|
فى مصر الشيروكى أفضل ولا ال bmw 316
السلام عليكم
كل سنه وانتم طيبين وعيد سعيد عليكم انا يا جماعه معايا جيب شيروكى 93 و على وشك ندخل بدل مع bmw 316 موديل التسعينات بس حابب أعرف رأيكم و لو حضراتكم فى مكانى هل تحتفظوا بالشيروكى ولا تغيروها ب bmw وحابب أعرف أيمها أفضل فى مصر بشكل عام : من حيث الشوارع و التوفير فى البنزبن و الصنايعيه اللى يفهموا فيها و ضريبه المرور وغيره وسؤال فرعى : انا فى الشيروكىكان عندى رهبه شويه من السواقه وكنت بنزل بيها قليل وكنت بحس ان العربيه كبيره اوى خصوصا لما اكون داخل شارع جانبى او ماشى فى شارع ضيق هل بقى ال bmw هتكون أسهل فى سواقتها ؟ أسف على الاطاله ومستنى رد حضراتكم |
رد: فى مصر الشيروكى أفضل ولا ال bmw 316
اعتقد ان bmw هتكون اغلى فى قطع غيارها والصنيعه اللى بيفهموا فيها قليلين استهلاك البنزين ممكن يبقى قريب هو والضريبه بصراحه انصحك بعدم التغير الشيروكى فى مصر حلوة فى المطبات وهتنفعك اكتر من البى ام هدوخ شويه بيها الا لو دماغك فيها
|
رد: فى مصر الشيروكى أفضل ولا ال bmw 316
المقارنة غير صالحة ....
أيه اللى جاب القلعة جنب البحر ؟ الشيروكى للطرق الوعرة و الاوزان الكبيرة و اتزانها مش قوى و بالتالى سرعات مش عالية و كذلك استهلاك وقود مرتفع البى أم 316 طبعا أسهل و أمتع فى السواقة استهلاك بنزين أقل الضريبة و الترخيص أقل قطع الغيار أعتقد متقاربين و كذلك واطية ( و ممكن معالجتها ) و لذلك ثبات أعلى وبالتالى سرعات أعلى و أكثر أمانا و لازم تكشف عليها كويس جدا و الأختيار لك و طبقا لمتطلباتك و الله الموفق ‘ |
رد: فى مصر الشيروكى أفضل ولا ال bmw 316
اقتباس:
بس هوا من حيث قطع الغيار فالشيروكى مبهدلانا فى قطع غيارها برده استهلاك البنزين اكيد هيكون اقل والضريبه هتكون اقل لانها 1600 سى سى الشيروكى كانت 2600 هيا المشكله بس فى المطبات ! الشيروكى كانت مريحانى فى الحته دى |
رد: فى مصر الشيروكى أفضل ولا ال bmw 316
اقتباس:
بس كنت عايز أعرف أيه نظام العفشه و المطبات مع البى أم ؟ وبرده بالنسبه لسواقتها وخاصه ابعادها سهله ؟ انا فى الشيروكى كنت بكون مرهوب شويه وانا راكبها ومش واخد على ابعادها وبتجنب الشوارع الضيقه " انا سنه اولى سواقه " هل لما هنزل من الشيروكى للبى ام هحسن بالتغير للأسهل ولا الأصعب ؟ |
رد: فى مصر الشيروكى أفضل ولا ال bmw 316
بسم الله الرحمن الرحيم
من وجه نظري اللي نعرفه احسن من اللي منعرفوش وبنسبه للشروكي هي سياره ممتازه جدا ومريحه في اي طريق بس عيبها الوحيد ضريبتها غليه حبتين بس هي الافضل البي ام ضيقه عنها :36_2_16: :010105~332: والبي ام عربيه شباب او فرد واحد او عائله صغيره اما الشروكي عربيه عائليهPOLICEE:fun_36_3_16[1]::waving: |
رد: فى مصر الشيروكى أفضل ولا ال bmw 316
اقتباس:
|
| الساعة الآن 02:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017