الرجاء معلومات من مالكى الاكسيل
 

بما ان الاكسيل من فئة السيارات التى يعشقها المصريون والمنتشرة بشدة والتى اثبتت فاعلية كبرى , فهل ممكن توضيح بعض معلومات عنها : -

1- مصرى ام كورى
2- هل نزلت بأكثر من فئة ؟ لل 1300 وال 1500 ؟ وهل فيها اوتوماتيك ؟
3- عدد الأحصنة
4- هل انجكشن ؟
5-وزن السيارة
6- هل بتسخن مع تشغيل المكيف
7- هل بتوطى مع تحميل الركاب وتحك
8- قطع الغيار هل هى معقولة ؟
9- العيوب الظاهرة فيها ؟

ولكم جزيل الشكر

رد: الرجاء معلومات من مالكى الاكسيل
 

اولا يا دكتور محمود 90فى المائه ال1300 مصرى وال1500 95 فى المائه كورى ثانيا نزلت 3 فئات لل1300 و2 فئه لل1500ثالثا 84 حصان رابع معظم ال1500 انجكشنخامسا وزنها معقول بس فوق 130 لازم سواق محترف سادسا مبتسخنش خالص بس لازم كل سنه تعمل صيانه للتكيف عكس الانوس لازم تطفى التكيف فى الكبارى وهكذاسابعا من الخلف بتوطى شويه وحتى لو حكت بتحك فى الصدادات الحديد بتاعت الموتور والواحده 65 جنيه ثامنا قطع غيار متوفره وسعرها زى الفيات انا كان معايا 127 وجبت اكسيل 1500 كامله اوتوماتيك مش شايف الا فرق بسيط فى الاسعار فانوس الاشاره لسه جايبه ب 20 جنيه رخيص جدا تاسعا مفيش عيوب بس ارضية السياره سيئه جدا بتلم تراب بسرعه .

رد: الرجاء معلومات من مالكى الاكسيل
 

الف الف شكر على المعلومات وانا اعتبرها مناسبة جدا لسعرها

رد: الرجاء معلومات من مالكى الاكسيل
 

متشكر جدا على هذه المعلومات اللى انا استفدت منها و بعد اذن حضرتك عند فكره اسعارها كام حاليا ال 1500 الكامله مانيوال عشان انا مش بحب الاتوماتيك
وربنا يباركلك فى عربيتك

رد: الرجاء معلومات من مالكى الاكسيل
 

ممكن تراجع الاسعار فى موقع الوسيط ewaseet.com او فى موقع السيارات المستعملة ca100100.com

رد: الرجاء معلومات من مالكى الاكسيل
 

الكوري منها لحد 94 او 95 و بعد كده كله مصري
الكوري كان فول اوبشن و الاكصدامات بلون العربيه سواء 1300 او 1500
و الاريال علي الرفرف اليمين.
المصري لما نزلت كانت او فئه 1500 فول اوبشن و الاكصدامات لونها اسود و الشبكه بلون العربيه و الاريال بقي في الرفرف الامامي شمال
ما عدا موديل 98 كانت اكصدامات ال1500 بلون السياره و دا اخر موديل من الاكسيل
نزلت 1300 و 1500 بس و نزل منها اتوماتيك لكن قليل مش كتير
مش عارف لكن مش حتتراوح بين 65 و 80 حصان للموتورين علي التوالي
فيه منها انجكشن بس ما نزلش مصرنهائي
مش عارف :)
نهائي العربيه دي مالهاش علاقه بالسخونيه من قريب او بعيد بس و انت بتشتري اتاكد من
ان التكييف شغال لان لو تكييفها بايظ دا موال تاني و حيتكلف و ما تسمعش كلام اللي يقولك دا عاوز يتشحن
قوله طب اشنحه و نشوف
ال1500 كلها مكيفه
ال1300 الكوري كله مكيف
ال1300 المصري مكيف و بدون تكييف
اي عربيه بتوطي مع التحميل دا مش عيب
جدااااااااااااااااا
وفيها ميزه حلوه كمان ان معظم قطع غيارها اوريجينال و اسعارها معقوله جدا
سير كاتينه و سير باور و دينامو حتي الفلاتر في منها اوريجنال
صاجها خفيف و البارومه بتسرح فيها(زيها زي السويفت)
و خامتها الداخليه ضعيفه شويه

نصائحي لو بتشتري اكسيل

ولو بتشتري اتاكد ان دواخلها سليمه
ولما تفتح الشنطه حتلاقي بوزين جنب الفانوس الخلفي
لو لقيتهم سلام نعرف ان العربيه دي سليمه.
و للعلم الاكسيل بالذات لو نضيفه بتتعرف من اجنابها
لو لقيت اجنابها حلوه مش مموجه تبقي في الغالب عربيه سليمه.
التابلوه بتاعها دايما تلاقيه مشقق و هو مش غالي ممكن تجيبه استعمال كامل ب600 جنيه.
اخر نقطه
الاكسيل مبنيه علي قاعده اللانسر عيون صفيه و بتشترك معاها في حاجات كتير
(قواعد موتور و بلي العجل ,,,,,الخ الخ)
و تعتبر اخر عربيه بالتعاون مع ميتسوبيشي
من التجربه بصراحه
انا بعتبرها افضل من الاكسنت و الفيرنا و النيو اكسنت كمان!!!!!!!!!
واي سؤال انا تحت امرك يا دكتور

رد: الرجاء معلومات من مالكى الاكسيل
 

لف الف شكر ردك يعتبر مرجع يوضع فى قسم الهيونداى للى بيدوروا على الاكسيل , مرة تانى الف شكر للتوضيح