|
نجاح هيونداى النترا2012..وفى نفس الوقت الواحد يضحك بجد
اولا بمسى على احلى ناس واحلى اخوات ...هو احنا ياجدعان مش قولنا ان العربيية دى غالية و ان مش هتتباع كتير فى السوق والناس مش هتشتريها لانها غالية جيدا وحتى لو مافيش حد اشتراها هتبقى قليلة بس لما تيجى اللحظة انها هتقرب وتبقى زى السيراتو دى الى الواحد يضحك من الحاجات الغريبة الى فى البلد...طيب قول ان السيراتو فيها منها فئات ومنها خليجى ومليون نوع منها ورخيصة .. لاكن الهيونداى و لا فى منها فئات كتير والاتوماتيك بيتدى فيها 122 الف جنية و لا فى منها خليجى غير فى الفئات العالية بس..وناس كتير هنا فى المنتتدى راهنت ان العربيية هتفشل لاكن الى انا شايفة يضحك بجد ونجاح غريب وعجيب وفى توقيت غريب و على اسعار غريبة وفعلا العربيية دى من العربييات الى مش هتتنسى بعد الثورة انها تنجح والبلد فى حالة زى الزفت :D والله حاجة غريبة مالهاش لازمة بقى نطلب نرخص و لا تخفيضات و لا نيلة العربييات فى مصر دى محتاجة ثورة لوحديها غير ثورة 25 يناير وعلى العموم العربيية نجحت بس محدش بعد كدة يقول العربيية نازلة غالية للاسف الموضوع محتاج ثورة و وقفة....وفى ناس كتير شايفة ان سعرها بسيط و مش غالى
|
رد: نجاح هيونداى النترا2012..وفى نفس الوقت الواحد يضحك بجد
البلد هي اللي مليانه فلوس رغم ادعاء الفقر
|
رد: نجاح هيونداى النترا2012..وفى نفس الوقت الواحد يضحك بجد
والله عندك حق
|
رد: نجاح هيونداى النترا2012..وفى نفس الوقت الواحد يضحك بجد
يا جماعة طول ما البلد فيها فئة سماسرة الشقق والاراضى ومؤجرى الكبائن المفروشة ما تندهشوش من كمية الفلوس اللى فى البلد لانها التجارة الرابحة الان فى مصر المحروسة وسهل يهربوا من الضرائب لانها تجارة غير منظورة ومفيش فايدة :waving:
|
رد: نجاح هيونداى النترا2012..وفى نفس الوقت الواحد يضحك بجد
انا كنت متوقع انها هتنجح عادي لأن وراها اسم تقيل
|
رد: نجاح هيونداى النترا2012..وفى نفس الوقت الواحد يضحك بجد
يبقى انت اكيد فى مصر |
رد: نجاح هيونداى النترا2012..وفى نفس الوقت الواحد يضحك بجد
كلامك مظبوط 100% والله :fun_36_3_16[1]:
بس صدقنى انا متاكد ان اغلب الناس اللى اشتروها او اللى عايزين يشتروها فعلا مستغلينها ومفقوعين من فئاتها المفتكسة بس تعالى ناخدها واحدة واحدة انهى عربيه نزلت فى مصر مستغلينهاش بعد ما نزلت ؟ حتى الالنترا اللى فاتت انا فاكر اول ما نزلت جديدة فى 2007 كنا بنقول هتفشل علشان غالية برضو اذن احنا خلاص اتعودنا نشترى الحاجة غالية بل بالعكس عندنا مبداء تراثى وراثى بيقول الغالى تمنة فيه وده منسجم مع مبداء تانى سائد بيقول ان مفيش حاجة بترخص فى مصر وبالتالى بقى لازم الموديل الجديد يبقى اغلى من اللى قبليه وبالتالى بشكل او باخر اغلب الناس بتقول انا بحط مية وعشرين ولا ميه وتلاتين الف هركب العربيه 4 - 5 سنين وابيعها برضو ب 90 ولا 100 الف جنية وفعليا برضو عربيات هيونداى جيل بعد جيل بتاكد ثقة المستهلكين فى موضوع ثبات الاسعار التصاعدى وسهولة اعادة البيع وارتفاع قيمتها وغير كل اللى قولتة ده فيه سبب تانى اهم وادعى للسخرية زى ما قولت فعلا وهو ان الالنترا فعلا من ارخص السيارات فى فئتها تخيل !!! لان العربيه المفروض فى فئه الكروز والسيراتو والفورد فوكاس والهوندا سيفيك والفولكس جيتا والسوبارو امبريزا والمتسوبيشى لانسر والتويوتا كرولا فانت لو قارنتها باسعار باقى سيارات نفس الفئه هنا فى مصر هتتصدم اكتر الفولكس جيتا مثلا المفروض بتبداء من 14 -20 الف دولار يعنى فى نفس الفئه او بعض الموديلات ممكن تزيد الف ولا الفين دولار بس فى نفس الفئه ... شوف بقى الفرق بين سعر الجيتا 2012 وسعر الالنترا 2012 عادى يا باشا مصر ام الدنيا فلازم الاسعار المصرى تبقى ام الاجنبى :waving: |
| الساعة الآن 02:30 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017