مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   المنتدى التعليمى والمكتبة الفنية (https://www.masrmotors.com/vb/forumdisplay.php?f=158)
-   -   استفسار فى تنظيف بوابه الهواء او الثروتل (https://www.masrmotors.com/vb/showthread.php?t=67645)

ya_abdoo 13-09-2011 07:02 AM
استفسار فى تنظيف بوابه الهواء او الثروتل
 
السلام عليكم
لو سمحتم كان لى استفسار من يومين رحت انضف فلتر الهواء و البوابه المهم الميكانيكى راء اشترى ازازه اسبراى تنظيف للانجكشن و المهم فك فلتر الهواء و نضفه بالهواء و بعد كده راح فاكك الماسوره اللى موصله بالموتور و قالى دور العربيه و دوس بنزين و قعد يرش من الاسبراى ده الحمد لله العربيه بقت احسن بس انا كنت عايز اعرف ايه اللى كان بيعمله بالظبط وانا بتدوس بنزين هل كان بيرش جوه البوابه و لو كان ممكن اعمل الخطوات دى بنفسى و اذا كان فيه ضرر او خطوره و شكرا

memodina1 13-09-2011 02:13 PM
رد: استفسار فى تنظيف بوابه الهواء او الثروتل
 
الراجل عمل الصح معاك وانا لسة عامل الموضوع بنفسى بس الصراحة فى التوكيل بس عادى ممكن تعملة بنفسك عادى هتلاقى دخان ابيض طالع من الشكمان عادى هيروح على طول ومتقلقش عادى جدا كلة بيعمل كدة

ya_abdoo 13-09-2011 03:08 PM
رد: استفسار فى تنظيف بوابه الهواء او الثروتل
 
اقتباس:
المشاركة الأصلية كتبت بواسطة memodina1 (المشاركة 511841)
الراجل عمل الصح معاك وانا لسة عامل الموضوع بنفسى بس الصراحة فى التوكيل بس عادى ممكن تعملة بنفسك عادى هتلاقى دخان ابيض طالع من الشكمان عادى هيروح على طول ومتقلقش عادى جدا كلة بيعمل كدة
الف شكر على الرد يعنر ادوس بنزين و ارش جوه البوابه نفسها وانا دايس بنزين مفيش مشاكل؟

احمد على 1999 13-09-2011 04:47 PM
رد: استفسار فى تنظيف بوابه الهواء او الثروتل
 
هى العربية نوعها ايه ؟
يفضل تغيير فلتر الهواء عند من 7 ل 8 تلاف كم احسن من التنضيف بالهواء
الاسبراى يكون مكتوب عليه carb cleaner و مفيش خوف من الطريقة دى بس يفضل البدىء بالنضافة و الماتور مبطل و تشيل الوساخة على قد ما تقدر و الباقى و الماتور داير

حسام البورسعيدى 13-09-2011 05:51 PM
رد: استفسار فى تنظيف بوابه الهواء او الثروتل
 
سهل جدا تعملها بنفسك ..

انا دايما بعمل الموضوع ده بنفسى كل فتره ومفيش اى مشكلة ...

وده فيديو من احد اعضاء المنتدى الكرام بيشرح الموضوع خطوه بخطوه ...

http://www.youtube.com/watch?v=GfVqZdmUaBI

ya_abdoo 14-09-2011 02:04 AM
رد: استفسار فى تنظيف بوابه الهواء او الثروتل
 
شكرا جدا على الاهتمام و الرد ز العربيه سيراتو هاتشباك عامله
31000 كيلو فى الفيديو كان بيفتح البوابه بايده . وانا بعملها الراجل قالى فته البوابه بالايد ممكن يبوظها فى العربيات الجديده فهل عشان كده كان بيرش جوه وانا دايس بنزين عشان البوابه بتفتح

mohamed ibiza 14-09-2011 02:16 AM
رد: استفسار فى تنظيف بوابه الهواء او الثروتل
 
يا جماعة احد تعليمات الاستخدام اللي مكتوبة علي الاسبراي انك ترشه في البوابه و العربية مطفية ! و بعد ما تخلص تسيبها شوية و بعدها تخش تدور هتلاقيها تغيب شوية في الدواره و لما تدور دوس بنزين براحتك انما الرش و العربية دايرة هو اللي مش صح لكن الميكانيكية كلهم بيعملوا كده لانهم مبيقروش تعليمات الاستخدام


الساعة الآن 07:08 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017