنترا
* تفتقر لبعض الكماليات مثل الانزار
*اريال الكاسيت ( بالنسبة للخليجى ) عرضة للسرقة
* عدم وجود فتحات للتكييف خاصة بالراكب الخلفى كما الحال فى الفيرنا مثلا ً

رد: عيوب لانسر (شارك - بومة)
 

البومه عربيه بتكنولوجيا 2003 ظلم شويه نقرنها باللنترا الجديده او السيراتوا الجديده في الاوبشنس ورغم كده هي بتتفوق في حاجات كتير عن العربيات ديت

رد: عيوب لانسر (شارك - بومة)
 

- البومة منذ بداية انتاجها والشكل واحد والامكانيات اظنها لم تختلف
- الا بداية من موديل 2010 بتغير شكل العدادات والفتيس الجديد ستريبترونك وشكل الطارة تشبة الشارك وارتفعت عن الارض
- واتفق معك فى تفوقها لانها كانت اختيارى بعد مقارانات عديدة
- من حيث متانتها وثباتها على الطريق وبتجربة حتى سرعة 180 كم / س بالرغم من الطرق فى مصر لا تصلح للسرعات العالية

رد: عيوب لانسر (شارك - بومة)
 

معايا EX شارك 2009 هاى لاين

مميزتها:
- تحسن كبير فى مستوى العزل عن البومة
- الصالون واسع
- تسارع الموتور كويس اوى بعد ال 60
- عفشة ناشفه شوية بس بتدى ثبات خرافى
- تابلوها شيك وخاماته نظيفة
- كماليات الهاى لاين غنية, ودلوقتى التوكيل الجديد بقى بينزل البيزك بكماليات كتير بردو
- استهلاك بنزين اكثر من رائع, على الطريق السريع ممكن تعمل 370 كم كل 20 ليتر لو سواقه معقولة
- تكييف ممتاز

عيوبها:
- الشنطة ضيقة على حساب وسع الصالون
- بوية الاكصدام ضعيفة, اى حكة بسيطة اللون الاسود بتاع الفيبر بيبان
- مفيش مثبت سرعة فى ال1500 هاي لاين, بينزل فى ال 2000cc