|
زجاج عربيتى الافانزا اتشرخ من قدام بالعرض وكنت عاوز أعالجه؟؟؟
السلام عليكم...انا نزلت مرة الصبح لقيت الزجاج الامامى مشروخ شرخ عرضى بطول 20 سم وقلت أكيد العيال ولاد التيييييييت هما اللى كسروه"اللى بيلعبوا كورة فى الشارع" مع انى مغطى العربية بغطاء مزدوج....
دلوقتى انا عاوز أصلحه قبل ما الشرخ يوسع أكتر فمش عارف اودي العربية فين تتعمل بنضافة...انا كنت سمعت انها بتتعمل بليزر ..بس خايف اللحام يبقى باين...أرجوكم لو حد جرب او عارف الموضوع ده يفيدنى وهل اروح لواحد بتاع زجاج ويعملهولى؟؟؟:vctry: |
رد: زجاج عربيتى الافانزا اتشرخ من قدام بالعرض وكنت عاوز أعالجه؟؟؟
ايه ياجماعة 21 مشاهدة ومفيش حد عارف حاجة!!!!أرجوكم أفيدونى
|
رد: زجاج عربيتى الافانزا اتشرخ من قدام بالعرض وكنت عاوز أعالجه؟؟؟
واضح ان محدش عارف حاجة خااالص...مفيش اى معلومات !!!!!
|
رد: زجاج عربيتى الافانزا اتشرخ من قدام بالعرض وكنت عاوز أعالجه؟؟؟
اولا انا مش عايزك تضايق من المشاهدات وعدم الرد لان في ناس كتير ممكن متكونش قدره تفيدك فده احسن من ان حد يفتي ويقولك كلام غير صحيح بالمرهبص يا غالي معالجة الشروخ ديه طريقة جديدة وبتوفر كتير بس لو الشرخ مسمع جوه الازاز وبره يبقي مش هينفع تعالج الشرخ ده ولو الشرخ كبير ولقيت تكلفته اعلي من 150 جنيه يبقي تجيبلك زجاج جديد احسن مش هيكلفك 230 جنيه بالتركيبلكن لو الشرخ واحد فقط و 20 سم يبقي مش هيكلفك 60 جنيه وربنا يوفقك لما فيه الخير
|
رد: زجاج عربيتى الافانزا اتشرخ من قدام بالعرض وكنت عاوز أعالجه؟؟؟
ربنا يخليك ياباشا...هو ملوش اى ملمس لا من جوة ولا من برة...مش عميق اوى ..بس هل لما هيتعمل هيبان انه معمول ولا ايه النظام لان ممكن يعمل علامة فى الوجاج زى اللى واخد غرزة فى وشه!!!ولا مش هتبان؟؟؟
|
رد: زجاج عربيتى الافانزا اتشرخ من قدام بالعرض وكنت عاوز أعالجه؟؟؟
اقتباس:
هى دى الخلاصة تسلم يا كبير اقتباس:
واحب اضيف(عن تجربه) انه بعد تصليح الشرخ مش هايبان من غير حاجه بسيطه جدا جدا جدا يعنى تقدر طول كده اثر بسيط (خط رفيع خاااااااااااااالص) وانت بس اللى هاتشوفه لانك عارف مكان الشرخ وطبعا مش هاتوصل لدرجه الغرز دى ههههههههههه بالعكس ده هايخلى شكل الزجاج احسن بكتير مايكون الشرخ واضح والكلام ده عند الدكتور لاصلاح شروخ الزجاج والفرع اللى اتعاملت معاه فى جامعة الدول حنب فرغلى نفس الصف ع اليمين فى واحد هناك اسمه مصطفى بس محترم جدا ظبطه انت بس بسيجاره وصاحبه (اتكام معاه) وه هايقوم بالواجب الضمان بعد التصليح مدى الحياه فى وقت الشرخ يفتح او يزيد تروح له على طول وخلى بالك بقى من ركنه العربية للشمس وهى محبوس فيها الحرارة لان دى اكتر حاجه تأثر على الزجاج اللى اتصلح(وكمان السليم) حاول تسيب نص سم فى الزجاج مفتوح عشان مايحبسش الحرارة جواه السخونة جوه بتدور على منفذ مابتلاقيش فا بتخرج من نفس الشرخ اللى اتصلح وبتزوده (عن تجربتى الخاصة) |
رد: زجاج عربيتى الافانزا اتشرخ من قدام بالعرض وكنت عاوز أعالجه؟؟؟
الله على المعلومات...تسلم ياغالى ربنا يخليك...ان شاء الله هروح أظبطه معلش تعبتك معايا:286:
|
| الساعة الآن 09:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017