يا جدعان وبعدين فى اللانسر دى ؟؟؟؟
 

معايا لانسر 2007 بومة خليجى 1300
عربية كويسة وبنت حلال
فجأة العربية بقت بتعمل حاجات غريبة

1- التكييف ضعيف رغم انى غيرت سربنتينه التكييف و فلتر الهوا وفلتر التكييف و شحنت فريون كويس وكله تمام ومفيش فايدة ؟؟ مكانتش كده خالص

2-العربية بعد سرعة ال 100 ك يبدا الدركسيون يرعش خفيف 120 ك يرعش جامد وببقى ماسك الدركسيون بالعافية مع العلم انها كانت بتبقى ماشية على 160 ك وساند دراعى على الدركسيون ولا بيتهز مش عارف فى ايه شفت الجنوط تمام مش معووجه و الكاوتشات غيرتها طب وبعدين ؟؟؟

3- صوت تزييقه خفيف فى الفرامل وتحس بيه زى مايكون فى حاجه مش مظبوطة فى قفلت الفرامل على الطنابير لكن مش دايمة يعنى كل فين وفين تحصل مرة ولا اتنين و تختفى ده طبعا غير صوت الصفارة الخفيف لتيل الفرامل على السرعات البطيئة للحظات ويختفى مع العلم انى مغير التيل مرتين ومنهم واحد شايلة فى شنطة العربية بحالته لانه كان بيصفر بصوت عالى رغم انه مركبش غير اسبوعين ؟؟؟

4- وحدة الرفع فى جهاز الانذار بغزالة !!! ساعات تشتغل وساعات لا براحتها رغم انى غيرت 3 وحدات رفع ومفيش فايدة ؟؟

انا بقول اخدها افسحها عالكورنيش واعمل نفسى نايم ... ولا انتو ايه رايك FLASHCar

رد: يا جدعان وبعدين فى اللانسر دى ؟؟؟؟
 

اولا حتت التكييف روح لواحد بتاع تكييف يكون كويس واكيد هيظبطةوتاكد ان وضع اختيار التكييف تكون على البارد واختيار المصدر من داخل السيارة وليس من فتحات الخارجية
ثانيا : موضوع الرعشة والهزة دة بيبف من الترصيص للعجل
ثالثا : موضوع التيل دة اصبر علية شويه على مايطبع على الطنابير

رد: يا جدعان وبعدين فى اللانسر دى ؟؟؟؟
 

ربنا معاك .......ولو المشاكل لم تحل مفيش حل غير انك تفسحها عالكورنيش :36_1_71:

رد: يا جدعان وبعدين فى اللانسر دى ؟؟؟؟
 

ابقي جبلها دوره مشوي وترمس
ههههههههههههه
ان
شاء الله تتحل

رد: يا جدعان وبعدين فى اللانسر دى ؟؟؟؟
 

هاقولك على المفيد موضوع التكييف ماتتعبش نفسك العربيه دى تكييفها مش جامد اوى يعنى مش زى اغلب الكورى الانترا وافيو وكده وهوه بغزاله كمان يعنى مره تلاقيه كويس ومره لا على العموم لو تكييفك ضعيف اوى روح لواحد بتاع تكييف يبصلك عليه وبالذات المواسير بتاعته موضوع الرعشه ده طمبوره مفيهوش كلام موضوع التيل عشان انت جيبت نوع ردى ناشف وانت بتشترى هات حاجه طريه شويه اتعامل مع واحد بتاع اكسسوار تكون عارفه يدلك على الصح والنضيف ب 90 حاجه كده وبص كويس على السست قلى ماسكه التيل عشان اوقات بتعمل صوت زى بتاع التيل ممكن يكون منها واحده معووجه واحده وقعت كده يعنى وكل ده طبعا عن تجربه انا معايا بومه خليجى سبورت 2006 يعنى المفروض التكييف عندى يكون كويس بس نعمل ايه نصيبنا

رد: يا جدعان وبعدين فى اللانسر دى ؟؟؟؟
 

لا يا معلم كده عربيتك دي مسكونه .هو موضوع الصوت ده لأن أي تيل جديد لازم يعمل صوت
ب

رد: يا جدعان وبعدين فى اللانسر دى ؟؟؟؟
 

كل ده تمام بس لازم كمان تبص على الكمبروسور ومروحة التكييف
روح عند واحد بتاع كاوتش وجنوط محترم واطلب منه يفك ال4 فرد ويشيل كل الترصيص اللى فيهم ويوزنهم ويرصصم من اول وجديد

اغلب انواع التيل بيصفر اول ما يركب مش اول ما يصفر تغيره كنت تحاول تمشى عليه شوية وغالباً الصفارة هتروح
كمان تيل الانسر معروف انه فيه منه مضروب كتير حاول تجيب الانواع المضمونة

طالما غيرتها مرة واتنين يبقى مش هى السبب ممكن يكون فيه حاجة تانية فى جهاز الانذار او ليها علاقة بعمل وحدة الرفع هى اللى عاملة مشكلة فمش هيفيد تغيير وحدات الرفع افضل تروح لكهربائى كويس يراجع على كل حاجة