|
تعبت من كتر التفكير والحيره وخايف اختار اختيار اندم عليه
بجد انا بعد لما بيعت المازدا ندمت اشد الندم لاني بقيت في حاله ميئوس منها ومش عارف هجيب ايه بعديها ويكفي احساس اني مفيش عربيه في الخدمه المهم اني كل حيرتي بين الاوبترا ولا النيسان صني ( طبعا مستعمل ) سمعت كتير وشويه اسمع اراء تروح للنيسان لمجرد انها ياباني وناس تروح للاوبترا وتشتم في النيسان ويقولو دي تقفيل مصري ودي تقفيل كوري وناس بتفضل الاوبترا عشان قطع غيارها بس في نفس الوقت ناس قالتلي اني قطع غيار النيسان بتعيش اكتر وبردو من اللي سمعته اني النيسان سحبها في البنزين الاعلي في فئتها وطبعا ده غير اللي يقولي مينفعش تقارن ياباني بكوري وبصراحه سمعت كلام كتير لدرجة اني من كتر العيوب اللي سمعتها في العربيتين بقيت حاسس اني خساره فيهم السعر وطبعا جت للحظات كده اني افكر في لوجان جديده بس علي طول رجعت في قرار لاني مش مقتنع اني اركب عربيه جديده اول اما احط رجلي فيها تنزل خمس الاف عالاقل المهم اني هحتاج العربيه في اني هروح بيها الكليه ولو ممكن حبة مشاوير مش كتير لاني مش من هواة الخروج بالعربيه بسبب شوارعنا اللي تجيب الضغط والزحمه اللي فيها واتمني مكونش طولت بس بجد انا حبيت اخرج كل اللي في قلبي لاني بصراحه عاوز اجيب عربيه متتعبنيش معاها :fun_10_9_134[1]:ايه ياترى
|
رد: تعبت من كتر التفكير والحيره وخايف اختار اختيار اندم عليه
حضرتك قول عاوز عربيه فى حدود كام يمكن اساعدك
فى عربيه احسن من دول AHLNWSHALNAHLNWSHALNAHLNW SHALNAHLNWSHALNAHLNWSHALN |
رد: تعبت من كتر التفكير والحيره وخايف اختار اختيار اندم عليه
ربنا يهديك للى فية الخير ان شاء الله
وشوف انت ميال ناحية اية وسيبك من كلام الناس لانك لو ركزت وى ف المنتدى مش هتلاقى الاعضاء مجتمعين ع عربية واحدة لان الكمال لله وحدة لازم تشوف انت احتياجك من العربية اية وهتستعملها ف اية وتشوف اية اللى مناسب مقابل احتاجياتك تحيااااااااااتى |
رد: تعبت من كتر التفكير والحيره وخايف اختار اختيار اندم عليه
دة على حسب اختيارك و ميولك و انا برشحلك نيسان صنى او لوجان و على فكرة الى قالك مافيش مقارنة مابين اليبانى و الكورى طبعا كلامة صح اليبانى قطع غيار اغلى بس افضل و معمرة و على فكرة الوجان بردة جميلة جدا و فيها امكانيات كويسة جدا
|
رد: تعبت من كتر التفكير والحيره وخايف اختار اختيار اندم عليه
خليك فى اللوجان واسعة من جوا وعفشتها جميلة ومافيش فيها عيوب كتيير ومتعتبرش عيوب وتكييف جميل وخامة العربية رائعة لو محبيتش اللوجان خليك فى الاوبترا بس ابعد عن النيسان الصنى المستعمل لانها مستعملة ثانيا ضيقة من جوا
|
رد: تعبت من كتر التفكير والحيره وخايف اختار اختيار اندم عليه
خليك في النيسان ولو اتوماتيك يبقي احسنلك بلاش الاوبترا هتحس انها بتقدم وتتبهدل بسرعة حتي بالاستخدام الحنين وعن تجربة
|
رد: تعبت من كتر التفكير والحيره وخايف اختار اختيار اندم عليه
الزيرو زيرو وانت اول رجل فيها والعربية بتاعتك من الصفر
اى نعم لما تيجى تبعاها هتخير الـ 5 الاف جنية بس انت بيهم هتتمتع باول ركوبة فى العربية :w6w2005041122053268 ألكلام النهائي فى رينو لوجان اوربي ( فرنسي - رومانى ) تقفيل المغرب اهم المميزات اهم واحدة >> عالية عن الارض بطريقة فظيعه مش هتحك مع اى مطب مصفحة من تحت كمان ودا مش موجود فى فئتها العربية الوحيدة اللى تحت الـ 100 الف نازلة بكاوتشات 15 عفشة نعمه مالهاش زى انعم دبرياج هتشوفه فى حياتك كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف اير باج مستوى امان 3 نجوم اوسع شنطة 510 لتر امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع موفرة فى البنزين بسبب ان الماتور 8 صباب ( يفضل بنزين 92) اوسع صالون فى فئتها واوسع تانك بنزين اكتر من (60 لتر بالاحتياطى ) صاج اللوجان صاج قوى والاقوى برضوا فى فئتها طبعا فى اوبشنز تانية يختلف على حسب اذا كنت هتجيب هاف او فول اوبشنز ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو * العيوب ( ومش هنسميهاعيوب ) هنسيمها حركات غلسة بس هتتعود عليها الكلاكس فى درع الاشارة زارير الازار فى التابلوة ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية تنك البنزين والشنطة بمفتاح ترجيع الكراسي بتقعد تلف البكرة صوت الماتور عالى سنة الباور تقيل شوية ودا لثبات العربية على السرعات العالية رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو * قطع الغيار بدات فى الانتشار الفانوس الامامى ب 250 جنية والخلفى ب 150 وجوز المقصات ب 400 جنية ثمن الفول اوبشنز 70 الف جنية وتمنها برة تمنها الاصلى 7500 يورو يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك ودا المصدر http://www.loganclub.ro/ نوع العربية Preference 1.6 MPI 90 CP بعشقها عشق لولو حبيبتى وبس يا سيدى وان شاء الله ربنا يوفقك فى اختيار العربية المناسبة لك ----------------- العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية احدث تقرير عنها http://www.masrmotors.com/vb/showthread.php?t=66948 بتنزل على 5 ماركات فى كل انحاء العالم فى اسيا وافريقيا والشرق الاوسط Renault Logan وروسيا فى رومانيا والبرزيل وامريكا الجنوبية Dacia Logan فى الهند Mahindra Renault Logan فى اليابان Nissan Aprio Tondar 90 فى مناطق بدول العالم دى فيدوهات ليا بالعربية Logan 180 km/h with 6 Passenger [1] - YouTube 180 و 6 راكب وغرز بيها على الطريق الصحرواى - مصر اسكندرية ودا لما عديت الـ 180 Logan 180 km/h with 6 Passenger [2] - YouTube قسم اللوجان بالمنتدى للاستفسارات http://www.masrmotors.com/vb/forumdisplay.php?f=160 |
| الساعة الآن 03:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017