مصر موتورز مجتمع السيارات - النترا ولا صني ... يا تري مين يكسب بالقاضيه ؟؟

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - النترا ولا صني ... يا تري مين يكسب بالقاضيه ؟؟ (https://www.masrmotors.com/vb/showthread.php?t=66009)

النترا ولا صني ... يا تري مين يكسب بالقاضيه ؟؟

السلام عليكم ورحمه الله وبركاته

اخوتي الاعزاء

انا عايز رايكم في النترا 2011 الشكل القديم او نيسان صني 2011 او الشكل الجديد

من حيث 1- قوه الماتور والسحب والثبات

2- العفشه وما ادراك ما العفشه ونعومتها وقوتها

3- عوامل الامان في كل منهم

4 - وسع الصالون والرفاهيه

وااااااااااالاهم هو تحملها للسفر المستمر وبشكل تحميل كامل سواء اوزان او اشخاص

واااااااااااااااااااااااا ااااااااااااي معلومات اضافيه منكم اوكون شاكر ليكم جدا جدا

4 -

رد: النترا ولا صني ... يا تري مين يكسب بالقاضيه ؟؟

اقتباس:

المشاركة الأصلية كتبت بواسطة gad (المشاركة 498870)

السلام عليكم ورحمه الله وبركاته

وعليكم السلام ورحمة الله وبركاته

اخوتي الاعزاء

انا عايز رايكم في النترا 2011 الشكل القديم او نيسان صني 2011 او الشكل الجديد

بص يا غالي انا معايا النترا في الشركة عندي وسوقت النيسان كتير بردك وان شاء الله اقدر افيدك

من حيث 1- قوه الماتور والسحب والثبات

قوة الماتور النيسان اقوي من الالنترا الالنترا 109 حصان النيسان 118 حصان وسحب النيسان انا سوقت المانيول بس لكن الالنترا مسوقتش غير الاتوماتيك فطبعا انا هتكلم عن سحب الالنترا في الاتوماتيك جميل جدا وفي النيسان المانيول ملهوش حل

2- العفشه وما ادراك ما العفشه ونعومتها وقوتها

عفشة الالنترا انعم شوية من عفشة النيسان بس عفشة النيسان اشد من عفشة الالنترا في الاستحمال بأمانة حمارة شغل

3- عوامل الامان في كل منهم

لا طبعا النيسان تكسب فيها علي الاقل 2 ايرباج واي بي اس

4 - وسع الصالون والرفاهيه

الرفاهيه اللالنترا تكسب لكن النيسان السوبر صالون اوسع من الالنترا لكن ال ex صالونها اصغر شوية من الالنترا

وااااااااااالاهم هو تحملها للسفر المستمر وبشكل تحميل كامل سواء اوزان او اشخاص

من الاخر النيسان تكسب وبجدارة لان الالنترا اساسا بتحك وانتا سايقها لوحدك تخيل بقا لو 3 ركبوا ورا بتكون شكلها عامل ازاي

واااااااااااااااااااااااا ااااااااااااي معلومات اضافيه منكم اوكون شاكر ليكم جدا جدا

4 -

ثبات النيسان في الجري اعلي من الالنترا لان الالنترا بعد ال 140 بتعوم النيسان جريت بيها 170 و 200 وممتازة بصراحه

قطع غيار النيسان اغلي شوية من الالنترا

النيسان ماتور ياباني تقفيل مصري اتحسن في الموديلات من بعد 2010

الالنترا كوري

واي استفسار تاني انا تحت امرك

رد: النترا ولا صني ... يا تري مين يكسب بالقاضيه ؟؟

مع ان الالنترا كورى بس انا شايفها احسن لانها مع واحد قريبى بسم الله ما شاء الله
و كان بيسافر بيها تمام و مش بتشتكى ابدا

رد: النترا ولا صني ... يا تري مين يكسب بالقاضيه ؟؟

اده اول مرة اعرف ان فى فرق فى الصالون ما بين السوبر صالون و ال EX
حبقى اركز لما اشوفهم تانى

رد: النترا ولا صني ... يا تري مين يكسب بالقاضيه ؟؟

شكرا جد اجدا ليكم يا شباب

انا مكنتش متوقع ان حد هيرد لان انا شايف ان المنتدي مش زي زمان

دلوقتي مبقاااااش حد بينصح ولا بيرد ولا بيقول معلومه لوجهه الله

رد: النترا ولا صني ... يا تري مين يكسب بالقاضيه ؟؟

انا ناوي ان شاء الله اشتري واحده فيهم فيا ريت يا استاذ corsair تساعدني في اتخاذ القرار لان انا منعدم الخبره في السيارات وتعبت في فلوسي جدا وبقالي اكثر من 10 سنوات عايز اجيب عربيه

فمتخيل اني لازم احطها في ملاك يعني ههههههههههه

يعني لو في حاجه افضل وفي نفس الفئه السعريه بالاضافه لتوضيحات اكثر عن الا 2 المعروضين هنا

رد: النترا ولا صني ... يا تري مين يكسب بالقاضيه ؟؟

الالنترا حلوة على الطرق السريعة ولكن الصنى اشد فى كل حاجة اللى بتتميز بيه الالنترا الشكل وعلى فكرة فعلن بتحك وبتنط كتير وانتى بتجرى