كبالن البرايد
 

السلام عليكم
يا جماعة انا ظهر عندى صوت طقطقة فى الملفات فاكيد دى تبقى كبالن بس فى ناس قالتلى متجبش كوبلن لوحده عشا ن هيبوظ تانى وانى اجيب جنب استيراد بالكوبلن بكل حاجة
فمش عارف اعمل ايه ولو كده ممكن الحوار ده يخشله فى كام كده؟؟؟

رد: كبالن البرايد
 

ياجماعة انا محتاج رأيكم فعلا بسرعة الله يخليكم

رد: كبالن البرايد
 

يا باشا مفيش الكلام ده خالص هتجيب كبالن محترمة عادى وتركبها ده لو عيب كبالن اصلاً فحضرتك تروح عند ميكانيكى كيا او عفشجى شاطر يبص على العربيه ويقولك فيها ايه بالظبط

وتحت امرك فى اى استفسار اخر

رد: كبالن البرايد
 

تسلم يا جميل وكل سنة وانت طيب وممكن يعملو كام النوع النضيف منه

رد: كبالن البرايد
 

أنا غيرت 2 الكبالن ب 200 و ده اخرها... بس لازم تأخدها على بتاع عفشة زي عمنا أبو نورا ما قال بالضبط.....:CHICKA~11:

عندى مشكلة
 

السلام عليكم انا لسة شارى برايد من شهرين بس فيها مشكلتين الاولى انها بتحك فى المطبات والتنك بيتخرم والثانية استهلاكها عالى شوية فى البنزين الصفيحة بتعمل نت 200-220 كيلو بس بمشى فى الزحمة لمدة نصف ساعة تقريبا

رد: عندى مشكلة
 

وعليكم السلام ورحمة الله وبركاتة واسف للتاخر فى الرد

بالنسبة للتانك انه بتخرم كل شوية ده محتاج يتبص عليه لا يكون فيه بارومة مخلية التنك ضعيف وغير كده هتروح لعفشجى كويس يبص على المساعدين والسوست ولو هبطانين يا تجيب استيراد او تجيب لهم علايات طالما بيهبطو خالص

برضو لو فيه مشكلة وتسريب فى التانك اكيد استهلاك البنزين مش هيبقى مظبوط وانصحك كمان بمراجعة خرايطيم البنزين للتانك وممكن تبص على طلمبة البنزين وتتاكد انها مبتسربش
ولو تاكدت تماما ان المشكلة مش تسريب يبقى هنشوف الموتور والكربراتير