قواعد الموتور والفتيس لعربية سيينا
 

السلام عليكم
كنت عاوز اخد فكرة عن قواعد الموتور والفتيس فى عربية سيينا موديل 2001 موتور 1400
انا عندى مسمار قاعدة الفتيس اتكسر وانا عالطريق الصحراوى والفتيس سقط لتحت
وعاوز اغير القواعد دى فكنت محتاج اعرف القواعد دى كام قاعدة للفتيس وكام قاعدة للموتور
والافضل اجيبها جديدة ولا استيراد واسعارها كام بالتقريب

رد: قواعد الموتور والفتيس لعربية سيينا
 

بص الافضل انك تغييرهم فى التوكيل انا كان عندى مشكلة قاعدة الموتور دى ومحدش من الميكانيكية عرف يعملها وكل ما اروح لحد كان يقولى عليك وعلى التوكيل احسن هى هتكلفك شوية بس هتعملها وتنساها خالص التوكيل هو اوماترا فى المنطقة الصناعية فى جسر السويس وبالتوفيق ان شاء الله

رد: قواعد الموتور والفتيس لعربية سيينا
 

تسلملى على ردك وافادتك يا برنس بس انا كنت وديتها لميكانيكى وعملها خلاص
بس كنت عاوز اعرف انت معاك سيينا برضه ولا ايه ؟
عشان للاسف انا عندى مشكلة فى الكونترول يونت بتاع العربية دى ومش عارف الاقى الكونترول ده فين او اجيبه منين
غير التوكيل يعنى لان التوكيل حراق اوى فى تمن الكونترول ده

رد: قواعد الموتور والفتيس لعربية سيينا
 

انا معايا سيينا 1400موديل 2001. كويس انك عملتها الحمد لله, الكنترول ده بقا مشكلته كبيرة جدا ومش هتلاقيه الا فى التوكيل فعلا وانا كان عندى مشكلة فية بتخلى العربية تبطل فى اى لحظة ودى بدئت بعد ما واحد حمار غسل الموتور فى البنزينة بالمية!!! وبعد كده اللمبة الحمرا اللى على الشمال اللى هى بتاعة check engine بقت بتنور على طول دوخت مع الميكانيكية والكهربائية محدش عرف فيها حاجة دا لان الكنترول ده علبة مقفولة مينفعش تتفتح وبعد كده رحت التوكيل وعملوها واخدوا 3 الاف جنيه

رد: قواعد الموتور والفتيس لعربية سيينا
 

يعنى انت كنت حاولت تدور عالكونترول ده استيراد قبل ماتجيبه من التوكيل ولا ريحت دماغك ورحت التوكيل على طول ؟؟سوقسوق

رد: قواعد الموتور والفتيس لعربية سيينا
 

اولا اسف على التاخير فى الرد ....انا فعلا سالت وكل اللى اسئله كان يقولى مش هاتلاقيه وبعدين انت ممكن يكون عندك مشكلة معينة لكن مش هتحتاج تغيره كله انا كان عندى كدا ومغيرتوش والاكيد ان مفيش حد بيعرف يشتغل فيه لانه عايز اجهزة معينة مش موجودة الا فى التوكيل