محتار بين التريوس والماتريكس - أرجو المشورة
 

أعضاء المنتدى الكرام

بقالي أسبوعين بدور على عربية (مش زيرو) بس تكون عائلية وأوتوماتيك وقطع غيارها متوفرة ومشاكلها قليلة ..

كنت شبه استقريت على الماتريكس 2010 أو 2009 وبعدين واحد صاحبي اقترح علي أجيب تريوس ..

شفت إعلان عن تريوس 2007 أوتوماتيك عاملة 80ألف كيلو تمنها 84ألف جنيه -

عاوز آخد رأيكم .. أنا متردد جدا بطبعي في شراء أي حاجة ..

إيه رأيكم ؟

شكرا مقدما على النصائح

-- أحمد

رد: محتار بين التريوس والماتريكس - أرجو المشورة
 

إن شاء الله مفيش حيرة ولا حاجة فيه مواضيع كتيره في المنتدي إتكلمت عن التريوس والجراند تريوس ، وفي رأيي إن التريوس أفضل بكتيير من الماتريكس وخصوصا إن ال 5 راكب منها ياباني بالكامل ، وبعدين عاليه عن الأرض من تحت من جهة بطن العربية ، وبعدين هيه 4x4 ، وعائليه من جوه وسحبها كويس جدا ، ومناسبة للطرق المصرية والمطبات المحترمة الموجودة فيها ، فتوكل علي الله وإستخير ربنا في شراء التريوس .

رد: محتار بين التريوس والماتريكس - أرجو المشورة
 

تريوس طبعا لو انا مكانك

رد: محتار بين التريوس والماتريكس - أرجو المشورة
 

رد: محتار بين التريوس والماتريكس - أرجو المشورة
 

أخى الكريم
أنصحك بالتريوس كما تفضل الأخوة الكرام وذلك عن تجربة ..
فأنا لدى تيريوس 2010 فعلا سيارة عائلية ممتازة بالإضافة الى انها ذات ارتفاع مناسب من الأرض

رد: محتار بين التريوس والماتريكس - أرجو المشورة
 

شكرا لكل من شارك بالنصيحة ..

عندي سؤال .. هل التريوس حتى لو موديل قديم شوية (2007 مثلا) برضه أحسن من الماتريكس حتى لو موديل أحدث (2010 مثلا)؟

وشكرا مرة أخرى

-أحمد

رد: محتار بين التريوس والماتريكس - أرجو المشورة
 

المستعمل يحكمه الحالة يعنى ممكن تيريوس 2007 تبقى احسن من ماتركس 2010 من حيث حالتها و العداد
انا بحب الماتركس جدا بس بصراحة التيريوس سيارة تنفع اكتر فى مصر و طرقها اكتر خصوصا لو هاتبقى خروجات عائلية