تغيير موتور طلمبة البنزين كيا شوما
 

السلام عليكم ورحمة الله وبركاته
ارجو إفادتى حيث ان العربية تحتاج طلمبة البنزين وسألت وقيل لى غير الموتور فقط لان باقى الطلمبة هى بلاستيك وليس لها علاقة بمشكلتك حيث ان العربية فى المشاوير الطويلة وعندما تسخن الاقى نفسي بدوس بنزين وومفيش صوت والعربية سرعتها بتقل واول ما اطفى العربية واشغلها تانى بتمشي كويس وان كل المواتير الموجودة بالسوق هى صينى وحتى لو كان مكتوب عليها كورى فهى صينى فهل هذة المعلومة صحيحة ؟
وقيل لى ايضا ان موتور طلمبة البنزين بتاع اللانسر والتويوتا تركب على الكيا شوما وهى صناعة يابانى فهل ينفع ؟
لان الفرق ما بين سعر الموتور والطلمبة كلها كبير جدا فالطلمبة تعمل اكثر من 750 جنية والموتور لوحدة اعلى سعر لاقيته 120 جنية
اشكركم جزيل الشكر

رد: تغيير موتور طلمبة البنزين كيا شوما
 

ومعلش سؤال آخر
بخصوص علبئة البيئة (الشكمان)
يخرج منها صوت مزعج وهناك من قال لى الغيها خالص لانها غير موجودة ولو موجودة ثمنها اكثر من 2000 جنية وهناك من حذرنى من الغائها فارجو افادتى ولكم جزيل الشكر

رد: تغيير موتور طلمبة البنزين كيا شوما
 

الي حذرك من الغاء علبة البيئة راجل خايف علي البيئة !
و ده شيئ جميل
لكن الاحسن للعربية انها تتلغي
هل تأكدت بنسبة 100 % انها طرمبة ؟ مش قاعدة فيوزات بتسخن ؟

رد: تغيير موتور طلمبة البنزين كيا شوما
 

اشكركم جزيل الشكر .
الكلام عن الطلمبة كان من الميكانيكي العربية كانت بتنتش وساعات وانا بجرى الاقيها بتسحب لورا وغيرت البوجيهات وغيرت اسطوانة الدبرياج و 2ماستر والموضوع قل كتير بس لسة موجود , وآخر مرة على الصحراوى والعربية سخنة ظهر الموضوع جامد . معرفش موضوع الفيوزات والكشف علية يكون ازاى؟

رد: تغيير موتور طلمبة البنزين كيا شوما
 

طيب تفاصيل اكتر
هل كان في اي اعطال او صيانة بعدها العطب ابتدي يظهر ؟
اخبار سلك البوجيهات
الكويل
فلتر بنزين
و في بأه صمام البيئه ده لو عندك افصله وارد يكون السبب
اصل طرمبة البنزين غالبا بتقطع مرة واحدة
فممكن كهربائي يكشف علي قاعدة الفيوزات كأجراء وقائي
كل الي فات احتمالات بس الكشف عليها سريع و غير مكلف قبل ما تدفع كتير في الطرمبة و تطلع مش هي

رد: تغيير موتور طلمبة البنزين كيا شوما
 

بص يا باشا انا معايا كيا سيفيا 2000 نفس العيب الى عندك كان عندى وطلع فعلا من طرمبة البنزين فغيرت الموتور بتاع الطرمبة بس واشتغل كويس لفترة ورجع تانى علشان هو صينى وكان بــ 60 جنية لو لقيت نوع كويس مش صينى يبقى افضل , بس العيب الى عندك ده 100% موتور طلمبة البنزين .

رد: تغيير موتور طلمبة البنزين كيا شوما
 

لا بالعكس لم تظهر اى اعطال من قبل لان العربية رغم انها موديل 2000 الا انها عاملة 60 الف بس وتم تغيير فلتر البنزين وتغيير البوجيهات والكشف على سلك البوجيهات وكان جيد
بس انا معرفش صمام البيئة دة بيبقى فين وبيتفصل منين؟
المشكلة ان الطرمبة الاصلية سعرها حوالى 800 جنية ولكن الميكانيكي قالى الطرمبة مافيهاش الا الموتور والباقى بلاستيك ملوش لازمة والموتور اعلى سعر لية كان 120 جنية انا دورت علية لاقيت صيني ولاقيت كورى ومحفور علية بس الناس خوفونى ان ممكن يكون مكتوب علية كورى ويطلع مضروب ولاقيت بتاع التويوتا شبهه بالظبط ومكتوب علية يابانى بس كتابة بخط ابيض تخوف برضة
ولاقيت ماركة تانية اسمها ديوة وبس كانت ب190 وشكلها متفرقوش على الصينى اللى ب 80 جنية