التراب بيدخل جوه العربية وهى متغطية
 

السلام عليكم
انا عارف ان كتير (ان ماكانش كلنا) بيعانى من التراب اللى عامل حزب تجمع على العربيات
لكن الغريب بقى ان العربية تكون مقفولة ومتغطية ومع ذلك برضه الاقى تراب جواها
والمعطيات بقى :
الغطاء جبته اول ما اشتريت العربية وماكنت فاهم حاجه فى الانواع ولما س\الت ع الووتربروف لاقيته 120جنية وكمان مش هاتش باك لان عربيتى سيتروين ax هاش باك فاجبت غطاء عادى ب 45جنية وطبعا استرخصت وقولت اجيب حاجه خفيفة عشان ما ياخدش مكان فى الشنطة والميزة اللى فيه انه كتان او قطن مش عارف بالظبط بس خفيف لدرجه انه بيفلتر التراب قبل ما يدخله على الصاج الخارجى(لسه ماجيناش للصالون) ده غير المطر بقى وتنقيط الغسيل هو أه غطى وبيستر العربية ويداريها عن عين اللصوص لكن برضه ممكن العربية تتخدش من (النحاتين اياهم) اللى ماشيين ينحتوا فى العربيات فى الاخر لقيت عندى مشمع بلاستيك خيطته على القماش عشان يرحم العربية شوية من الغسيل اللى الغطى بيشرب ميته والحال اتحسن والتراب اللى تحت الغطاء قل 50% فاستنتجت ان الووتربروف احسن لانى مابيعديش لا مياه ولا تراب(ده اعتقادى) فا ان شاء الله هاشترى واحد حتى ولو خفيف
العجيب بقى فى التراب اللى بيدخل جوه العربية وهى مقفولة ومتغطية لانى مش بركبها باستمرار فا بتتركن لمده 4او 5 ايام دون استعمال وافتح الاقى التراب بالهبل على الكنبة وفى الشنطة ومش عارف اعمل ايه عشان احافظ عليها نظيفة او على الاقل ماتجهدنيش فى نظافتها من اثر تراكم التراب ؟؟؟
وزاى التراب يدخل وهى متغطية ؟؟؟
ياريت لو حد عنده افكار او تجارب فى القصة دى يفيدنا:cry2W9:

رد: التراب بيدخل جوه العربية وهى متغطية
 

كلنا هذا الرجل

خد عربيتك و عيش في أوروبا و ادعيلي !

رد: التراب بيدخل جوه العربية وهى متغطية
 

رد: التراب بيدخل جوه العربية وهى متغطية
 

هههههههههههههههههههههههه
ياااااااااااااريت
يبقى مافيش غير الغواصات ....هى الحل الامثل
ههههههههههههههههههههههههه ه

رد: التراب بيدخل جوه العربية وهى متغطية
 

عندك حق الغواصات احسن
على الاقل هتفتح باب الغواصة ممكن تلاقى بدل التراب سمك
وطلع واشوى يامعلم ههههههههههههههههههههه

رد: التراب بيدخل جوه العربية وهى متغطية
 

التراب النهارده عنصر اساسي من عناصر الحياه في مصر لازم كل شئ يتترب
الحل اللي بعمله مش حل وقائي انما حل ما بعد التراب وهوا اني عندي حنفيه فالجراج بقوم بالل الفوطه على خفيف وماسح التابلوه والكراسي على خفيف وهكذا دواليك على ما العربية تسخن