هزه بسيطه بعد ال 120
 

السلام عليكم ورحمه الله وبركاته

انا عضو جديد معاكوا هنا لكن متابع المنتدى من فتره كبيره وخصوصا قسم الهيونداى عشان فيرنتى

كنت عاوز استشاره عاجله بعد اذنكوا .. انا معايا فيرنا 2008 وحالتها ماشاء الله ممتازه لكن فيها مشكله بسيطه انى بعد مابعدى ال 110 ولحد 120 بيبقى فيه هزه باينه ف العربيه خصوصا ف التابلوه والدركسيون . مش مؤثره اوى لكنها بصراحه خانقانى ومش لاقيلها حل . اللى مستغربله شويه انها احيانا بتختفى بعد ال 130 ..

اتمنى الاقى حل معاكوا:070104~242:

رد: هزه بسيطه بعد ال 120
 

بص يا باشا مش قصدى اقولك ان ملهاش حل بس دى فعلا السرعة الحرجة فى معظم العربيات الى فى الدنيا كلها و انا جربت عربيات كتير ( انواع مختلفه ) كان فيها برضه الحكاية دى

رصص و لو مفيش فايدة اكشف على الجنوط ممكن تكون معوجة
و معظم الفيرنا مغيرين لجنط 14 و كاوتش غير المصرى و مشتكوش بعدها

رد: هزه بسيطه بعد ال 120
 

والله ياباشا انا سالت واحد شغال ف معرض تاجير سيارات وخليته ركبها وقاللى عندك فرده كاوتش قدام عاوزه تتغير لكن بصراحه مش واثق ف كلامه اوى وخايف اغير والاقى نفس المشكله ساعتها هتخنق منها اكتر ملحوظه صغيره قبل مااشترى عربيتى دى كنت بأجر ومكنتش موجوده ف كل العربيات ودى اكتر حاجه خانقانى وشكرا جدا لاهتمامك ياباش مهندس

رد: هزه بسيطه بعد ال 120
 

طيب ابتدى فعلا واحدة واحدة
اكشف على الكاوتش عند واحد ثقة و أمين
او جرب غير العجلة المشكوك فيها بالاستبن

رد: هزه بسيطه بعد ال 120
 

كانت عندي

ولما ظبطت الكاوتش وربطت راحت او بق لا تذكر

رد: هزه بسيطه بعد ال 120
 

اضبط ضغط الهواء في الاطارات وبعدين رصص الاطارات الاربعه بس عند واحد كويس , وطبعا اتكد ان الجنوط اللي قدام بالذات مش مخبوط او معووج
وان شاء الله الهزه هتروح والموضوع دا بيحصل في كل العربيات مفيش استثناء وانت بنفسك اتكد واسال
وان شاء الله الهزه تروح

رد: هزه بسيطه بعد ال 120
 

والله نفس الموضوع عندى من 110 الى 120 فى تنميلة زى رعشة بسيطة كدة فى الدريكسيون وبعد السرعة دى العربية عادى مفيش رعشة امر طبيعى ومسلم بية لانى حاولت وعملت كل حاجة وغيرت كاوتش ورصصت والله حصان كمان وغيرت الجنوط بحديد جديدة بتاعن النيواكسنت الللى قبل اربى الكورى الاصلى 14 وبرضة نفس الكلام
رجعت للراجل صاحبى اللى يكرمة ادانى الجنوط بالكاوتش واخدت بتوعى وسلمت امرى لله وبقيت اقول لنفسى وانت لية بتزود السرعة خليك 100 احسن ههههه واهه تصبيرة لحد ما تروح لوحدها بس للعلم افضل سرعة للعربية 90 الى 100 اكتر من كدة بتسحب بنزين جامد اوى اوى