|
لانسر ولا حاجه تانيه ؟؟؟؟؟؟؟؟
لعل الله وجهني اليكم لما فيكم من خير واهل كلمه ورأي طبعا انا هتكلم شويتين كده ويمكن يكون كلامي قديم حبتين لكن نعمل ايه بقا هو دا قدر الناس الخدومه اللي موجوه هنا ودايما تقع في الناس اللي زينا كده وغرقانين في شبر ميه مش حابب اتكلم كتير علشان يبقي الكلام في صلب الموضوع انا مواطن مصري من الطبقه العاديه وبقالي حوالي 15 سنه نفسي اشتري عربيه لان انا مش من القاهره بس شغال في القاهره وساكن فيها وبسافر كتير وشغلي مش قريب من سكني وعندي 4 اولاد ربنا يخليهم ليا طبعا هما مش صغيرين ودارت الايام ومشيت السنين وتلاقت رغبتي القديمه في شراء سياره مع طموح الشباب اللي عايز يركب عربيه اليومين دول طبعا ما باليد حيله لكن الحمد لله كان عندي حته ارض بعتها وكنت محوش قرشين كده علي مكافأه نهايه الخدمه علي دهب ام العيال ممكن اوصل كده ل 75 او 85 الف وطبعا اللي اتحرمت منه 15 سنه مش عايز احرم عيالي منه خصوصا بعد ما كبروا المهم انا نويت فعلا اشتري عربيه ......................... ....................... لكن والله طلع قرار الجواز اسهل من شراء العربيه .. لقيت نفسي داخل في دوامه ياباني وكوري وصيني وكل واحده فيهم فيها قواميس وبعدين قلت ياباني لقيت نفسي حيران 1300 ولا 1400 ولا 1500 ولا 1600 وايه حكايه الحصنه الكتير دي مع العلم ان العربيه في الغالب هتتعب معايا ومع ولادي كتير وخصوصا اننا هنسافر بيها كتير حاولت استقر علي حاجه لقيت نفسي بتسأل ايه هي عوامل الامان المطلوبه ليا وهل مطلوب الرفاهيه بالنسبالي ثم هل هاتشباك ولا سيدان طيب ياباني ولا كوري طيب قسط ولا كاش طيب هل هتفرق الانتشار والكلام دا معايا ولا اجيب اللي هيريحني وخلاص طيب صني ولا اكسنت ولا افيو ولا ياريس ولا ريو ولا اوبترا ولا لانسر ولا فيرنا ولا لانوس ولا سيات ولا فيات,,,,,, ولا في حااااااااااااااااجه تانيه احسن انا مش عارفها ما هو فيه خمسن الف ماركه وكلهم فئات واحده واللي هنا زي اللي هنا وتقفيل مصري ولا كوري ولا ياباني موديل 2011 ولا 2012 ولا مستعمل وايه العربيه اللي فيها عوامل امان اعلي وافضل من حيث الثمن اللي اقدر عليه واقل مشاكل وعيوب ممكنه والعفشه اعرف ازاي انها ممتازه والماتور 1300 ولا 1600 واي عربيه حمار شغل ومش مهم اوي الرفاهيه بس يكون شكلها محترم مع العلم ان العربيه يمكن تموت معانا يعني مش هنفكر نبيعها خالص بس بحاول اوصل لانسب شكل مع قوه الماتور وصلابه العفشه وعوامل الامان وفي الاخر خالص ممكن نقول الرفاهيه بـــــــــــــــصراحه تعبت جدا جداااااااااااااااااا ......................... ................... بعد كل التفكير دا ظهر ليا واحد صاحبي وقالي ما تخليك في المستعمل وهاتلك ماتور من بورسعيد طبعا الكلمتين دول مسحوا تفكير 4 شهور في ايه اللي ينفع في الجديد اناااااااااااااااااا مش هطول عليكم لكن بالله عليكم ساعدوني ازاي اختار عربيتي الجديده خصوصا ان انا لا اعلم شئ عن العربيات ومش عارف ازاي اختار فبالله عليكم بحق هذه الايام المفترجه لا تبخلوا عني بالمشوره بالله عليكم محتاااااااااااااااااااااج المشوره لكـــــــــــــــــــــــ ن ارجوكم بأمانه وصدق وعن تجربه وليس ميول شخصيه انا تعبت جدا في الفلوس |
رد: لانسر ولا حاجه تانيه ؟؟؟؟؟؟؟؟
ماتنساش تويوتا كورولا 2007 لو عايز حاجة ياباني و ب85الف او في الحدود ديه
|
رد: لانسر ولا حاجه تانيه ؟؟؟؟؟؟؟؟
طيب هي كرولا 2007 جديده ولا مستعمل
|
رد: لانسر ولا حاجه تانيه ؟؟؟؟؟؟؟؟
موفق ان شاء الله في الاختيار |
رد: لانسر ولا حاجه تانيه ؟؟؟؟؟؟؟؟
مع إحترامى للرينو ... العربية ممتازة بس الموديلات المذكورة مش بتاعة بهدلة و ضيف على كده إنك محتاج عربية أى حد ممكن يشتغل فيعا لإنك من خارج القاهرة
نصيحتى الشخصية: 1- لانسر 1300 مع واحد زميلى و كان بيسافر بيها 250 كيلو يومياً بس أغلى من ال 85 ألف بس تستاهل و ممكن تشتريها كسر زيرو بس من حد تضمنه و يكون معاك حد قريبك بيفهم قوى فى العربيات (أوعى تاخد ميكانيكى) 2- شيفروليه أوبترا 1600 عربية جامدة جداً وواسعة و تحملها عالى و منتشرة بدرجة كبيرة و بالتقريب على قد المبلغ و كفاية ريحة الفابريكة و خصوصاً إنها جاية بخلع الضرس لكن أنصحك لو هتشترى مستعمل يبقى بالكتير 30 ألف لإنى بأستخسر أدفع كتير فى حاجة مستعملة |
رد: لانسر ولا حاجه تانيه ؟؟؟؟؟؟؟؟
بس تلاتين الف دي اخرها لادا :fun_36_1_30[1]:
|
| الساعة الآن 10:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017