مصر موتورز مجتمع السيارات - تجربتى مع فيشة الاوكتان

صفحة 1 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - تجربتى مع فيشة الاوكتان (https://www.masrmotors.com/vb/showthread.php?t=67721)

ALNAZER

14-09-2011 02:19 AM

تجربتى مع فيشة الاوكتان

عندى عربية لانوس موديل 2010 قررت انى احطلها بنزين 80 الكلام دا من شهر تقريبا :k_crying77[1]: المهم العربية اصبحت ضعيفة فى السحب و بتسقف فى المطالع و كمان تسققف لو كبست جامد على بدال البنزين
و الاسبوع اللى فات قررت انى اعدل فيشة الاوكتان و بصراحة استفدت فى المنتدى هنا من فكرة فيشة الاوكتان و كمان التعديل
و عدلت الفيشة :CHUBBY~36: وخد عندك يا معلم
بحط بنزين 80 و العربية زى الفل السحب عشرة على عشرة
مفيش تسقيف و كل شئ تمام و كأنى حاطط بنزين 90 بالظبط
و انا حبيت اقول و انقل تجربتى لكل اعضاء المنتدى بعد نجاحها

و حلو التوفير أأأأأأأأأأأووووووووووووى

Sniper1612

14-09-2011 04:13 AM

رد: تجربتى مع فيشة الاوكتان

بس يا باشا مش حرام انك تحط بنزين 80 فى عربية لسة جديدة ولا ايه دا انا بحط 92 و نفسى احط 95 و يا ريت تقلنا عملت فيشة الاوكتان ديه إزاى

احمد على 1999

14-09-2011 07:19 AM

رد: تجربتى مع فيشة الاوكتان

اقتباس:

المشاركة الأصلية كتبت بواسطة Sniper1612 (المشاركة 512440)

بالنسبة للتويوتا اكيد و الله اعلم مفيهاش فيشة اوكتان بيبقى البديل المتطور حساس تسقيف بيعمل عمل الفيشة بس اوتوماتيك يعنى بدل ما بيبقى فى فيشة و تطر تفكها و تعدلها و تركبها لأ بمجرد تغيير نوع البنزين حساس التسقيف بيعدل بروفيل منحنى توقيت الاشعال و الرشاشات حسب نوع البنزين من خلال احساسه ببدىء التسقيف

و لصاحب الموضوع خلى بالك كتاليزر علبة البيئة حيسيح + فلتر البنزين حيتسد بسرعة و حيجهد الطرمبة + احتمال حساس الاكسوجين يبوظ على المدى البعيد

aymangalal

14-09-2011 02:11 PM

رد: تجربتى مع فيشة الاوكتان

طيب يا استاذ احمد مش بنزين 80 ده كله شوائب ؟؟؟؟؟ يعنى اكيد خطر او بمعنى اصح هايسد رشاشات الانجكشن وكل شوية يحتاج يتنظف...
لانى اسمع ان العربيات الحديثة كلها انجكشن يعنى حساسات ورشاشات ومحتاجه بنزين نقى بقدر الامكان عشان تؤدى عملها بصورة جيدة....
يا ريت توضح لنا النقطة دى ... وكمان تفصيل للعيوب اللى حضرتك ذكرتها بعد تغيير البنزين من 80 الى 90
طيب والكربراتير -طبعا بيقبل اى حاجه- لكن ايه امثل اوكتان(نوع بنزين) للكربراتير عشان يوفر بنزين ويعطى كفاءة ممتازة وفى نفس الوقت يكون موفر ؟؟؟

احمد على 1999

14-09-2011 02:30 PM

رد: تجربتى مع فيشة الاوكتان

بص يا أيمن باشا نظريا طالما العربية مش حتسقف مع بنزين معين يبقي الاعلي منه ملوش لازمة بس للاسف 80 في بلدنا زي ما انت قولت فيه شوائب و حتسد الفلتر قبل ما توصل للرشاشات و حيبقي حمل علي الطرمبة ده غير الاضرار الي قولتها قبل كده

aymangalal

14-09-2011 02:37 PM

رد: تجربتى مع فيشة الاوكتان

اقتباس:

المشاركة الأصلية كتبت بواسطة احمد على 1999 (المشاركة 512622)

بس للاسف 80 في بلدنا زي ما انت قولت فيه شوائب و حتسد الفلتر

هو فلتر الانجكشن غير الكربراتير؟؟ يعنى على كده انا محتاج اغير فلتر بنزين كل يوم بسبب بنزين 80 ... ولا ايه؟؟الفلتر عندى بقاله سنه او 8000كم يا ترى اغيره امتى؟

احمد على 1999

14-09-2011 05:08 PM

رد: تجربتى مع فيشة الاوكتان

هي لو الطرمبة عندك ميكانيكية رداخ يعني فصعب تبوظ بسبب انسداد الفلتر المشكلة لو هي كهرباء بتتعب الماتور بتاعها لما الفلتر يقرب يتسد عشان ارتفاع فرق الضغط
فممكن تغيره علي 10 تلاف اضمن لو سعره معقول اما لو غالي فكل 2000 فكه و نضفه
علي فكرة انا خابط الارقام جزافي

الساعة الآن 09:03 PM.

صفحة 1 من 3

عرض 7 مشاركات من هذا الموضوع لكل صفحة