سؤال لاهل الخبرة في اللانسر 2008 مانيوال
 

السلام عليكم
معايا لانسر 1.6 موديل 2008 عاملة 45.000 الف كيلو عندس شوية مشاكل ارجو الافادة فيها
1- استهلاك البنزين عالي جدا بدون تكييف ( داخل البلد ) حوالي 140 ك في الصفيحة
2- الباور تقيل جدا
3- دواسة البنزين تقيلة والعربية ما بتعديش 120 ك
4- صوت طقة في الدركسيون
5- العربية بتحدف يمين على الرغم من اني ظبت الزوايا
6-مقاس الكاوتش 195/65/15 بس انا غيرت الى 185/65/15 هل تفرق في حاجة
7- واحد صاحبي خدها مني يوم واكتشفت انه حط فيها بنزين 80
8- رعشة في الدركسيون وخبط في الخلف
انا كنت مشتريها من سنة بحوالي 70.000 الف جنية واكتشفت انها عاملة حادثة ومغيرة صدر امامي وكمان شفرة المفتاح ( الامبوليزر مش موجودة في الكونتكت المعدن النحاسي ) فهل هذا يؤثر في سعر السيارة ولا ايه ارجو من المحترفين الافادة علما باني مش عايز اوديها التوكيل بس لو حد يعرف ميكانيكي شاطر في الجيزة يقول لي والف شكر

رد: سؤال لاهل الخبرة في اللانسر 2008 مانيوال
 

المشاكل بالترتيب
1- غير فلتر هوا وبوجيهات ونظف الرشاشات وفلتر البنزين
2- نزل زيت الباور وحط جديد مع الكشف على طرمبة الضغط ودى اسهل مشكلة
3-تقدر تراجع فى التوكيل على الدواسة انما لما تعمل الحل رقم واحد هتجيب 200
4- دى بتبقى كبالن مشهورة جدا ومعروفة وسهل تغيرها نصيحة هات الاصلى عشان يدوم
5- بعد تغيير الكبالن ربط عفسة رصص ظبط زوايا
6- تغيير الكاوتش بيعمل نشفان جامد فى المطبات وخبط فى الخلف
7- غلط طبعا ازاى بنزين 80 بس غير الفلتر وحط 92 وتنتهى المشكلة
8-رصص والرعشة هتروح وهات الكاوتش بتاعها والخبط هيروح
9-طبعا الحادثة هتاثر على السعر بسس فكك من الكلام دا انت جايبها تبيعها ولا تفرح بيها الحادثة مش مهم اوى الا فى اعادة البيع انما عادى فك من الكلام دا وعيش بعربيتك وربنا يسترها معاك واعمل اللى قلت علية هتحس بقرق بس اعمل كلة مرة واحد عشان كلة مرتبط ببعضة
طبعا اخر حاجة الترصيص وظبط الزوايا:fun_36_3_11[1]:

رد: سؤال لاهل الخبرة في اللانسر 2008 مانيوال
 

بالأضافة لكلام الاستاذ memodina1
اكشف على استقامة الشاسيه

رد: سؤال لاهل الخبرة في اللانسر 2008 مانيوال
 

يا باشا انت متقولش استاذ لانك انت استاذى واتعلمت منك كتير جدا وربنا يذيدك معرفة ولو هنطلق كلمة استاذ تبقى على حضرتك والف شكر ليك على مجهودك السابق ليا ومعلوماتك اللى افادتنى

رد: سؤال لاهل الخبرة في اللانسر 2008 مانيوال
 

ما معني استقامة الشاسية انا كاشف علية اول ما اشتريت العربية في التوكيل وقالوا لي زي الفل

رد: سؤال لاهل الخبرة في اللانسر 2008 مانيوال
 

MADDRIVEالف شكر يا باشا والله ونعم الخبرة فعلا الف شكر بس حضرتك مردتش عليا في موضوع الامبوليزر هل دة ياثر على امان العربية وعندي مشكلة كمان عايز رد حضرتك فيها ضروري جدا
المشكلة اني لما بفول العربية بشم رائحة بنزين من الداخل وكمان بلاقي تحت العربية بنزين نازل من الطلمبة اصل لما كنت في عمرة شهر 5 صاحبي خد العربية وصلحا ( عمل مرمة لفيشة طلمبة البنزين لانه لقي الفيشة محروقة فهل راي حضرتك اغير الطلمبة ولا الفيشة بس وكمان ايه احسن نوع زيت احطه في العربية واحسن مساعدين غير اللي في التوكيل والف شكر على الافادة وجزاكم الله خيرا

رد: سؤال لاهل الخبرة في اللانسر 2008 مانيوال
 

طيب الحمد لله كدا الشاسيه متأثرش بالحادثة
لازم يتعرف مصدر تسريب البنزين
هل من جوان الطرمبة ؟ حتغير الجوان
و لا هل من الفيشة ؟ لو الفيشة حتة واحدة مع جسم الطرمبة حتطر على الاقل تغير فارغة الطرمبة
زيت شيل هيلكس الترا ب 260 ج و يقعد على الاقل 10000 كم
المساعدين معرفش

الطقة الى فى الدركسيون ممكن برضه بيض عجل امامى
دواسة البنزين تقيلة ممكن الواير مشعر فبيزنق فى الجراب بتاعه